باركوللللللللللللللللللللللللللللي

[kitty]

المشاركة الأصلية كتبت بواسطة twety

الـــف مبـــروووووك ..

والببغـاء الأفريقـي يتكلـم اذا صـار عمـره سنــه ..

وبالنسبــه انـه يكســر الحبـوب بدوون ما ياكلهـا يـدل على انـه معصـب يمكـن لأنه مابعـد يتعـوود على المكـان ..

انا كان عندي واحد وكان معصب وكنت اعطيه الحبوب ويقطها بوجهي من غير مايكسرها حتى وبعد فتره لما تأقلم على المكان صار ياكل وعادي ..

والله يوفقـــك ..

الله يبارك فيك والف الف شكر على ردك تخيل انت الوحيد الي رد عن هل سؤال .....بس
المهم طيب وش المفروض اسوي امنع عنها الاكل او احطها لوحدها بغرفه وقت الاكل .... احتاج والله النصيحه ...ومره ثانيه مشكور...

[Mr. MeMo]

اختي Kitty
اول شي الظاهر محد انتبه للسؤال ولا كان الجميع رد عليك بس الاخ تويتي ما شاء الله عليه صادها
علي العموم هذه مو مشكله تخوف بس اذا تقدرين توضحين انواع الحبوب اللي يكسرها؟

كمان هل يعني انه لا ياكل فقط يكسر الحبوب وايش انوع الاكل اللي تحطينها له؟

[kitty]

المشاركة الأصلية كتبت بواسطة Mr. MeMo

اختي Kitty
اول شي الظاهر محد انتبه للسؤال ولا كان الجميع رد عليك بس الاخ تويتي ما شاء الله عليه صادها
علي العموم هذه مو مشكله تخوف بس اذا تقدرين توضحين انواع الحبوب اللي يكسرها؟

كمان هل يعني انه لا ياكل فقط يكسر الحبوب وايش انوع الاكل اللي تحطينها له؟

مساء الخير ...
الله يعطيك العافيه .....بس وش دعوه محد انتبه (كتبت بالعربي مو بصيني) ايش معنى انت انتبهت !!!!يالله كل واحد وكرمه.......
المهم : الحبوب الي احطها لها حبوب الشمس وتأكل وحده وعشر تكسرها وترجع تكسر الباقي ...
تأكل ونصف حبه فول السوداني والباقي تكسره..!!!!
لاحظت انها تحب بسكوت الشوفان والبطاطس المقلي (شكلها بنت عز)..!! بس خفت عليها منه عشان الزبده والزيت...ماادري وش الحل معها...
الحين اشتغلت في نتف الريش ؟؟!!
والله ماودي اخسرها حبيتها ....اذا ممكن تساعدني
ولك جزيل الشكر....

[Mr. MeMo]

اختي Kitty

مشكله الاكل سهله و ما تخوف مشكله نتف الريش مصيبه بس خلينا نحاول لانك تحبينها
وشكلها كاسره خاطرك وانت كسرتي خاطري انا من طيبتك ( يكفي هذره وخلينا في الموضوع)

بالنسبه للاكل :

الببغاوات بطبعها تحب التكسير و التخريب في الاشجار وتستخدم منقارها في هذه الشي
شكلك منت حاطه لها غصن شجره و اي حاجه خشب في القفص ( صح ) طيب في اللعاب في
القفص؟ شكلها والله اعلم قاعده تعوض النقص عشان تقوي منقارها والله اعلم
كمان سوال المجثم (العمود الي داخل القفص ) من خشب ولا ايش؟

لازم تنوعين في الاكل قدر المستطاع مثل ( الحب الشمسي- الفول السوداني - التفاح من غير بذره - شويه رز مطبوخ - شويه مكرونه مطبوخه - عظمه فخذ الدجاجه مطبوخه تشيلين اللحم وتغسلينها - عنب احمر - ذره طازجه او مسلوقه- فراوله- كالسيوم مهم جدا)

واللحين بالذات تحتاجين فيتمنات عشان يساعدها في طلوع الريش( من محلات الطيور او اي صيدليه بيطريه)

بالنسبه لنتف الريش:

