صاحبي اشترى ببغاء يبي يقلد
لانة استانس من ببغاء الي عندي
ورحت انا وياة واخذنالة ببغاء افريقي
بقيمة 2700ريال
وقعد عندة يمكن 3 شهور
وكل ما سالتة عنة قالي ما شي حالة وبعد الثلاث شهور جابة لي يبي يبيعة علي شفة الطير وكانة شبح
انا ما عرفتة
اشتريتة بالتقصيد من مكافاة الكلية
بس المشكلة اني كل ما دخلت ايدي يبي ينحاش من القفص واذا خرجتعه ما يعرفني له الحين شهر ونص ولا فية فايدة
رحت عند خوي وقلة وش سوية فيه
قال ما ادري اخواني الصغار عندة بس اخوانه مع احترامي له وحوش
فحسية الببغاء متعقد وش اسوي معة
رغم اني مربي اكثر من 11 ببغاء افريقي بس مامرت علي حالة زي كذا
فيدوني
في ذى الموضوع والموضوع الثاني
==============================
شفت الطير كأنة شبح
شنو المقصود ؟
على العموم اخوي الطير لابذ منه ان ياخذ راحته حتى يتأقلم مع الجو الجديد اللي هو فيه
مدة شهر ونص غير كافية ويكون في علمك ان الطيور فيها إختلاف كلي بين كل طير في مدة التأقلم
يعني بعض الطيور من أول أسبوع تلقاها صارت متأقلمة مع الأسرة او المربي الجديد وبعضها لا تحتاج الى حتى أكثر من 5 شهور
انا أنصحك ان تخلي الطير على راحته وحاول تفتح له القفص ويخرج ابنفسه بدون اي مضايقات منك
او ملاحتقه للخروج
طيب ممكن تخبرنا عن الطير ولو قليل من مواصفاته ؟
هل هو أليف؟
كم عمر الطير؟
بالتوفيق
==============================
مشكور اخوي كاسكو
كان الطير بصحة ممتازة
بس قصدي بكانة شبح
صار نحفان واي حركة تلفت انتباهه
الطير كان شبة اليف يعني يقرب راسة منك بس ما اقدر اقرب من باقي جسمة
يحتاج تدريب
والحين صار زي المتوحش
احيان يقرب راسة واحيان يصيح
وانالوحدى ما معي احد وبيتوتي
من الكلية للبيت وما اطلع الى اوقات الضرورة
الطير كان عمرة سنة وسبع شهور على كلام البائع لانة غير محجل
من نا حية راحتة على راحتة لدرجة يطلع من القفص
يروح للباب ويقضم فية ومعي قطو
بس احسة مع القطو تمام يروح لة ويمر من حدة وما يسوي شي
الطير ذكر
============================
من الطبيعي الطيور تكون ملتفته الى أي حركة أو صوت
حاول عدم الإستعجال وكن مع الطير بطيئ الحركة
عمر طيرك فوق السنة يعني بكون راسة يابس اشوي
بس مو مستحيل إنك تروضه وتخليه يكون أليف ولكن يحتاج منك اشوية صبر فقط
تحيتي لك واي سؤال إحنا بالخدمة
----------------------------------------------
السلام عليكم
عندي كم سؤال يبغا اجوبه
1_ عندي ببغاء افريقي ماياكل الا الحب الشميسي والفول السوداني ابغااه ياكل غيرهاا من فواكه وخضار احطله تفاح جرجير مايااكل
2_ هل المكيف يضر الببغاء
3- هل المكيف الصحراوي يسبب في مرض الببغاء
4_ خلصت الاسئله
في انتظار الاجوبه على احر من الجمر
00
00
00

===============================
عندي ببغاء افريقي ماياكل الا الحب الشميسي والفول السوداني ابغااه ياكل غيرهاا من فواكه وخضار احطله تفاح جرجير ماياكل ؟ ج1- عود الطير إنت بنفسك على ان يكون الأكل منوع ولا تعتمد على الوجبتين المذكورتين الحب والفول ، أرفع الأكل عن الطير مدة ساعة ومن ثم قدم له مثلاً الذره الطازجه ، في بداية الأمر راح يقطع الأكل بدون الأكل ولكن بعد يومين من تقديم الأكلات الجديدة عليه راح يتعود على الطعم الجديد ، >>> الخس محبب عند الكاسكو وحاول تداول الخس بيدك انا الاحظ الأكل اللي باللون الأخضر عادةً يكون قريب الى الطير كون اللون لون موجود في الطبيعة بكثرة والطيور متعودة على هذا اللون ، (مجرد إستنتاج) ، وتقدر أيضاً تهرس التفاح مثلاً وتخلطه مع الحب الأكل المفضل لدية وعند ما يقترب الى الأكل راح يتلذذ طعم التفاح وبعد فترة اسبوع تقريباً أعزل الحب عن التفاح وقدم التفاح فقط >>> كثير من الأعضاء جربوا هذه الطريقة ونجحت وهذا يعتمد على مدى إستجابة الطير لديك .
