اصنع بنفسك رمل طبي ومعقم لهامسترك + ملف شامل عن رمل الهامستر

[Mad Mood]

المشاركة الأصلية كتبت بواسطة Remix

هههههههههههه وانا جايب نص كيلو زبيب شكلي بفطر واتعشاء واتغداء عليه لين يخلص
المهم طلع البيت مليان مره وانا مادري ههههههههههه
امي عندها والشغاله ...المهم حطيت المره وجلست احرك بين فتره وفتره لدرجة الشغاله قالت لي بخشه عنك XD

هههههههه الله يقطع ابليسك ضحكتني وانا زعلان اليوم مات واحد من هامستراتي النونو وانا سهران عليه يومين لأنه كان تعبان

اي المرة شي ضروري وموجود بأغلب البيوت وحلو وفرت مشوار العطار

<<< معليه سامحني تدري مبتدي :")

انا بالخدمة لا تشيل هم

ـــ
1- شمبو نونو لو استبدله بهيدر اند شولتن او بنتين يعني شمبوات عاديه يصير ؟؟... لو مايصير اقدر استدبله بشمبو جونسون للأطفال بدال نونو ؟

لا طبعا ما يصير كل انواع الشامبو حق الكبار مضاف فيها مواد كاوية مثل اللي تستخدم بمادة فرد الشعر < وهي اللي تحرق العيون وهي اللي تخلي الشعر ناعم كأنه مفرود بعد كم استخدام للشامبو
جونسون ممتاز او اي شامبو اطفال وانا حددت نونو لأنه أرخصها

ــــــ
2- طيب امممـ انا فكرت احط بودره مع الخلطه وشرايك تشوفها تمام ولا بخسف بهمستراتي

اذا عندك زيادة فلوس حط ياعمي
وانا جت في بالي الفكرة يوم ضبطت خلطتي بس لما حسبتها طلعت العملية بتحتاج كمية بودرة كبيرة عشان تكون مؤثرة ومفيدة فكنسلت وعموما الرمل الناعم المليان بالذرات الصغيرة (بنت عم الغبار) هو كل اللي يحتاجه الهامستر

ــــــــــــ
3- حالياً لون الموية صار برتقالي وريحه مقبولة زي اليمون او البرتقال لما حطيت المره مع العلم حطيت الموي لين اكثر من النص بشوي معناته شغلي اوكيه ؟؟

اوكيه وآخر حلاوة بس اصبر له لين تذوب المرة كلها ومايبقى الا الاجزاء الصغيرة المفتتة اللي قلت لك عليها قبل

ـــــــــ
4- طيب لو ماحصلت المضاد اقدر الغي الوشسمه المضاد لأن الشامبو يحل محله؟

لا طبعا مضاد الفطريات اهم شي في الموضوع لأنه يأخر تكون الطفيليات في الفضلات وانت بكرامة
ع كل حال انت بتحتاجه لأسباب ثانية كثيرة مثل انك ترشه على صحن الأكل تبع الهامستر لو حطيت فيه من اكل البيت مثلا ومر عليه يوم وما تبي تشيله بيعفن وتتكون الطفيليات هنا بيفيدك ويرضه ترشه داخل كوخ الهامستر وعلى زوايا القفص اللي يحب يقضي فيها حاجته وبكذا انت المستفيد لأنك ما رح تضطر تنظف القفص أو تغير النشارة كل كم يوم فهو رح يوفر عليك التعب ويوفر النشارة كمان فهمت علي؟ وأكيد مليون في الميه بتلقاه أو بتلقى بديل له مو ضروري إكتوفون

[Remix]

واسف حييييييييييييييييل لأني تعبتك وازعجتك
على الأقل انا الوحيد الي اطبق << كلهم طبقو بس انت الغبي الي يتكلم xD

[Mad Mood]

المشاركة الأصلية كتبت بواسطة Remix

واسف حييييييييييييييييل لأني تعبتك وازعجتك
على الأقل انا الوحيد الي اطبق << كلهم طبقو بس انت الغبي الي يتكلم xD

لا بالعكس انا مبسوط ومتشقق انه في حد قاعد يسأل

حياك حبيبي وهات اسئلتك

[Remix]

مشكوووووووووووووور
بس تيوب وش وجه نظرك بنسبه لشامبو والبودره ؟

[Mad Mood]

شكلك قفزت ابو الاقتباس وقريت اللي بعده

ارجع اقرا ردي موجود بداخل الاقتباس بالخط العريض

[Remix]

اوه معليش ما أنتبهت ^_^
تيوب إلا الحين انا ماسويت شي بس نقعت المره لين ماقالت بس
وهامستراتي ياحياتي إلا الان بدون تراب مابي شي يأذيهم
.
طيب الحين للأسف كل شي موجود إلا المضاد الحيوي اقدر احط الحين العسل والشامبو والزيت زيتون
والبودره <<< إلا يحط بودره XD
وبعدين المضاد ؟؟
.
.
وشسمه انت تقول خله يغلي يوم كامل !!!
بيخلص غاز البيت !!!
عالرغم انه نص جركل >_<
فكم تنصح اخليه يغلي ؟؟....والنار هادية ولا قوية ؟؟
وكيف اعرف انه استواء؟؟...اول ما اشوف البركان ولا لما يتخبر الموي ويبقى تراب؟

[Mad Mood]

المشاركة الأصلية كتبت بواسطة Remix

اوه معليش ما أنتبهت ^_^
تيوب إلا الحين انا ماسويت شي بس نقعت المره لين ماقالت بس
وهامستراتي ياحياتي إلا الان بدون تراب مابي شي يأذيهم
.

