سلسله تـدريـب وتـرويـض الـكـاسـكـو ..أشــــقــر..خطوه بخطوه بـ(شرح +فيديو +صور)..!!

[هديل2000]

بصراحه روعه الشرح

بس انا ماعندي صبر على التربيه اجيبه متربي واريح راسي...

يعطيك العافيه ...

[مهم]

الله يعطيك العافية

[طيوري حياتي]

ماشاء الله تبارك الرحمن
عقبال ماتروضة يااااااارب

[ابوعابد 2007]

اتمنى لك التوفيق وان شاء الله يصير حمامه :
بانتضار العدد القادم حصريا على تو زو :
يا الله ياعم سوينا لك دعايه مجانيه :

موفق خير "

[أبو أسيل]

أخي الكريم:

أولا ربي يبارك لك في الطير ان شاء الله، ويتربى في عزك.

ثانيا: لدي بعض الاقتراحات المساعدة لك في التدريب، ربما انت تعلمها ولكن من باب التذكير يالغلا.

- لا تحاول تطلع الطير على يدك وهو فوق القفص، لان هالشئ يزيده عناد وقوة ويعتبرك دخيل على مملكته الخاصه.

- حاول تحط الطير في زاوية الغرفة على الارض، على ان تكون هذي الزاوية خاويه من اي شئ ممكن يتعلق او يتشعلق بيها، وحاول تحط يدك اليمنى تحته من ناحية الارجل وبيدك الثانية تطقطق وتخليه ملهي بيها، وهالشئ راح يخلي نظره مركز مع يدك الثانية اللي فوقه ومايعض يدك الاولى اللي تحاول ترفعه بيها، وكل مايحاول يعض يدك الاولى اللي تحته الهيه أكثر بيدك الثانيه اللي فوقه بحيث تقربها من وجهه.

- لاتحاول تعلمه وانت ماسك العصا، لان هالشئ راح يفزعه أكثر.

- بالنسبة اذا كنت تبغى تقرب يدك من فمه، حاول تحط عسل لجل يخف عضه.

- راح تتعب شوي في جعل الطير يوقف على يدك فترة طويلة ومايطير، لان الجناح كامل ومو مقصوص.

هذي بعض الاقتراحات، وأتمنى لك التوفيق ان شاء الله.

وتقبل فائق احترامي وتقديري.

[BOSS-SAS]

ههههههههههههههههههههههههههههههههههههههههههههههههههههههههههههههههههههه



متخلف بس حلو الله يخليه

[medozoom]

حياك الله اخوي ابو التواريخ وانا سعيد بمتابعتك
بالنسبه للماء هذي فيتامينات يوميه بستخدمها لكل طيوري

الله يخليك يا صموت وان شاء الله نزبطه

اخوي فوفو اشكرك على نصايحك وهذا الي ابحث عنه هو المشاركه بين الاعضاء

بالنسبه للعض انا فقط ذكرت اني بجرب اقصى حالات اشقر عشان اعرف من وين ابدا

وبالنسبه للعسل راح يتم الدخول فيها في حال بدايه التدريب

والجناح ما ودي اقصه حالياً

اخوي غسان كلامك صحيح ميه في الميه انك تترك الببغاء يطلع من وحده ويقولك لو عندك مكيف اصلحه خخخخخ

يسلمو طفن على المتابعه

اخوي لوست بالنسبه للدواء الي انا حاطه يعطي الطير الفيتامينات اللازمه ويزيد مناعته وهناك اسماء كثير راح اشوفلك اسمه وارسلك هو

بوفاوي الكويت كلامك في الحسبان ان شاء الله

اختي هديل ما تعرفين قيمه لما تدربين طير إلا لما تجربين

الله يعافيك اخوي مهم

ان شاء الله يا طيوري حياتي

تستاهل اخوي ابو عابد بس نخلص منه ونسوي دعايه خخخ

اخوي ابو اسيل كلامك جدا اعجبني وفيه نصايح عده وسوف اهتم فيها بحذافيرها بارك الله فيك اخوي

للتجارب بقيه...

[medozoom]

عوده من جديد مع حبيبنا أشـــقــــر

طبعا جربت انرفزه وهو داخل القفص واشوف اش الحد الي ممكن يوصل اشقر داخل القفص

<< ممسكه معاه سالفه العض ليه ما ادري !!

المهم دخلت يدي عنده داخل القفص وشوقوا اش صار


http://www.youtube.com/watch?v=l6CXvZrmz1M

الى الان انا ماني جالس ادرب ابدا

جالس اشوف ردود الافعال مع بعض التجارب وحد العناد عنده عشان اعرف شخصيته وقد ايش يتحمل ويمل بعدها

وقاعد اقوله اني ما راح اشيل يدي لو تقطعها ( اربا اربا ) << خخخخخخخخخخخخخ

انا حاس انه جالس يقول جالس اجعر واعض وما تأثر انا لله وانا اليه راجعون وش الحل معاك يا ميدوزووم

اجاوبه انا .. اسمع الكلام ومالك الا الي يرضيك

نشوف كمان هذا المقطع ونشوف مين انا ولا هو


http://www.youtube.com/watch?v=UvlyS_WNijA

الى الان مقتل اصبعين وجرح ساعد اليد اليسرى والله ولي التوفيق

باقي كم تجربه فقط وبعدها ندخل مرحله التدريب

للتجارب بقيه كونوا معنا

اخوكم

محمد

[ميمو233]

موضوع رائع جدا ومتميز

[الشفق الأحمر]

والله موضوعك شيق الصراحة أخوي محمد ، وأحيك على هذا الأختيار للبغبغاء كاسكو (البرونزي) لون مميز للأمانة ، عسى عسى الله يحفظه لك ويحفظه من كل عين .
وإن شاء الله لي رجعة مرة ثانية .