_ هل المكيف يضر الببغاء ؟
ج2- لا ، بشرط تكون درجة الحرارة معتدله نسبياً ، انا اقوم بتغطية القفص وقت النوم بغطاء متوسط ابحيث يكون يغطي القفص بالكامل ويكون سهل التهوية ، واضع المكيف على حالة 20 درجة مئوية والحمد لله ما اجوف اي مشكلة وبالعكس الطير ينام صح وبجو صح ، ومثل ماتعرف الكاسكو طير أفريقي وموطنه الأصلي جو رطب وهو ضعيف على مقاومة الجو الحار .
- هل المكيف الصحراوي يسبب في مرض الببغاء ؟
لم أستخدم هذا الجهاز شخصياً ، ولكن لم أسمع بأنه يسبب أمراض للطيور وفي نظري الشخصي هو مجرد مكيف يدفع الهواء ويحافظ على نظام الجو في الأقفاص الكبيرة وقوي متحمل في الإشتغال
تحيتي لك والمعذره على التقصير
---------------------------------------------------
يعطيكم العافيه اخواني
ارجو من الاخوه الاعزاء افادتي في مشكلتي
المشكله الاولى - ان الببغاء اللي عندي لمن يكون خارج القفص على الاستاند في اعلى القفص ويكون في المكان المتواجد فيه دائماً بيكون شرس بمعنى الكلمه ( دائماً لمن اقرب يدي ابقا اشيله يعض يدي ) ولمن يشوف الاكل اللي يحبه يجي على يدي على طول من غير اي كلام
اما اذا غيرت مكان القفص ووديت القفص في اي مكان يجي على يدي على طول من غير ما يعضني
وللمعلوميه الببغاء عندي من شهر وثلاثه اسابيع نوعه افريقي وعمره 7 إلى 8شهور واذا خليته خارج القفص ورحت عنه اي غرفه ثانيه وخاصتاغرفه النوم وقت النوم اصحا اليوم الثاني اشوفه واقف عند باب الغرفه .
المشكله الثانيه - ريش الذيل حقه منتوف نصفه من اول ما شريته والى الان لم ينمو ؟؟؟؟؟؟
ارجو منكم اعطائي النصيحه
كيف اروضه واجعله لا يعض في المكان التواجد فيه دائماً؟؟؟؟
الحل مع ريش الذيل هل عدم نمو ريش الذيل في هذه المده ( شهر وثلاث اسابيع) شيء طبيعي ؟؟؟؟؟
واعتذر منكم على الاطاله ..
