اسوي العملية و الا لا؟

[B7R]

يعطيك العافيه يادومينكـ,,

ماقصـرتـي

لكـ جزيل الشكــرر

[بيسي]

بصراحه وهذا رايي وانت وكيفك

حرام المخلوق ينحرم من نعمة عطاه اياه

احس هذي انانيه بصراحه

احمد ربك ان عندك ذكر خليه يتزوج من قطه شارع

وخلاص

او اتركه في حال سبيله لان هذي العمليه اكيد فيها سلبيات

ويمكن قطك يتعرض الى خطر

صراحتي هذي اتمنى تتقبلوها

[Withered Rose]

اذا تحبين قطك و تبينه يظل معاج طوول عمره توكلي على الله و سوي العمليه تراها سهله و راح تاخذينه بنفس اليوم في الغالب ..

بقولج تجربتي .. عندي قط واحد DSH يعني متمسك بهويته القططيه الذكوريه و هذا يشمل : رش - هروب من المنزل - شجار - انعدام الشهيه للطعام - عدم اللعب

كنت مرابطه عند البيطري فبل العمليه كانت حالته تزداد سوءا كل ما تقدم بالعمر بسبب الهروب من البيت و الشجارات لحد ما وصل لحاله ميئوس منها ..

المهم انا قبل لا اقدم على شي لازم ابحث و اتعمق فيه و الحمدلله العمليه هذا فوايدها كبيرة و تغير خياة القط للأفضل و اللي لاحظته تغير بقطي :
- لا يفكر ابداً بالهرب (بيتوتي 100%) الا اذا طلعته متعمده .
- انعدم الرش.
- صار اليف و سعيد يحب اللعب و النطنطه و يحلل قيمه الالعاب اللس اشتريهم له .
- وزنه زاد و لكن سمنه خفيفه و ليست خطرة 7 كيلو و نص زين بالنسبه لعمره و قبل العمليه كان وزنه طبيعي.


هذا اللي لاحظته و غير هذا كله العمليه تطول عمر القط و تقلل من الذهاب للبيطري و تقلل مخاطر الاصابه بالسرطان لبعض الاعضاء و تقلل الامراض المعديه .
بس مثل ما قالت مشرفتنا دومينيك قطعي عنه الاكل الجاف او عطيه و لكن قليييييييل لأنه مضاره اكثر من فوايده..

[SleepyMiracle]

المشاركة الأصلية كتبت بواسطة Dominique

توكلي على الله وخذيها مني

مادام شرعا مب حرام

ومادامك تبينه معاك على طول ومالك نية انك تستغنين عنه

توكلي على الله وسوي العملية

يا انه بيصير دلووووووووووووووووووووووووووع

وتبتوووووووب وبططططططة

يهبل
بس يمشي ويتمسح فيك يشوفك قاعدة على الكنبة يجي يقعد بحضنك بدون استئذان
ولو شافت مادة يدك يجي يحط راسه تحت يدك يعني امسحي على راسي
بتصيرين انتي ملكه وحده ومايخلي اي قط ثاني يقرب منك
وصحته ماشاء الله بتصير احسن من قبل

وشي ثاني انه نظيف ومايرجع يرش بول ولا يوسخ بغير حمامه






لكن نصيحة نصيحة نصيحة من مجرب ومقهور

اقطعي الدراي فود عنه تدريجيا بعد العملية

لأن فتحة بول الذكر بتصير اضيق
والدراي فود يرفع نسبة المغنيسيوم بالدم فيسبب بلورات وحصوات تسد مجرى البول
فيحتبس البول داخل المثانة ويرجع للكلية والدم ويتسمم
انا عانيت من هالشغلة مع دمدم لمدة شهرين

آااااااه ماكنت انام الليل لا انا ولا هو
كان مايقدر ينام لأنه حسران ويبي يتبول
وانا قلبي يحترق عليه وماني قادرة انام
ومن طبيب لطبيب وياكثر الابر والادوية اللي عطوها دمدم
الين تحسن

من عرفت ان الدراي فود هو السبب قطعته نهائيا
اول يومين كان يعصب ويضرب عن الطعام
لكن لما جاع اضطر ياكل الموجود واستسلم للامر الواقع
والحين ماشالله عليه ماشالله عليه مافي احلى منه حسن ودلال

ميرسي
.
.
.

والله طمنتوني ... الف شكر ... خلاص ان شاءالله بسويها وماراح يكون فيها اي ندم
لأن هذا اللي كنت ابي اسمعه .. وعلى قولتهم اسأل مجرب


عاد هو الحين يتدلع واتوقع بعد العملية بيصير يا دهينة لا تنكتين


وباالنسبه للدراي فود ما اعتقج راح اواجه مشكله في اني اقطعه عنه لأنه اصلا ما يحبه كثير
يعني ما يآكله الا اذا كان مافي غيره ...


