زهقني هالكاسيكو .. شوفوا لي حل

[عـــمـــر]

المشاركة الأصلية كتبت بواسطة سماوي الجبه

يمكن طيرك اصمخ اتغشمر،، شوف اذا دخلت عليه الصباح حاول انك تشوفه ومن ثم تختبى عنه يعني انخش وكلمه من وراى باب او طوفه وكرر كلمه وبتشوف معا الايام راح يكرر الكلمه، وحاول تطلع وتنخش وانت تكرر الكلمه، وشكرا،

لالالا مو اصمخ ... إن شاء الله أنه بكامل قواه العقلية والجسمية


وخطتك حلوة وبجربها قريب ... شكراً لك

[arnaout]

المشاركة الأصلية كتبت بواسطة عـــمـــر

السلام عليكم ورحمة الله وبركاته .. تحية طيبة للجميع وبعد :-

يالربع أنا عندي ببغاء كاسيكو الرمادي ... محجل .. عمره مابين الستة الى 8 شهور ... يعني عينه بدت تفتح بعد ما كانت سودا كامله ...

الببغاء ممتاز ولا عليه كلام ... أليف ... يجي على اليد .. ياكل من يدي أو يد غيري ... متوالف مع الجميع ... مايجعر أبداً ... حتى صحته ماشاء الله تبارك الله ممتازه

لكن فيه عيب واحد كبيييييييييييييييير .... وهو أنه مايتكلم

تعبت وانا أعلمه لكن مافيه فايده .. شاطر لي في التصفير وبس

شوفوا لي طريقة يتكلم فيها ... ولا ترى ببيعه باللي هو به ... مع أنه مشتراه علي غالي نوعاً ما ..


شاكر لكم تجاوبكم مسبقاً ..

السلام عليكم و رحمة الله
انا من خبريتي للكاسكو والله تعملت شي و خصوصي بالكلام
انك اذا تبي تعلم طيرك الكلام لازم تفاجئه يعني تخلي شوي بروحه و بعد شوي تمر من يمه و تقوله الكلمه يعني تخلي يتفاجىء عشان ترسخ بذهنه الكلمة و ع طول سوي هالطريقة وشوف النتيجه و الباقي على الله و انشاء الله بعد الخبراء يفيدونك ومع العلم اني مريت بالسالفة نفسه من قبل والحين عرفت شلون تخلي الطير يتكلم (فجاء طيرك يتعلم الكلام )

[فتفوته]

اصبر عليه لا تبيعه توه صغير
انا طيري شريته عمره 8 شهور ما تكلم الا بعد ماصار عمره سنتين تقريبا
الصبر ثم الصبر

[فتفوته]

اخوي على فكرة نسيت اذكر لك طريقتي في تعليم الببغاء

حطه في مكان مظلم تماما وجيب كشاف وولعه امامه وتكلم هو راح ينته لضوء الكشاف وبكذا راح يركز على الصوت .. والكلمة اللي تقولها له خليها مثلا اسم يعقوب ,, لانها سهلة عليه ولا تغيرها
وكرر العملية كذا مرة لمدة اسبوعين ,,

وان شاءالله تنفع معاه ,,

[عـــمـــر]

المشاركة الأصلية كتبت بواسطة arnaout

السلام عليكم و رحمة الله
انا من خبريتي للكاسكو والله تعملت شي و خصوصي بالكلام
انك اذا تبي تعلم طيرك الكلام لازم تفاجئه يعني تخلي شوي بروحه و بعد شوي تمر من يمه و تقوله الكلمه يعني تخلي يتفاجىء عشان ترسخ بذهنه الكلمة و ع طول سوي هالطريقة وشوف النتيجه و الباقي على الله و انشاء الله بعد الخبراء يفيدونك ومع العلم اني مريت بالسالفة نفسه من قبل والحين عرفت شلون تخلي الطير يتكلم (فجاء طيرك يتعلم الكلام )

وعليكم السلام ورحمة الله وبركاته ..