تحياتي
==========================
اخوي mmc260
مجرد تحتاج الى وقت لكي يترك طيرك هذه العادات الغير محببة
لاتحاول تغير المكان وضع القفص على ارتفاع مترين او مترين ونص
بدون تغير المكان التواجد فيه
يكون شرس لأنه إنت مستعجل نوعاً ما على ترويض الطير
اترك الطير على راحته بدون الإقتراب منه في حال خوف الطير او محاولة العض
محاولاتك ممتازة جداً إستخدم إطعام الطير من يدك بستمرار فهذه الطريقة الجيدة لبناء الثقة بينك وبينه
ان بالإمكان توفير لعبة خاصة للغبغاوات تباع في محلات الطيور فهذه ايضاً نقطة مهمة
وهناك معلومة تقول (الألعاب في القفص تخفف من شراسة الطير)
بالنسبة للذيل عاجلاً أم آجلاً سيظهر له ان شاء الله
هناك فترة تمر على الطيور وهو ما يسمى بالقلش ( تبديل الريش) إعتباراً من يوليو وحتى سبتمبر طبعاً في الصيف وهذه ايام الصيف والله يساعدنا ويساعد طيورنا من هالحر ، فلا داعي للخوووف
بالتوفيق
============================
هلا بك اخوي واسمح لي اعلق ممكن ؟
بالنسبة لتغيير مكان القفص والعض انا اشوف انك تاخذ الطير وتغير مكانه باستمرار حاول انك تخلي الطير على يدك وتنقل فيه بأرجاء البيت يمكن في اماكن مايتواجد فيها ومايتعود عليها فتحسه يخاف او يتوحش فيطلع على يدك من غير تردد بس الاماكن الي يأمن لها عادي ولا كان يعرفك
نصيحتي انك تغير مكان القفص من فترة لفترة اجعل منه قفص متنقل وان شاء الله تشوف نتيجة احسن
وبالنسبة لما تشوفه عند باب غرفتك والله انه ظريف هههههه شوف اخوي العزيز هو الطير انا برأئيي عنده قابلية كبيرة للتدريب والتعلم وخاصة انه مو شايب
والحركة ذي الي يسويها يبي يقرب منك الي عليك ابقى معاه اطول فترة ممكنة خله على كتفك ودور على البيت غرفة غرفة وكلمه بصوت هادئ
وانا متاكدة راح تبهر من النتيجة
اتمنى افدتك بشي
تقبل تحيتي
------------------------------------------------------------
السلام عليكم جميعا......يااهل الخبرة وخاصة كاسيكو البحرين ياليت تساعدوني
انا لي اسبوع اطلع الببغاء على الاستاند واحك على بطنه ورقبته من تحت مايقول شي بس من يومين صار يبعد يدي برجله مااقدر المسه ويفتر بجسمه حتى ظهره وراسه مستحيل اوصله لانه يخاف ويطير بسرعه وش الحل معه ساعدوني ابغاه اليف ويطلع على يدي مع اني ادلعه وصاير عنده العبد المطيع ماخليت له شي وانا اخاف يتعود على الاستاند وبعدين لاهو اللي يتولف ويتعقد من القفص .......وبعدين له يومين ماصفر ولا سمعت صوته مع انه اول كان اول مايطلع النهار مايسكت ابد
على فكرة نسيت لا اقول لكم انا اطلعه على الاستاند باليوم مرتين او ثلاث
=================================
يا مرحبا بك
جوف اخوي هذه أمور تحصل مع كل الطيور ومشكلتك انت مو أول ولا آخر مشكلة وانا ما اسميها مشكلة بحد ذاتها ، اللي الحين تسويه إنك >>>> تخلي الطير الى لستاند ماله ويكون موضع لستاند بزاوية ابحيث تجي إنت وتوقف جهة وجهه ومايقدر يجوف أي شي غير جسمك يعني تمنع عنه الطير او محاولة الهروب منك وابهذه الحاله تستطيع حل مشكلة الهروب او الطيران ، نجي إلى المشكلة الثاانية وهي المسح !
المسح يا أخ classic محبب عند الطيور وإنت أكيد شاهدت بعض الطيور هي بنفسها تنزل راسها عشان نجي ونمسح ونحك على راسه
يعني نقدر نقول هو محبب ولطيف للطيور بس اشلون نحاول ندرج ونوصل هذه المعلومة الى الطير بطريقة سهله وبسيطة
أولاً : وقت اللي تريد تمسح على الطير لاتكون انت اعلى مستوى من الطير يعني حاول تجيب (كرسي) ويكون مستواك ما يتعدى مستوى رأس الطير
ثانياً : المسح يكون بالتدريج وهذه نقطة مهمه جداً ، أبدأ من أرجل الطير والى الفخذين ومن ثم الصدر حتى منطقة الرأس + منقار الطير
ثالثاً : إنت ذكرت لي الطير كان ماشي معاك ويخليك تمسح عليه بس هاليومين متغير عليك اشوي
هل إنت تقطع جلساتك الحلوة مع الطير ؟ وفي هذه الحاله يجب عليك بستمرارية الجلوس واللعب مع لأنه انت حالياً في مرحلة الترويض والترويض البطيئ تكون نتيجتة أفضل من الترويض السريع واللي بعض المربين يستخدمون الخشونة ، عموماً >>> إنت الآن تمرن الطير ويجب عليك مواصلة التمرين وإخبار الطير إنك ودود وتريد تكوين علاقة بينك وبينه بهذه الأساليب المذكورة ولا تنسى تطعم الطير من يدك وهذه من أقوى الأساليب عشان تختصر المشوار الطويل
ولاتنسى انك تكون صبور وعدم اليأس ترى صدقني يا classic السر في الترويض الممتاز هو أول صفة لازم تكون مع المربي هو الصبر غير هذا يكون يراقب الطير بشكل مستمر ويعرف سلوكياته ومراقبة الغذاء والإهتمام بالقفص وبالطير نفسه ، وحاول تحجز الطير بيد ومحاولة المسح بيد وان شاء الله كلامي سهل وقدرت اوصل لك المعلومة البسيطة .
تحيتي لك
--------------------------------------------------------
السلام عليكم ورحمة الله وبركاته
عندي 3 أسأله بشأن تصرفات سيكو
بسم الله الرحم الرحيم
السؤال الاول:.
انا اذا اقدم له تفاح او برتقال يقعد يقطع ويفلت ولا ياكل واليوم حاولت معاه يالله يالله كل التفاح
السؤال الثاني:.
انا دايما ملاحظه عليه من اول يوم شريته طلعته برع القفص دايما يرفرف بجناحه قلت يمكن لان ماكانو يطلعونه في المحل ولليوم ماشاءالله عليه دايما يرفرف بالقوه وبعدها يتنفس بسرعه ويتعب
السؤال الثالث:.
ولاحظت عليه ان اذا حطيت يدي عند منقاره دايما يلف راسه بس احاول معاه واذا لمس منقاره صبعي يطلع صوت مثل صوت العطاس بس مايعطس
فلو سمحتو ممكن تفسرون لي تصرفاته؟
=================================
السؤال الاول:.
انا اذا اقدم له تفاح او برتقال يقعد يقطع ويفلت ولا ياكل واليوم حاولت معاه يالله يالله كل التفاح ج: شي طبيعي جداً لانه الطير ما كان متعود على هذه الوجبات بالذات وأغلب الطيور اللي من المحلات تكون مطعومه بحب دوار الشمس والفول السوداني وتقطيع الطير للتفاح او للبرتقال هذا كبداية تذوق الطعم ومع مرور هذه الوجبة اكثر من مرة راح يتعود مثل ما حصل مع طيرك ، حاولي تقديم هذه الوجبات مع رفع الأكل المتعود عليه قبل ساعة او ساعتين بالكثير
(ملاحظة:التفاح يتم تقطيعة بدون البذور لأنه البذور سام للطير)
السؤال الثاني:.
انا دايما ملاحظه عليه من اول يوم شريته طلعته برع القفص دايما يرفرف بجناحه قلت يمكن لان ماكانو يطلعونه في المحل ولليوم ماشاءالله عليه دايما يرفرف بالقوه وبعدها يتنفس بسرعه ويتعب
ج: صحيح كلامك يا عاشقة الطيور والكل يعلم عند ما يكون الطير في المحل عادةً الإهمال موجود وهذا يجي عن عدم تفرغ صاحب المحل بتطليع جميع الطيور خارج القفص لفترة معينة ، عموماً إظهار الطير خارج القفص في اليوم نص ساعة او ساعة مهم جداً جداً ، هذا يساعد على الحفاظ على صحتة الطير من الخمول والكسل ، أيضاً نرجع ونقول هذا تصرف طبيعي تحصل مع كل الطيور
السؤال الثالث:.
ولاحظت عليه ان اذا حطيت يدي عند منقاره دايما يلف راسه بس احاول معاه واذا لمس منقاره صبعي يطلع صوت مثل صوت العطاس بس مايعطس
هذا الصوت اللي يخرجه الطير (تعبير عن عدم القبول)
خذي عسل وخليه باليد وعند ما يقترب الى صبعك بحس بطعم مميز لدية وهو في نفس الوقت مفيد ، هذه الطريقة تستخدم عشان نعبر للطير ان اصابع الإنسان ليست مأذية فهي تحمل مذاق العسل
وخاصة طيور البورت (البغبغاوات) تستوعب هذه الخدع والتعبير من الإنسان الى الحيوان
كرري هذه الطريقة اكثر من مرة وشاهدي النتيجة بعد اسبوع ، وللعلم لازم يكون الطير أليف معك لدرجة ممتازة عشان تقدرين تمسكين وتمسحين على المنقار لأنه منطقة حساسه بالنسبة له
ولكن إن فهم المراد والمقصود سينعكس حال الطير من الرفض الى القبول والمرح
بالتوفيق
-----------------------------------------------------
كم يأخذو الببغاء من وقت في تعليم الكلام
==============================
ما فيه وقت محدد تعتمد على عمر الببغاء تعتمد على التلقين والتدريب وتعتمد على المدرب نفسه تعتمد وين عايش الببغاء اقصد بمحل عند عائله كبيره او عائله صغيره وايضا تعتمد على فصيلة الببغاء.
