منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
|
|
أدوات الموضوع | إبحث في الموضوع | طرق مشاهدة الموضوع |
01-09-2011, 07:24 AM
|
#1 |
|
عضوية شرفية
|
حٍلْ مُشْكِلْتِكْ بٍنَفْسِكْ .. بِقَلَمْ أَبُو فَهَـدْ الشَّخْصِي
 بقولكم قصة صغيرونه صارتلي أمس .: قعدت من النوم واسمع صوت التلفون تررن تررن »» الصوت التقليدي  انا : ألو .. صديقي : أقوول أبو فهـد يالله قوم بسرعه مانبي نتأخر على العشا »» ماكو سلام من العجله  انا : يالله اوكي اروح احلق وامر عليك صديقي : حدك فااضي يالله بسررعة انا : يالله زين اخلص واتصل عليك صديقي : طوط طوط طوط »» ماكو مع السلامة من العجلة قمت من النوم وغسلت وبدلت وخذيت مفتاح سيارتي وبوكي وتلفوني نزلت تحت بس تذكرت اني ماصكرت الليتات الي فوق طلعت مرة ثانيه فوق الدور الثاني صكرت اللييتات ونزلت ورحت اشغل السياره .... فجأة قفل مخي أدور مفتاح السيارة مو محصلة !! الحين شسوي ... البيت فاضي مافيه احد وحدي متأخر ووراي حلاق ومشوار وزحمة العيد و و ... دخلت البيت ادوره بالغرفه ماحصلته ... نزلت الصالة تحت ادوره ماحصلته .. صعدت الصاله الي فوق قلت يمكن طايح بالصالة .. بس هم ماحصلته  نزلت تحت وقعدت على الكرسي .. قلت دعاء بسييييط بس سبحان الله صادقة الوالدة الله يحفظها يارب قالت لي اي شي يضيع منك او اي مشكله تتوهق فيها قوله بصدق نية وتشوف الي يسرك (( اللهم اهدنا وسدد )) والعادة اذا قفلت بمشكله احك راسي وانا احك راسي ،، حسيت بشي !!.. شي حاد .. !! اوووه المفتاح صارلي ساعة ادوره وقلبت كل مكان وبالنهاية طوول الوقت انا ماسكه في ايدي  -- العبرة يـ إخواني و أخواتي هو انك لما تطيح في أي مشكله لازم تتخذ خطوات تمشي عليها ولاتصير مستعجل في اتخاذ اي قرار تسويه »» تصعد وتنزل وتقلب البيت المفروض أول شي .: 1 - تجلس بهدوء وتقول الدعاء ( اللهم اهدنا وسدد ) 2 - حدد نوعية المشكله 3 - تفكر في الحل تبحث عن الحل حولك ولاتبحث في البعيد »» مثل ماانا سويت لأن مشكلتنا اننا نبحث عن البعييد وننسى القريب وهذا الي يضيعنا دائما -- يـ إخواني و أخواتي في طريقة قريتها بكتاب قدييم جدآ جدآ جدآ »» مو من أيام الغوص طريقة فعالة لحل المشاكل التي يصعب عليك حلها بنفسك !! وهي أنك .: 1 - تجيب دفتر وقلم 2- تختار مكان هادي جدآ وشبه مظلم وتخلي يمك ابجورة ومافيه حولك أي صوت 3 - تقعد تكتب كل الحلول الي تطري في راسك من غير تردد واقعد اكتب واكتب لو توصل عشرين صفحة مافيه مشكله بس ماتقرى اي حل كتبته 4 - الحين تصكر الدفتر وتسترخي لمدة ربع ساعة تريح فيها بالك من الكتابة ولو تطقلك كووب فررنش كوفي 10/10 5 - بعد الاسترخاء تفتح الدفتر وراح تنصدم من النتييجة لان حلك راح يكون موجود وانت الي راح تكون كاتبه -- وفي الختام أشكركم على حسن القراءة واستحمالي لدقائق معدوودات وابشركم تم الذهاب الى الحلاق والعشى بسلاام التعديل الأخير تم بواسطة : Nona999 بتاريخ 01-09-2011 الساعة 07:49 AM. السبب: اضافة ختم التميز + التقييم تستحقه ياابوفهد.. |
|
| Bookmarks |
| Tags |
| أَبُو, مُشْكِلْتِكْ, الشَّخْصِي, بٍنَفْسِكْ, بِقَلَمْ, يسمع, فَهَـدْ |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +3. الساعة الآن 07:06 AM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |