مشربيات الحمام

[قطرررررررررررري]

بسم الله الرحمن الرحيم

السلام عليكم ورحمة الله وبركاته

(( مشربيات الحمام ))

تنقسم المشربيات الي نوعين النوع التقليدي والنوع الحديث وان شاء الله في موضوعنا هذي المره

راح نتكلم عن كل نوع وعن سلبياته وايجابياته ونفتح باب النقاش بين الاعضاء في هذا الموضوع

واتمنى من كل عضو عنده معلومه لايبخل علينا فيها ويطرح لنا وجهة نظره ونبتعد عن الردود العاديه


اول نوع راح نتكلم عنه النوع التقليدي , والنوع التقليدي ينقسم الي مشربيات للمحاكر ومشربيات

للجمعي

واول شي راح نتكم عنه مشربيات المحاكر

مشربيات الخاصه بالمحكار اشكالها متنوعه وكثيره بس اهم شي لازم يكون المشرب مغطة من

فوق علشان تحافظ على المياه نظيفه

ونشوف اول نوع من المشربيات







هذا النوع تتوفر منه مجموعة احجام واللي يستخدم للمحاكر الصغير والوسط

هذا النوع من اهم ميزاته ان وقت التنظيف تقدر تنظفه بالكامل حتى داخل الخزان الصغير لانه

ينفتح بالكامل







لكن من عيوبه ان الحاجز السفلي صغير ويمكن تدخل فيه بعض الاوساخ ويحتاج

للرفع في المحكر وتخلي تحته يشي يرفعه بمستوى مناسب ان الحمامه تشرب منه

ونفس الوقت الاوساخ ماتدخل فيه

-----------------------------------------------------------

ثاني نوع وهذا بالنسبه لي انا افضله اكثر






وهذا النوع تقدر تشوف مستوى المياه بالداخل وبعد مستوى النظافه بكل سهوله

وحتى ارتفاع فتحة الشرب تكون بمستوى مناسب جدا

لكن من عيوبه وقت التنظيف ماينفتح بالكامل وماتقدر توصل للحزان الداخلي بكل سهوله

ونشوف الصوره







لكن انا اشوفه احسن بكثير من الاول (( وان شالله نشوف ردودك وشنو تفضلون ))


-------------------------------------------------------------------


مشربيات خاصه للجمعي ومعظم هذي المشربيات متشابهه ونشوف فالصوره احد الانواع اللي

انا استخدمه عندي






ميزة هذا النوع انه سهل التنظيف وانه يشل كمية مناسبه من المياه لكن افضل طريقه لوضعه

ان يكون متعلق بحبل ويكون مرتفع عن الارض شي بسيط علشان مايدخل فيه الرمل

واي اوساخ موجوده ونشوف الصور توضح اكثر







---------------------------------------------------------


الانواع الحديثه : وهذي الانواع تسهل على المربي عملية تغير المياه بالشكل دائم

ونفس المشربيات السابقه في منها انواع للمحكار وانواع للجمعي باحجامه

ونشوف اول نوع للمحاكر





وهذي تحتاج الي تمديدات بخزان المياه الخاص للحمام ونشوف ادوات التمديد






وهذي الطريقه مناسبه وميزاتها تختصر الوقت لكن من عيوبها

تسريب المياه بعض الحلات والغالبيه يكون التسريب اول الايام وبعدها خلاص يكون الوضع طبيعي

قد تكون تكلفتها عاليه عند بعض الاشخاص






-----------------------------------------------------------


مشربيات الجمعي نفس الطريقه تحتاج للتمديدات

وهذي صور منها

ويوجد منا 3 احجام واصغر حجم يمكن استخدامه فالمحاكر






طبعا هذي ميزاتها تنظيفها سهل جدا لكن عيوبها بالاضافه الي عيوب الاولى ان صعب التعرف على

المياه نظيفه او لا الا اذا كشفت الغطى علشان تتاكد




------------------------------------------------------------


هذي انواع المشربيات الحديثه والتقليديه

وانا عن نفسي لحد اللحين مع التقليديه مادري احس انها افضل

لكن اتوقع لو كثر العدد بشكل كبير اكيد الحديثه بتسهل عملية التنظيف والتغير

اتمنى اشوف ردودكم ونقاشكم فالموضوع

بعض الصور من الانترنت وختمى عليها حفظ للموضوع وليس ملكيتي للصور

تحياتي