----------------------------------------------------------
السلام عليكم جميعا.......يااهل الخبرة ساعدوني
انا بديت اطلع ببغاي على الاستاند من كم يوم والحين خفت الجعرة وبديت امسح على بطنه ورقبته من تحت شكله يستانس لانه مايقول لي شي اذا مسحت عليه.....
طيب الخطوة اللي بعد كذا وش اسوي له يعني امسح له مع وين عشان يبدا يحس بالامان ويبدا يطلع على يدي؟؟؟
================================
أستمر معه بالتمسيح على رأسه وظهره ايضا وما بالنسبه للجعر فلما يحس بالامان ويأخذ ويوالف على البشر فسيتوقف تدريجيا . ولا تحاول أن تخوفه بتمسيحك عليه خلك حنييين ولطيف معه في عملية التمسيح يوميا واكثر من ثلاث مرات
--------------------------------------------------------
السلام عليكم جميعا .....ارحب بكم جميعا واهنيكم على المنتدى المميز....انا هاوي جديد على الببغاوات وشريت ببغاء افريقي قبل اسبوعين وعندي كم سؤال اتمنى من اهل الخبرة يجاوبوني
اولا ببغاي حطيته في الصالة يعني حركة ليل نهار والببغاء ماينام اذا عنده احد او فيه اصوات لانه خواف ممكن يسبب له تعب اذا مانام زين ....وانا حاطه في زاوية على طاوله ارتفاعها تقريبا متر هل هي كافيه ولا ارفعه اكثر؟؟
ثانيا هل فيه فرق بين الببغاء اللي دايم فاتح فمه نص فتحه واللي دايم مسكر فمه ؟؟
ثالثا لاحظت على الببغاء يحكحك في ظهره وطلع المكان مشوه من كثر مايحك فيه هل ممكن يكون فيه شي وش الحل؟؟
===============================
اخي الكريم كلاسيك
حياك الله معانا في المنتدى و اتمنى لك الاستفاده و الاستمتاع
ان شاء الله
بخصوص اسئلتك فهو افضل ان تضعه في مكان يسمع و يرى الجميع
و لكن يفضل ان ينام الببغاء باكرا و نوما هادئا و انصحك بتغطيته بالليل
كي يستطيع النوم باكر
و وضعه في الزاويه ممتاز جدا و الارتفاع ايضا ممتاز
اما بخصوص فتحه الفم فالببغاوات لا تقوم بذلك الا عندالخوف او العطش
فارجو ان تتأكد من السبب و تفحص الببغاء ان به زكام او ما شابه
اما عن الحك و تصفيف الريش فهو طبيعى للطيور جميعا و لكن لا استطيع
ان احكم على الحاله التى لديك حيث انك ذكرت هنالك تشوه في نفس المنظقه
و لكن على العموم قم برش الطائر بالماء مرتين اسبوعيا مع اخذ الحيطه من
اجهزه التكيف
و اتمنى لك التوفيق
================================
الف شكر لك على المعلومات بس اذا غطيته في الليل عادي بيكون مرتاح والتلفزيون شغال او فيه احد يسولف؟؟ وانا ماودي اغير مكانه كل يوم لانه اول كان يصفر كثير اذا طلع النور والحين تغير عليه المكان دايم ساكت له يومين
=================================
[B][CENTER][SIZE="3"][COLOR="SeaGreen"][FONT="Arial"]الطيور لاتحب التغير الكثير وقد تحتاج فترة معينة لحد التأقلم على المكان الجديد
اخي classic قدر المستطاع حاول إنك توفر له الهدوئ التام وقت النوم لراحة الطير
ويفضل ان يكون نوم الطير في الظلام الدامس تقريباً من الساعة 11 ليلاً لحد النهار
طبعاً ان كان موجود ( T.V ) التلفاز شغال ويوجد كلام من الأهل هذا ما راح ينام بالشكل المطلوب
وستلاحظ الطير وقت الصباح او الظهر يتثاوب كثير وياخذ (قيلوله)بسبب عدم النوم الجيد وهذا غير مناسب
تحيتي
---------------------------------------------------------------