شكرا دومينيك ... طمنتيني

[SleepyMiracle]

المشاركة الأصلية كتبت بواسطة Dominique

وبالنسبة للعملية

طبعا تخدير كامل

تودينه العملية وهو صايم على الاقل 8 ساعات لا اكل ولا ماء قبل العملية علشان البنج


وبعد العملية راح يكون خدران والطبيب راح يمنع عنه الاكل والماء على الاقل اعتقد 4 ساعات

الطبيب راح يوضحلك اكثر

والعملية مالها لا جرح ولا اثر ولا دم !!!

ثاني يوم بعد العملية وبعد ما يصحصح من البنج راح يرجع طبيعي وياكل ويلعب ولا كأن حصل شي

الا اللهم ازعاج التزاوج والنونوه راح تستمر لمدة اسبوع تقريبا الى ان يتأقلم مع وضعه الجديد
لكن طبعا بدون رش بول نهائيا


ميرسي
.
.
.

الله يعينني اقطع عنه الأكل والماي ..


وهو لسا ما بلغ يعني ماراح يكون في ازعاج ونونوه للتزاوج ...


شكرا مرة ثانيه يا دومينيك

[SleepyMiracle]

المشاركة الأصلية كتبت بواسطة B7R

عنـدي استفسار صغــير..

كم تكــلفه العمليــه تقــريباً؟؟

لـكم جزيل الشكـــر

انا لما استفسرت في الرياض قالوا لي 250 ريال

[SleepyMiracle]

المشاركة الأصلية كتبت بواسطة _Joy

صراحه , انا قطتي بعد شهر رح اعمل السبرينك..مافي اي مشكله
وانا انصحك انك تعمليها..

جوي

شكرا يا جـــوي ... خلاص ان شاءالله راح اسويها وقلبي متطمن

[SleepyMiracle]

المشاركة الأصلية كتبت بواسطة بيسي

بصراحه وهذا رايي وانت وكيفك

حرام المخلوق ينحرم من نعمة عطاه اياه

احس هذي انانيه بصراحه

احمد ربك ان عندك ذكر خليه يتزوج من قطه شارع

وخلاص

او اتركه في حال سبيله لان هذي العمليه اكيد فيها سلبيات

ويمكن قطك يتعرض الى خطر

صراحتي هذي اتمنى تتقبلوها

المسألة مو بس يتزاوج من قطوة وحدة وخلاص ... هو حتى لو حطيت له اكثر من انثى بيظل يرش لأن الأنثى نفسها ماراح تتقبل التزاوج طول السنه ..
يعني رأيك مو حرام اني ارميه في الشارع خصوصا وانه عمره ما طلع الشارع ؟
هذا قط بيتوتي مو متعود على الشارع مثل القطاوة البلدي .. وبالنسبه للعملية مثل ما انت شايف من ردود الاعضاء اللي جربوها مافيها اي نتائج سلبيه ..

انا احترم رأيك ووجهة نظرك

[SleepyMiracle]

المشاركة الأصلية كتبت بواسطة Withered Rose

اذا تحبين قطك و تبينه يظل معاج طوول عمره توكلي على الله و سوي العمليه تراها سهله و راح تاخذينه بنفس اليوم في الغالب ..

بقولج تجربتي .. عندي قط واحد DSH يعني متمسك بهويته القططيه الذكوريه و هذا يشمل : رش - هروب من المنزل - شجار - انعدام الشهيه للطعام - عدم اللعب

كنت مرابطه عند البيطري فبل العمليه كانت حالته تزداد سوءا كل ما تقدم بالعمر بسبب الهروب من البيت و الشجارات لحد ما وصل لحاله ميئوس منها ..

المهم انا قبل لا اقدم على شي لازم ابحث و اتعمق فيه و الحمدلله العمليه هذا فوايدها كبيرة و تغير خياة القط للأفضل و اللي لاحظته تغير بقطي :
- لا يفكر ابداً بالهرب (بيتوتي 100%) الا اذا طلعته متعمده .
- انعدم الرش.
- صار اليف و سعيد يحب اللعب و النطنطه و يحلل قيمه الالعاب اللس اشتريهم له .
- وزنه زاد و لكن سمنه خفيفه و ليست خطرة 7 كيلو و نص زين بالنسبه لعمره و قبل العمليه كان وزنه طبيعي.


هذا اللي لاحظته و غير هذا كله العمليه تطول عمر القط و تقلل من الذهاب للبيطري و تقلل مخاطر الاصابه بالسرطان لبعض الاعضاء و تقلل الامراض المعديه .
بس مثل ما قالت مشرفتنا دومينيك قطعي عنه الاكل الجاف او عطيه و لكن قليييييييل لأنه مضاره اكثر من فوايده..

الحمدلله خلاص قلبي وضميري تطمنوا ...
شرعا مافيها اي مشاكل ... صحيا ونفسيا مافيها اي مشاكل ... واجتماعيا بعد مافيها مشاكل

طبعا انا احبه وابيه يبقى معاي طول عمره وعلشان كذا راح اسوي له العملية ان شاءالله


شكرا لكم جميعا .... ريحتوني

[Dominique]

بس حبيبتي لا تسوين العملية الحين

نطري لما يبلغ لأن الدكتور ماراح يرضى يسويها الا لما يبلغ القط
.
.
.