مواقفكم المضحكة مع ببغاءاتكم خلونا نتفاعل ونتونس

[شيروكي]

السسسسلام عليكممممم


كيفكم ياحلوين اليوم جالس عزابي بالبيت ومالي شغل روشت الببغاء وغسلت الجيب واخرها جيت على هالنت وخطرت على بالي فكره الله يستر مايصير احد سبقني لها
واجد الي بيشوف اسمي ذكر وبيمشي مهوب مشارك ولو اني بنت كان يألف قصص بس عشان يشارك وناس تبي تبدا بالنصب والتأليف وكل هذولا مانبيهم خلونا نستانس اليوم يالله ابقولكم فكرتي
انتم مربين ببغاوات واكيد كل واحد منكم صار له موقف مع ببغاءه خلاه يضحك فكرت اننا نكتب مواقفنا مع ببغاواتنا ونستانس ونخلي الناس تستانس والي مافكر يشتري ببغاء يبيعها ويشتري من بكره
موقفي ياطويلين العمر مع ببغائي علاوي وعمره الآن ثمان سنوات ماشاء الله تبارك الله وفي يوم كنت حاطه ببيت الاهل وهم مسافرين جاء اخوي بالليل ودخل سيارته للحوش علشان يعبي جراكل المويه بيطلع للبر
يقول بديت اعبي مادريت الا سمعت الباب ينسحب وينصك جوا البيت تعرفون عاد صوت الباب اذا ماحطيت له زيت وش يصير قال واسمي بالرحمن واكمل شغلي يقول ويرجع الصوت مرة ثانية وخلاني اجزم ان في البيت حرامي يقول واخذت اكبر ماصورة بالحوش وفسخت شماغي وثوبي ناوي اقتل هالحرامي ودخلت مع الباب الخلفي اتسحب على روس اصابعي ولما وصلت الصالة الهمني الله وتذكرت الببغاء يقول لبدت بمكاني شوي الا واسمع الصوت والبيبان كله ماتحركت يقول واموت من الضحك واجي للببغاء واعطيه فول سوداني مكافأة ههههههههههه

يالله ياخواني عطونا المواقف الحلوة