عادي ما يضرهم لو جلسوا كم يوم بدون الرمل

طيب الحين للأسف كل شي موجود إلا المضاد الحيوي اقدر احط الحين العسل والشامبو والزيت زيتون
والبودره <<< إلا يحط بودره XD
وبعدين المضاد ؟؟
.

برضو عادي الترتيب في المقادير مو مهم

المهم اذا جهزت الرمل وجيت بتحطه ع النار تكون المقادير جاهزة من مجاميعه يصير تحطهم مع الرمل وتخلط تخلط لين يدك تقول أيْ

.
وشسمه انت تقول خله يغلي يوم كامل !!!
بيخلص غاز البيت !!!
عالرغم انه نص جركل >_<
فكم تنصح اخليه يغلي ؟؟....والنار هادية ولا قوية ؟؟
وكيف اعرف انه استواء؟؟...اول ما اشوف البركان ولا لما يتخبر الموي ويبقى تراب؟

اول شي انتبه تطبخه بالمطبخ او بأي مكان داخل البيت!

لأن الريحة الطالعة من القدر بتكون قوية لدرجة خانقة! واذا ما خنقتك الريحة اكيد بتخنقك الوالدة يعني مخنوق مخنوق مافيها كلام

فتفادياً للخنق خذ لك دافور واطبخ بالحوش او السطح < وأفضل السطح عشان الريحة من قوتها ممكن تدخل البيت من الشباك

ثاني شي لا تخاف ما رح يخلص الغاز

انا استخدمت دافور بعد ما عبيته غاز طبخت الرمل يوم كامل ومن يومها إلى الحين حوالي شهر ونص وانا استخدم الدافور بغرفتي يوميا اسوي عليه كوفي وشاي واسلق البيض تبع هامستراتي الحوامل والمرضعات ولا خلص بل يقول هل من مزيد

ثالث شي مدة الطبخ المطلوبة ع حسب الكمية.. اذا انت بتسوي نفس المقادير بالموضوع بتحتاج وقت كثير حوالي يوم كامل لأنها كمية رمل كبيرة 5 كيلو أو أكثر.. والرمل ياخذ وقت لين يسخن كل جزء منه في القدر لأن الرمل يمنع الحرارة من الانتشار بسهولة

وعموما انت تقدر تشيك بنفسك كل كم ساعة خذ لك ملعقة كبيرة حقت طبخ < لازم حديد عشان ما تنكسر من ثقل الرمل لأني استخدمت ملعقة خشب وانكسرت
وحرك فيها الرمل شوف اللي بقاع القدر واللي بنصه هو صار تراب ناشف ولا باقي فيه رطوبة؟ اذا صار ناشف معناه امورك آخر حلاوة واذا رطب خله يطبخ لين يكح

والبركان بتشوفه من البداية (ومعناه ان الحرارة وبخار الماي تبي تنتشر لكن ثقل الرمل يمنعها فتحاول تلاقي لنفسها مخرج فتنشأ البراكين) و رح تستمر البراكين لين تتبخر أكثر المويه يعني يمكن نص مدة الطبخ أو أكثر بشوي

[Mad Mood]

المشاركة الأصلية كتبت بواسطة Remix

والنار هادية ولا قوية ؟؟

النار عادي هادية او قوية

بس لا تقويها مرة.. مدري ما جربت بس يمكن يصير ثوران للبراكين

[Remix]

اوه صحيح اخر سؤال وربي احراج ماني سائلك بعدها
اخلط الخلطه مع الرمل لين ماتصير زي قوام الكيك يعني بثخانتها وبعدين اغليها لين مايتبخر السائل ويبقى التراب ؟؟

[Mad Mood]

المشاركة الأصلية كتبت بواسطة Remix

اوه صحيح اخر سؤال وربي احراج ماني سائلك بعدها
اخلط الخلطه مع الرمل لين ماتصير زي قوام الكيك يعني بثخانتها وبعدين اغليها لين مايتبخر السائل ويبقى التراب ؟؟

اخلطها لين تصير طين سايح مثل تراب البحر.. وأقصد التراب اللي تحت المويه.. شفت لما تحط يدك تحته وترفعها ويسيح التراب من يدك؟ اها لا صار معك نفس الشي معناه شغلك تمام

بعدين مافي احراج ولا شي بالعكس انا اشكرك ع اسئلتك لأني وانا اجاوب لاحظت قد ايش في تفاصيل مهمة من كثرها فاتني اذكرها بالموضوع

غير انو لو حد حب يطبق بيستفيد من اسئلتك 100%

كمل شغلك وهات اسئلتك