سوق الحمام

[صديق الحيوان1]

السلام عليكم
ممكن معلومات عن سوق الحمام اللي في الرياض
هل سوق الحمام مفتوح؟
يعني يبيعوا طيور
وشكرا

[روني]

مرحبا اخي الكريم



انا الخميس العصر كنت في السوق


للأسف لازال السوق شبه مغلق

لاكن فيه بيع في الحراج على خفيف

يعني شفت واحد يبيع ببغاء افريقي وغيني


وايضاً شخص اخر معه كم جوز حمام


والاغلب الموجود في السوق الارانب والوبران

وفيه كم قطوه معروضه هذا الموجود في الحراج فقط


اما المحلات فهي خاليه من الطيور ومخصصه بيعها للوبران والارانب والاسماك

[Mr.Khaled]

اخوي روني

هل يبيعون أقفاص الطيور بالسوق ؟

[جبل عمر]

نعم يبيعون كل ماتريد حتى مثل ماقالو الاخوان انه فيه بيع طيور على خفيف اصلا خلاص البلديه ماتقول شي لانه صدر قرار بالسماح ببيع الطيور والخبر هذا في الجريده وبعدين ترا بعد صلاه العشاء يتجمعون راعين الطيور قدام السوق وفيه طيور مثل الكناري والافريقي بس انا انصح الي بيشتري ببغاء لا يشتري من السوق او واحد شريطي لانه اهم شي الي يدخل جيبه ومايهمه الباقي ف انصح انهم يشترون من مربين معروفين وكذا يرتاح ضمير لان فيه ناس ماعندها ذمه اساسا وناس تغش ماتخاف رب العالمين وصلى الله وبارك ........

[Mr.Khaled]

مشكوووووور اخوي جبل عمر

[صديق الحيوان1]

شكرا روني

[كاسكـــو]

لا سوق الحمام مابعد فتح رسمي

ومن قال البلديه متهاونه بالعكس متشدده ومانعه البيع والشراء والدليل المحلات المسكره لحد اليوم

وفيه ناس من البلديه تجي على رجولها تستكشف بدون احد يحس وسياراتهم بعيده

لكن بعد صلاة المغرب يتجمعون بعض الناس معهم طيور لكن ماتضمن مصداقيتهم لانه مالهم مكان ثابت

وبالنسبه لأغراض الطيور موجوده كلها من اكل ومستلزمات وغيره ومتوفره جداً