باركولي على فرخين دبل يلو هيد

[توتو الرياض]

ما شالله تبارك الله........

[السلام بن رباح]

الله يحيكم جميعا

طيور جميله جدا وبارك الله لك فيهم ويتربون في عزكم ان شاء الله ارجو ان توفر لهم نفس جو امهم وما في عشهم الطبيعي من نشاره او ورق شجر


الله يحميك ويحميهم

[رهام الغلا]

ماشاءالله تبارك الرحمن رووعه
ربي يحفظهم لك

[alqasmi]

ماشاء الله يتربون في عزك وبالنسبه الدبل يلو اجمل طير بصراحه
بس الله يهداهم عندنا مبالغين في سعره يبيعونه على 10000 وطالع
وفي امريكا يبيعونه على 400 دولار مايعادل 1600 ريال
وفوق كل هذا في قطر موقفين الاستيراد مللونا

الشيخ بس بكم شريتهم من باب اللقافه

[enver]

المشاركة الأصلية كتبت بواسطة alqasmi

ماشاء الله يتربون في عزك وبالنسبه الدبل يلو اجمل طير بصراحه
بس الله يهداهم عندنا مبالغين في سعره يبيعونه على 10000 وطالع
وفي امريكا يبيعونه على 400 دولار مايعادل 1600 ريال
وفوق كل هذا في قطر موقفين الاستيراد مللونا

الشيخ بس بكم شريتهم من باب اللقافه

اخي مشكور على مرورك بالنسبه للاسعار عدنا في المانيا Double Yellow-headed Amazon oratrix 700/750euro اما اذا كان من النوع الماقنا Magna Double Yellow-Headed Amazon السعر يختلف بين 900/1000 euro

مع تحياتي للجميع

[دكتووور]

ما عندك صور جديدة لهم

أكيد تغيروا

الله يبارك لك

[alqasmi]

والله فرق كبير في السعر
والله نصب عندنا واستغلال اتصلت مره في واحد عطاني كذبه تاريخيه حسسني اني مغفل
يقولي 10000 قلت له غالي ليش جان يعطيني الكذبه يقولي ترا هالنوع ممنوع ان ينباع حسسني والله

لين متى هالنصب ياخي اربح فيه الف ريال مو تبي تربح فيه 6000 ريال دبل سعره نصابين

[alqasmi]

لو اتصورلنا طريقة العس وتعطينا بعض المعلومات لو الواحد حاب ياخذله فروخ طيبين نفس اللي عندك للي ماعندهم خبره

[بي بي الشقيه]

ماشاء الله تبارك الله يتربو في عزك اخوي
والله يعينك عليهم ههههههه
لانهم متعبين في دا اسن
وعقبال مايكبرو ويتكلمو
يارب

[ProOoF]

أولا ربي يباركلك أخوي بطيورك ويعدي لك هالفتره ع خير , وتشوف منها ما يسرك يارب

المشاركة الأصلية كتبت بواسطة alqasmi

ماشاء الله يتربون في عزك وبالنسبه الدبل يلو اجمل طير بصراحه
بس الله يهداهم عندنا مبالغين في سعره يبيعونه على 10000 وطالع
وفي امريكا يبيعونه على 400 دولار مايعادل 1600 ريال
وفوق كل هذا في قطر موقفين الاستيراد مللونا

الشيخ بس بكم شريتهم من باب اللقافه

المشاركة الأصلية كتبت بواسطة alqasmi

والله فرق كبير في السعر
والله نصب عندنا واستغلال اتصلت مره في واحد عطاني كذبه تاريخيه حسسني اني مغفل
يقولي 10000 قلت له غالي ليش جان يعطيني الكذبه يقولي ترا هالنوع ممنوع ان ينباع حسسني والله

لين متى هالنصب ياخي اربح فيه الف ريال مو تبي تربح فيه 6000 ريال دبل سعره نصابين

أسمحلي أخوي القاسمي أوضح لك بعض الأمور

بالنسبه لإتصالك بالشخص صحيح ماقاله بعض الطيور ما تطلع بمسماها الأساسي لمنع المتاجره بها , أو لمنع خروجها من البلد المنتج والأمثله كثيره لبعض العينات


بالنسبه للربح للتجار لأبد أن تنتبه لأمور عديده لإرتفاع السعر مثل ما ذكرت

1- وقف الإستيراد ( يعني دخوله تهريب ) وهذا ما يترتب عليه مصاريف من يدخله

2- قيمة الإستيراد وما يترتب عليها من شحن طيور ( من سايتس و أمور الأخرى )وكم محطه تمر بها الطيور إلى وصولها لبلد التاجر + وهذي تضاف ع القيمه الأصليه للطير لو كانت مثل ما ذكرت 1600 برغم السعر الدولي بعيد عن هالمبلغ

3- موت بعض الطيور أثناء الشحن ( لابد تعويض خساره التاجر بزياده ع بقية الطيور ) لتجاوز خسارته تضاف كذلك للقيمه الي ذكرتها , بالإضافه لمصاريف فرعيه يتكفل بها التاجر

بعد هالكلام الكل بيعرف الفرق بالسعر ليه

انت إذا أشتريت شيء من بيتي بالمدينه أنا مرتاح بيكون بسعر مقبول , لكن إذا أنت جيتني من جيزان مثلاً كأبعد نقطه من المستحيل أن تبيع الطير بفرق بسيط وأنت متكلف مصاريف الطريق + التعب والإجهاد وهذا بنفس الدوله , وكل ما زادت المسافه دفعت أكثر وبكذا رفعت بالسعر من قبلك

أنا ضد هالأسعار الموجوده حاليا ً لكن بحساب بسيط هذا واقعنا

وأتمنى فتح الإستيراد لتعود الطيور مرتفعه السعر لـ رنج 4000 ريال مثل السابق

ويرجع الغيني بـ 150 ريال , والأفريقي 300 ريال , والبادجي 30 ريال عند المحطات , والبلو 1500 ريال .. الخ

^
^
أيام الماضي الجميل

.................

سبحانك يارب