مشكلة مع طيري له اسبوع

[أم صدى]

طيب الله يرضا عليك وش استخدم والاخظ انه يهيج بعدها
وحركة اني اشغله بيد واحك راسه بالثانية ما تمشي عليه ما شاء الله ذكي
تدري لو وقفت قدامه يهيج مره ولو حركت شفايفي او رمشت حتى يرجع يجعر
خوووواف
بس اليوم كملت معاه أن ياكل من عود بعدين صار ياخذ من يدي
اعطيته فول سوداني بالقشر عض اصبعي عضه خفيفه كأنه يقول ما ابييها ولما اعطيه دوار الشمس ياخذه ومبسووط
لما اروح وارجع يجعر ويبطل ياكل الا بالدلع

[يوفاوي الكويت]

اختي اهم شي بالترويض الصبر

اول شي خلي الطير يتعود علي المكان والبيت لما يرتاح بالبيت

وثاني شي اهم شي بالترويض انج تقصين جناح الطير وتبردي الاضافر

نصيحه روحي لبيطري بقص الريش وبرد الاضافر لا تفكري انج تقصين الريش

لان الطير عنده حاسه الشم قويه ويقدر يميز من الي قص الريش من ريحه الانسان

وانا انصحك تحطين الطير علي الاستاند او يكون بره القفص ساعه وبعدين تحكي راسه شوي شوي

وهو وفوق القفص استمري كم يوم علي هالطريقه وبعدها حاولي تطلعين الطير علي ايدج

نصيحه كثر ما تحكين راس الكاسكو راح يحبج اكثر ويرتاح للبيت

انا اذا ابي اروض الطير احك راس الطير بالساعات اكثر من يوم

وانتي تحكين راس الطير قولي له كلمه راس علي شان يعرف الامر

[أم صدى]

ما يقعد في مكانه ويروح في كل مكان وارجعه بالخناق
هو يرتفع بشكل بسيط هل هذا معناته جناحه مو مقصوص؟

يعني لو اقص جناحه بيرفخ شوي
اليوم جيت بس يشوفني يجعر في وجهي

[ولد العاصمة]

اختي في الترويض لا تتوقفي ابدا لانه

الطير بعد الترويض تهمله راح يرجع متوحش

و الجناح لا تقصيه لانه يظن انه انتي تعاقبيه

و ياثر على حالته النفسية

[أم صدى]

أنا اليوم قررت ما أقص ريشه بالعذاب هجد ولا مسكته بالبطانيه بس عضني عضه يخوفني لأني لمست رجله بدون اذنه
شوي يسمح لي المس منقاره ويسوي نفسه بيعضني ويبعد جسمه شوي لورا أول كان يجعر
صار ياكل من يدي أول شي من وراء القفص هلحين عادي وجها لوجه
وأحيانا يستهبل ما ياخذ مني ويرميه
مرات اعطيه فول سوداني بالقشر حقه يقوم يعض على اصبعي عضه خفيف وما ياخذه فهمت انه ما يبي واذا اعطيته دوار شمس ياكل
احس تطور جميل

والا وش رايكم

[أم صدى]

أول ما طلع من القفض طار في الغرفه وصار يصفر من جا عمره ما صفر
وبعدين رجعته للعصاء فوق القفص وجلس هناك
شلته بعصا ويرجع لمكانه من نفسه
ما شاء الله ذكي

[أم صدى]

المشاركة الأصلية كتبت بواسطة سلطان المسيفري

خله عند التلفزيزون وحاول يكون القفص مسكر من ثلاث جهات ومفتوح من جهه وحده بتجاه التلفاز

وبعد يومين اكشف جهه وخل جهتين وبعدهاء يكون اوكي


واذا مافاد بقولك على طريقه تعيد تربيته اسمهاء z22 في كتاب v.r.kae

اخوك سلطان المسيفري

صراحه
طيري اكتشفت عمره سنتين وكثر شوي
بس ياكل من يدي
ما يغني ولا يرضا المسه
تعب من فنره وطاب له فوق الشهر في الاخير نقلته غرفتي لأن في احد شكله كان جارحه لاني لقيت دم في قفصه
من كم يوم
بس رضا المس رجله اول يعص بسرعه ويضربها
هلحين يطالع يدي ويسحبها على خفيف
جربت معاه العسل بس ما يحبه كثير
من كم يوم بدا يستطعم شوي ويتقبل نوعا ما ما ياكل الا فول سوداني و دوار الشمس

يا ايت اخوي تكرمني بطريقتك اللي ذكرت

[الكاكي]

ام صدى
بما انه عمره سنتين يغلبك شوي
قص الجناح من شروط التدريب
لاتزيد حصة التدريب 15 دقيقه
الصبر وطولت البال
ولاتنسين المكافئه من عناصر التدريب الناجح.

[أم صدى]

يعني استاذي اقص ريشه
لاحظت انه صار يوازن نفسه في طيرانه شكل ريشه طلع
البارح سويت حركع صرت اعلى منه وصرت احك راسه
بالعذاب اقد المسه بس بدت تخ مقاومته
واعطيه فول سوداني واروح
واليوم صر يشوفني وانا احك راسي يقاوم بس اخف من اول

بعد كم يوم باخذه عشان اقص ريشه

[fawzi]

من شروط الترويض ترك الطير لمده لاتقل عن شهر كي يتاقلم على الوضع الي هو فيه وعلاشان برضو يثق في الاشخاص الي حوله معروف عن الافريقي انه طير حساس ومتذمر وشكاك مررره يجب ان يطمأن من الاشياء الي حوله والاشخاص الي موجودين معاه واهم شيء والقاعده الاساسيه للترويض والتدريب هي الصبر ثم الصبر وطوله البال نصيحه عدم الاستعجال في الامور وترك التدريب والترويض الين مايهدء الطير ويتعود على رؤيه الادمين لانه الافريقي بغبغاء بري ومعروف عنه انه من اذكى الطيور على الاطلاق لذلك يحتاج الي وقت كي يتعود على المكان وكل شيء حوله ويوجد وقت كبير جدا للترويض والتدريب اهم شيء المحافظه على النظافه المستمره وتغير الماء كل يوم وتنويع الاكل وان شاء الله مع مرور الوقت الطير تدريجيا راح يتقبل الوضع الي هو فيه لانه الان يمر في مرحله خوف شديد وارتباك وشك علشان كذا الطير ينفش ريشه وهذا يدل على الهجوم لكل من يتقرب منه وخاصه في هذه المرحله ونصيحه عدم استخدام العنف والشده وترك الطير على راحته وعدم الظغط معاه باي وسيله .