1- الافضل انك تشترين قفص اكبر من الموجود حاليا.
2- توفرين لها العاب قدر المستطاع ( موجوده في محلات الطيور ) لازم خشبيه وفيها حبال
3- اهم نقطه انك ما تصارخين عليها اذا قامت تنتف ريشها عطيها شي تلهو فيه او انك تلاعبيها
من غير ما تحس ان نتف ريش يضايقك.
4- يجب ان تنام اقل شي عشر ساعات في ظلام دامس
هذا اول المشاور ولسه باقي كثير يله قولي المستجدات معاك وانا الاخوان بنساعدك انشاء الله

والله يوفقك من كل قلبي و طولي بالك

[kitty]

السلام عليكم اخوي Mr.memo .......
والله ماادري شلون اشكرك....الي اقدر اقوله الله يعطيك ويجزك الف الف الف خير ...

والله طبقت كلامك كله اليوم (الاكل اعطيها ارز مطبوخ و تفاح و شوية ذره وما شاء الله اكلته ..
جبت خشب وكسرته لحجم وسط (خشب المساح القديم قلت احسن ماارميه اعطيها منه وفعلا كسرته تكسير وشكلها انبسطت عليه ......
بنسبه للمجثم موجود فيه خشبه بس نحيفه شوي والقفص كبير يناسبها .(اذا كبير مشكله شقتي مره صغيره )..اما اللعاب لاوالله ما عندها بس هي طول الوقت برى على القفص تدخل بس لما تجوع تأكل وتطلع مره ثانيه (مدلعتها الهانم)....
وما اصارخ ابدا عليها ...احاول انسيها بأي شي ..و النوم في نور جدا هادي (عشان الهانم الكوكاتو معها وما تبي الظلام)..
المشكله الي خايفه منها ليش (الله يكرمك ) البراز في الصباح شبه ماء ...!!!!!!!!!!! وفي باقي اليوم عادي..!!!
على العموم لك الف الشكر على كل المعلومات الي فادتني مره.وكنت محتاجه لها ..
تحياتي..

[Mr. MeMo]

اختي kitty

اول شي مافي شكر علي واجب ولازم نساعد بعض
ثانيا فرحتيني بالاخبار الحلوه هذه كويس يعني في تطور في الاكل الحمد لله.

بخصوص اللعاب حاول توفريها بسرعه و في حل سريع تقدرين تسوينه بنفسك تعرفين اغطيه العصيرات الطازجه 2 جالون (من غير ما اذكر اسمها ) او اغطيه اللبن خذيها و اخرميها من النص
و جيبي حبل او خيط متين و سويها مثل العقد و اربطيها في القفص و بتشوفينها تلعب وتكسر فيهم و تلهي عن ريشها هذه حل سريع.

و لا تنسين تطمنينا عليها و ين وصلتي معاها والله يوفقك و لكل مجتهد نصيب.

[kitty]

اخوي مساك الله بلخير ...
والله فكره ماشاء الله عليك الحين اسويها لها ....
الله لا يحرمنا من كرمك ويكثر من امثالك .....
ان شاء الله بعطيك اخبارها اول بأول ...
مشكور الف شكر....

[Mr. MeMo]

اختي kitty

الظاهر اني نسيت ارد علي مشكله البراز (الله يكرم القارئين)
شوفي الطيور بشكل عام لا تتبرز اثناء نومها فيتجمع البراز كله الي الصباح و تطلقه مره واحده
فتكون دائما الكميه كبيره مابين البول و البراز فهذا شيء طبيعي بس يجب ملاحظه لون البراز
اذا كان كان اخضر و السائل ابيض فهذا طبيعي جدا اما اذا اختلف اللون فهنا يجب النتباه

في بعض الاحيان يختلف لون البراز مع نوعيه الطعام مثلا بعد اعطاءه عظمه دجاجه سوف يكون
اللون بني مائل الي الاخضر.

[kitty]

اخوي ....
والله احرجتني من زود كرمك.... ولك الدعاء الدائم....
هذي الملاحظه الي كنت ابيها ويمكن شفت كم مره سألت عنها لعلي اجد مجيب....وانت والله ما قصرت الله يعطيك العافيه ويطول بعمرك.....
مشكور...

[Mr. MeMo]

اول شي مافي احراج بين الاخوان
ثاني شي ما قلتي سويتي العقد ولا نسيتي؟
اشتريتي اللعاب و ما كان عندك وقت؟
في تطور من ناحيه نتف الريش و لا لا ؟