ممكن اعرف شعورك ؟؟

[صمت الأمل]

لاحول ولا قوة الا بالله ..

قدر الله وماشاء فعل .

للأسف مر علي هالموقف مع أول ببغاء ربيته في حياتي وهو افريقي .. كان اسمه هاجد .لأني أول ماشريته كان هاااجد ولايتكلم ولا شيء .

ولا أحد في البيت حبه مثلي .أول مايشوفني وهو في قفصه يحاول يطير ويصيح عشان بس ألتفت له .. وربيته وهو رباني .حبيته وهو حبني أكثر وأكثر.

بس جاته حرارة ولا عرفت اتصرف . ووديته للبيطري وعطاه حبوب وابره . طبعا تفاعلو بشكل عكسي وقاتل .

ومــااااااات .

جلست شوي ساااكته من الصدمه يوم دريت . ولا بكيت أو قلت أي كلمه .

التفت بجنبي .. شفت أمي تصيح عليه . وانفجعت, وجلست أصيح معها .

اخواني وخواتي يوم درو ان البيت راح يكون هااادي جلسو يبكون لفراقه ..

آآآخ ذكرتيني به .

ماراح أنساك أبدا يالغالي هاجد .

[WaLuo]

الله يصبرك ويعوضك باللي احسن منو

[في خاطري شي]

ان لله وانا اليه راجعون

ولاحول ولا قوة الا بالله

وش هالخبر المحزن

بصراحه ياسويت مادري وش اقولك

ولكن

احساس قاسي اذا فقدت طيري .. وخاصة لما اكون متعود عليه

بس يااختي هذي سنة الحياة .. أرواح تأتي وارواح تذهب

وفكرة اننا لانستيطع العيش بدونه .. انا بصراحه اقدر حجم الحزن والمأساة الذي يقع من هول الصدمه !!

لكن مااكون حبيس حزني .. واعطي نفسي فرصه واصبر نفسي بأن الله سبحان وتعالى اعطاني امانه .. ورجع اخذها مني وراح يرزقني بأفضل منه

ولله مااعطى ولله مااخذ

ويجب الاستعانه بالله فأنه خير معين في تلك الاوقات وفي كل الاوقات طبعا .


واسأل الله ان يجبر مصيبتك وان يرزقك بخير منه وان يعوضك خيرا


آآمين

[سعد الاسمري]

شي مو سف وليش فقدتة هل هو موت مفاجى أذا كان هذا السبب فا العوض من اللة وأذا كان سبب أخر وممكن أن في الا يام الجاية تقدرين تجيبينة حاولي بشتاء الطرق مهما صار او حتى با الا قناع
واللة يعوضك ويكون هذاء الموضوع أخر أحزانك

[بندولة حب]

الله يصبر قلبك

وربي يعوضك احسن منه

بس شعوري شعور مايوصف

ومريت بتجربتك من سنوات فقدت طير لي

ليومك كل كل ماتذكرته ضاق صدري

بس الحمدلله

اذا حصلتي بعده طير راح تنشغلي معه وتنسينه شوي

ولابد من هذا الشي

[ابو محمــد]

اللة يعوضك,,

والانسان سمي اننسان من النسيان وهذه نعمة,,

وعسى في الأمر خيره.

[no0La]

اختي انا مريت بهذا الاحساس وكثير حزنت
وبكيت بس سبحان الله الانسان ينسى
ولو انه تذكر بتكون ذكرى حلوه مع الطير الجديد تتغير الاحوال

انا فقدت كاسكو وكروان ودره

وكلهم لهم مكانه بقلبي

الدره كان لها سنوات كثيره وتعودت عليها
لدرجة اني اقولهم حطوها بكرت العائله من حبي لها
ووقت مايموت طير اصر انه يندفن واكون متأثره لانه كائن حي
ولنا الاجر بإذن الله

بس قدر الله وماشاء فعل
ورضيت بالامر الواقع وصرت حاطه هـ الشي انه ممكن يصير
بأأي وقت وصدقيني انا مقدره شعورك

بس حاولي الان تلهي نفسك بطير جديد

[كوالا]

والله شي يقطع القلب مهما كان هذي روح ولها عشره معانا

اكيد الواحد لازم يحزن على صديقه الي كان يسليه ومسليه

وهذي سنة الحياه

وقدر الله وماشاء فعل

والله يعوضك بشي احسن منه

[المحب للدرة]

الله يعوض عليك سويت
بس انا بكيت لما مات كاكا العزيز
وارتحت اني بكيت لانه كان عزيز على قلبى

[سويت هارت]

يسلموووو حبايبي على ردودكم ..

والله يعوض كل من فقد طيره مثلي ..