أنا عندي كاسكو ممتاز من ناحية الصفات العامه مثل الجسم والشكل ولكن الطير صارله عندي حوالي الثلاثة شهور أذا مو أكثر وهو يجعر على الغريب , وانا الشخص الوحيد الي يتعامل معي بحذر , حاله كما حل الجندي والضابط , الطير وانا بعيد عنه يصفر ويلعب واحلى ما يكون ولما أجي ( سمع هوس) على قولة أخوانه المصريين , ولما أحطه على الاستان بره القفص يروح يمين وشمل يخاف مني خوف الحمر وبعدين يوقف على ايدي بس مستحيل يطالعني و الود وده يطير وروح مثل الطفل لما وده يلعب وانت ماسكه عن الاعب بس تحده يطييييييييييييييييييييييير هوهز شنو الحل معاه أرجو الافاده:-
نقاط مختصره عن الموضوع:-
1- طير نشيط
2- عمره صغير حوالي سنه
3- يصفر بس مايتكلم وصارلة عندي حوالي ثلاث شهور
4- انا الوحيد الي مايجعر بوجهي ويخاف مني خوف الحمر
شنو الحل لكسر حاجز الخوف , على فكرة الطير محطوط في منطقة في البيت نوعن ما فيها حركه
وشكراً
===============================
---------------------------------------------------------
عندي كاسيكو صارله عندي اسبوعين و عمره 8 شهور وباحاول انزل صورته في وقت لاحق ان شاء الله .... هو طير اليف لأبعد الحدود ودايماً يبي يركب على يدي ومايعض ويحب يلعب ومن يشوفني يصفّر ويناقز بس للحين ماشفت منه بوادر توحي على انه راح يتكلم ... اللهم بعض الصفير ...وبصراحه خايف اتعب معاه وفي النهايه مايتكلم ...
سؤالي هو ...هل هناك بوادر توحي بأن البغبغاء راح يتكلم ...ام انه يتكلم فجاءه ؟
===================================
عزيزي ملوي رقاب يا مرحباً بك اخوي
الكاسكو من ناحية التغريد لاتحاتي فهو من النوع اللي يقلد اي صوت يمر عليه عدة مرات
حاول تعلمه الكلام أكثر من التصفير وإن وجدت تغريده مميزة فلا مانع من ذالك
بس قدر الإمكان حاول تكرر عليه كلمة وحده كبداية وفي جو هادئ وبنور خافت
أعطيك (قرنتي 100%)
راح ينطق اذا انت تملك الصبر وبدون ملل
وفي نهاية الموضوع نرجع ونقول القدرات في النطق يختلف من طير الى طير
تحيتي لك
-------------------------------------------------------------
السلام عليكم ورحمة الله وبركاته
قبل جم يوم سيكو زكم وقلت لابوي وده للبيطري بس ابوي ماكان عنده وقت المهم اتصل للبيطري والبيطري عطاه مضاد حيوي وفيتامين اذا ماكان ياكل بس الحمدلله سيكو ياكل
وانا اعطيه المضاد الحيوي حسب ماقالي البيطري واخليه في غرفه مافيها تيار هوائي
والمشكله ان سيكو مايشرب ماي وانا اذا اطلعه اشربه غصباً عنه واحس المضاد الحيوي مب لهناك
فيدوني شنو اقدر اعطيه عشان يتحسن ؟؟
==================================
ما يشوف شر وسلامته والله انا اعطيه نكسيين ثوم يمضغها شوي لين تصير ريحته ثوم كلهاههههههههههههههههه
بس الحمد لله مشى الحال مع الثوم
=====================================
خخخخخخ
الله يسلمك ويسلم الكاسيكو بتاعك
بس شنو (نكسيين)؟
مشكور اخوي وماقصرت بس عادي اذا بلعه؟؟
بس هل في ضرر لو بلع الثوم؟؟
===================================
الثوم مفيد
مايشوف شر اقصد قطعتين واعطيه وهو اصلا بيستفيد من المضغ بيمص الماء اللي في الثوم وعادي اذا بلعه وخاصه لو كان ثوم طازج
---------------------------------------------------------
هذه لصفحه ال95 الاخيره .