فكرة جميلة ... بطبقها قريباً

شكراً لك

[عـــمـــر]

مالنا غير الصبر يا فتفوته ... وبجرب هالطريقة وعسى يكون خير

[سماوي الجبه]

المشاركة الأصلية كتبت بواسطة فتفوته

اخوي على فكرة نسيت اذكر لك طريقتي في تعليم الببغاء

حطه في مكان مظلم تماما وجيب كشاف وولعه امامه وتكلم هو راح ينته لضوء الكشاف وبكذا راح يركز على الصوت .. والكلمة اللي تقولها له خليها مثلا اسم يعقوب ,, لانها سهلة عليه ولا تغيرها
وكرر العملية كذا مرة لمدة اسبوعين ,,

وان شاءالله تنفع معاه ,,

علشان يصير عمي ههههههههه،، لا الطريقه الصحيحه على الطبيعه ووقت الاستيقاظ ووقت النوم ،

[لوتيه]

حرااااااااااااااااااااام يا عمر شو تبيعه طيرك مافيه شي بس انته مستعيل اصبر ان الله مع الصابرين
ردد له كلمات سهله شو بس كلمتين!!
رددله اسمه عشان يعرف اسمه انا لي عندي تقريبن الحين 9 شهور او كملت 10 ماترمس تصفر بس تحاول تقول اسمها توتو بس تقول طوطو المهم تحاول الانه ما ازقرها الا توتو و ا اردد عليها القصور مني يمكن
لاكن ماشاء الله تصفر تصفيرات هبااال
و انته لا تستعيل على لي عندك مش كل طير يتوالف بسرعه معاك و مع العايله كلها و لا تحب اليهال و الله شي طيب انا لي عندي تغار منهم و لا تحبهم بس اذا مابتصبر عليها و بتبيعها انا بشتريها اذا انك مستغني عنها
تراني قتلك اذا فكرت تبيعها طرشلي رساله انا اباااااااااااااااااااهاااااااااااااااااااااااااا

[فتفوته]

المشاركة الأصلية كتبت بواسطة سماوي الجبه

علشان يصير عمي ههههههههه،، لا الطريقه الصحيحه على الطبيعه ووقت الاستيقاظ ووقت النوم ،

بالعكس كل ما صار الطير اعمى تزداد قوة ذكائه
واذا ما نفعت معه الطريقة الصحيحة نعلمه بطريقة ملتوية الين يهرج
المهم لا يأس مع الحياة ولا حياة بدون يأس
وكلمة لأخوي عمر لا تستعجل على بيعه اسمع كلام عمتك صدقني ما بتندم الافريقي يعمر الى 40 سنة تقريبا وطيرك توه صغير وعلى قولتهم توه طالع من بطن الارض


ملاحظة

بالنسبة للكشاف لا تحطونه على عين الطير مباشرة

[سكر]

والله يا غالي أتوقع السبب منك انت مو من الببغاء مسكين.

شوف ردود الأخوان كلها تدريب لك ولا أحد فيهم قال لك ان الببغاء هو المشكلة الا الشامخ وكلامه صح

وكلام الشباب صح

على العموم, دائما المشكلة فينا

لأننا نسوي كل شي في نظرنا انه صحيح, لكنه في نظر الببغاء غير مقبول.

فيا ليت تغير من سلوكك معاه واسلوبك, وتجرب طريقة ثانية.


عندي لك اقتراح, بما انك طفشان منه, روح لأي حلاق سوري أو تركي يكون خويك وقول له انك بتخلي الببغاء عنده فتره. بشرط يبقى في المحل عند الحلاق مو يوديه بيته.

واعطيه 50 ريال والا 100 واذا ما وافق دور غيره.

وتعال بعد شهر وخذه من عنده وشوف كيف تلاقيه.


هذا مجرد اقتراح.

تحياتي يا قمر