كيف اصنع طوق حمايه للكاسكو ؟؟؟؟؟؟؟؟؟

[oasa_123]

الطوق موجود على موقع ebay دور عنه و اطلبه بالنت احسن لك من التدوير

[ProOoF]

الله يعينك ومن أعصب الأمور السلوك السلبي للطير

بالنسبه للطوق ما تتكيف فيه جميع الطيور وقد تعب أكثر وتشوفه بيتخلص منه بأي طريقه , ولا فيه طرق كثيره تقدر تصنعها بنفسك و توفر ع نفسك المبالغ إذا حبيت ممكن أفيدك فيها

لكن

فيه امور كثيره منفره وتبعده عن النتف لكن بتتعب حتى تصل لنتيجه والله يعينك

جرب المرّه نقعها وامسحها ع جسم الطير وإذا ماهو أليف عن طريق البخاخ

وتجنب وجه الطير , وبتابع بأذن الله معك إلى أن يكتمل ريشه وتتجاوز هالمشكله

الصبر ثم الصبر ثم الصبر وبتنول مرادك بأذن الله تعالى

بالتوفيق - والله أعلم

.................

سبحانك يارب

[ابو الدره]

انت شكلك اهتميت بطير الثاي اكثر منه اعزلهم عن بعض يمكن يفيد بس اعزلهم وخلي احد م اخوانك ياخذ السليم وانت سلي الثاني انشاء الله تفيدك طريقتي

[abdull]

المشاركة الأصلية كتبت بواسطة ابو محمــد

اخوي الطير الثاني جديد على البيت ؟؟؟

لا الطير الثاني اقدم من اللي ينتف نفسه صارله عندي ست شهور وفرخ ووضعه زين ويصعد على الايد ويصفر

واللي ينتف نفسه كبير اكبر من سنتين اتوقع او اكثر صارله عندي اربع شهور تقريبا ويتكلم ويصفر بس مايصعد على الايد

[abdull]

المشاركة الأصلية كتبت بواسطة مـحـمـاس الـمـنـحـاس

اخي العزيز
طريقه صناعه الطوق سهله جدا

جيب لك قطعه نايلون مقوى (مثل اللي يجي على الملف الشفاف اللي يحفظ الاوراق)
وقص منه قطعه دائريه على شكل ديسك (سي دي) بالزبط
وقص فيها خط مستقيم من الطرف الى الدائره اللي بالنص
وركبه على رقبه الطير وضيقه بالشكل اللي يناسب الطير بعدها تقدر تقفله بالدباسه العاديه

اتمنى تكون فهمت علي
واتأسف منك لعدم الشرح بالصور لعدم توافره عندي حاليا

مشكووووور والله يجزاك خير بجربها بس اخاف ماتثبت لانه بيحاول يشيلها لكن بحاول

[abdull]

المشاركة الأصلية كتبت بواسطة oasa_123

الطوق موجود على موقع ebay دور عنه و اطلبه بالنت احسن لك من التدوير

اذا ماقدرت اسوي مافي حل الا اني اخذه من اي بي بس شنو الحجم المناسب للافريقي ؟

[abdull]

المشاركة الأصلية كتبت بواسطة ProOoF

الله يعينك ومن أعصب الأمور السلوك السلبي للطير

بالنسبه للطوق ما تتكيف فيه جميع الطيور وقد تعب أكثر وتشوفه بيتخلص منه بأي طريقه , ولا فيه طرق كثيره تقدر تصنعها بنفسك و توفر ع نفسك المبالغ إذا حبيت ممكن أفيدك فيها

لكن

فيه امور كثيره منفره وتبعده عن النتف لكن بتتعب حتى تصل لنتيجه والله يعينك

جرب المرّه نقعها وامسحها ع جسم الطير وإذا ماهو أليف عن طريق البخاخ

وتجنب وجه الطير , وبتابع بأذن الله معك إلى أن يكتمل ريشه وتتجاوز هالمشكله

الصبر ثم الصبر ثم الصبر وبتنول مرادك بأذن الله تعالى

بالتوفيق - والله أعلم

.................

سبحانك يارب

والله الطير كبير عمره ويتكلم ويرقص بعد ويصفر بس مشكله هل نتف وصارله عندي كم شهر بس اشوفه زين بس مو اليف معاي يعني مايصعد على الايد ولا سهل التعامل معاه مثل الثاني , والمره انشالله بجربها وعسى تجيب نتيجه , انا الصبار جايب معاي نتيجه لكن الطير ينطر لما يكمل ريشه وينتفه مره ثانيه !! مادري هل هي حساسيه ولا لازم احطله طوق ؟ وجزاك الله خير

[abdull]

المشاركة الأصلية كتبت بواسطة ابو الدره

انت شكلك اهتميت بطير الثاي اكثر منه اعزلهم عن بعض يمكن يفيد بس اعزلهم وخلي احد م اخوانك ياخذ السليم وانت سلي الثاني انشاء الله تفيدك طريقتي

للاسف انا في بيت صغير مؤقتا وماعندي مكان مكيف مناسب غير مكان واحد وحاط فيه الطيرين لكن الطير اللي ينتف نفسه مو اليف معاي يعني يصفر ويتكلم بس لما اقرب منه يسكت ويخاف انا بحاول ادربه بس ابي اتخلص من النتف اول شي