يأست.....

[حلم عاشق]

جيبي اوراق الصبار المعروفة واقطعي الورقة الى نصفين وكشطت المادة الهلامية بملعقة ثم ضيفيها مع قليل من الماء وضعيها في الخلاط بعدين طلعيها وحطيها في قارورة البلاستكية الي تستخدم في الرش مثل اللي تستخدم عند الحلاقين أو مثل منظفات الزجاج .
وكل يومين أو ثلاثة رشي الببغاء بكمية كافية لتغطي جميع جسمة أضافة الى ذلك اشتري فيتامين المسمى عضم الحبار يستخدم لتزويد الطيور بالكالسيوم اذا رفض يأكل منة اطحنيه وحطيه في صحن الماء في القفص يعني نسبه بسيطه خليك على هالطريقه من اسبوع الى عشرة ايام على هالروتين بعد فتره راح تلقين باذن الله ريشه بدا يرجع شوي شوي ياخذ وقت الى فترة شهر تقريبا تحياتي لك

[ابو خالد 222]

زيت الصبار يرفع درجة حرارة جسم الطير ... اذا ماعندك حل ثاني استخدمه.

نتف الطير للريش زي ما قالوا الاخوان يمكن نفسي او مرضي... او يمكن نقص الكالسيوم ،،

حوال تضع العاب في القفص عشان الطير يلهى ويلعب فيها ...اذا مانفعت الحلول !! وده للبيطري

[بلاك بيري]

اتمنى ان لا تئيسي وان تبدئي بالطرق الي بلغناكي فيها وتبلغينا بالتحسن

[H.B.H]

مشكورين ابو خالد222 و بلاك بيري على النصايح
وطبعاً أي تحسن راح يصير أنتوا أول من بيعرف
وبس....
انتظروا جديدنا

[بلاك بيري]

موفقه يا رب ولا شكر على واجب

[H.B.H]

طيري للحين حلو
يرضى أمسح عليه وياكل من أيدي وترك النتف وخلاص أقدر أقول أنه تمام التمام
بس المشكلة اللي توني أفكر فيها
أن جناح الطير الأيسر مثل ما قلت مسبقاً غير مكتمل النمو يعني جزء من الريش متكسر واللي طايح
لمن يبي يجي على كتفي يستخدم منقاره ورجوله ولا يعتمد على الجناحين
يعني أهو لمن أطلعه من القفص يرفرف ويحركهم بقوة يعني ما فيهم عيب
لكن لمن أبيه يطير ويجي على أيدي مستحيل يفكر بشيء أسمه جناح
فهل هذي نفس الشيء مشكلة نفسية بحيث أنه استغني عن الجناحين من زمان؟؟؟؟ولا إذا نما له ريش بجناحه ممكن يطير؟؟؟
لأني أخاف أني أضطر أدربه على الطيران وأنا ما أعرف شيء

عذراً على الإطالة

[حلم عاشق]

مساك الله بالنور الحمد لله على سلامة طيرك وعقبال نشوف ريشه كامل وفى احسن حالاته باذن الله

المشكله الاولى الريش المكسر يخلي الريشه بطيئه فى النمو عشان كذا راح يكون اقصر من الجناح الثاني
اما المشكله الثانيه اعتقد والله اعلم ان سبب المشكله الى تقولى عليها من القفص صغير جدا دائما اذا مافي مساحه كافيه للطير انه يرفرف بجناحه داخل القفص يسير معه نفس المشكله الى تتكلمي عنها ويتعود على انه ما يستخدم جناحه فى الطلوع على كتفك خصوصا اذا خليتيه فتراة طويله داخل القفص لا تخليه فترات طويله داخل القفص طلعيه وين المشكله لو خليتي باب القفص مفتوح ويتعود يطلع فوق القفص وياخذ راحته شوي

يمكن يكون بعد مشكله نفسيه ان الطير خايف من الطيران لموقف حصل له طيحه او شي تحياتي لك ويا ليت لو نشوف صور لطيرك عشان الاخوان يبدون رايهم فيهم ويساعدونك اكثر تحياتي لك يا الغلا

[H.B.H]

المشاركة الأصلية كتبت بواسطة حلم عاشق

مساك الله بالنور الحمد لله على سلامة طيرك وعقبال نشوف ريشه كامل وفى احسن حالاته باذن الله
الله يسمع منك

المشكله الاولى الريش المكسر يخلي الريشه بطيئه فى النمو عشان كذا راح يكون اقصر من الجناح الثاني
اما المشكله الثانيه اعتقد والله اعلم ان سبب المشكله الى تقولى عليها من القفص صغير جدا دائما اذا مافي مساحه كافيه للطير انه يرفرف بجناحه داخل القفص يسير معه نفس المشكله الى تتكلمي عنها ويتعود على انه ما يستخدم جناحه فى الطلوع على كتفك خصوصا اذا خليتيه فتراة طويله داخل القفص لا تخليه فترات طويله داخل القفص طلعيه وين المشكله لو خليتي باب القفص مفتوح ويتعود يطلع فوق القفص وياخذ راحته شوي
أنت ما تدري أنه على طول بره القفص يعني أنا ماأدخله إلا أذا عندي شغله ماأقدر أسويها وهو على كتفي أصلاً لو بيدي كان خليت الأكل والنوم دايماً معي
يمكن يكون بعد مشكله نفسيه ان الطير خايف من الطيران لموقف حصل له طيحه او شي تحياتي لك ويا ليت لو نشوف صور لطيرك عشان الاخوان يبدون رايهم فيهم ويساعدونك اكثر تحياتي لك يا الغلا

المشكلة حاولت أنزل صور بس مو عارفة الطريقة بالضبط ولا كان عبيت لكم المنتدى صور

[هذا حظي]

ماشاء الله الاخوان افادوووك


بالنسبة للمادة البيضا اللي مثل البودرة هاذي شي طبيعي

يفرزها جسم الطير حتى تحافظ على الريش و لمعانه تقريبا

وبالنسبة للريش المكسر حاولي انك تنتفيه

امسكي الريشة المكسورة وانتفيها بسرعه ( يمكن يطلع دم بس كمان طبيعي)

الدرة اللي عندي نتفت الريش المكسر اللي بالذيل والحمد لله الحين طالع بس ياخذ وقت في طلوعه يمكن شهر تقريبا الا والريش طالع

ومسئلة انو الريش اللي بصدرة ياخذ وقت بعد حتى يطلع

[H.B.H]

طيب لو طلع الدم وش العلاج اللي يوقفه
أخاف على الطير لأنه مو لي هو أمانة عندي