محتارة اشتري هالكاسكو

[soso2004837]

رايكم اكثر

[NasseR GalvK]

المشاركة الأصلية كتبت بواسطة soso2004837

اها شو يعني غيني

قال لي راعيه طير كاسكو التمنه

شكرا على رايك

ماانصحك فيه شكله مو حلو

خوذي الطير اللي منقارة اسود افريقي

[soso2004837]

الكاسكو الجامبو مال مزارع

كيف تمام


وكم سعره يجي

[ألأصيل]

أختي العزيزه ممكن مداخله,

أنا اشوف انك قاعده تشترين الطير للاسباب الغلط, بمعنى ان تبغين ببغاء وذيلا يعيشون لين ٦٠ سنه, ما تسألين في البدايه عن السعر ولا وش احسن ووش اسواء, انتي اسألي نفسك ليه تبينه؟ وعقبها بتعرفي من نفسج وش احسن طير لج ومنساعدج وقتها بس أمانه لا تستعجلين لانه والله حرام تاخذينلك طير ولا يطلع على مذاجج واللي يدفع الثمن هو الطير . قلت رأيي وارجوا لا اكون زعلتج مني بس نصيحه لوجه الله.

[soso2004837]

المشاركة الأصلية كتبت بواسطة ألأصيل

أختي العزيزه ممكن مداخله,

أنا اشوف انك قاعده تشترين الطير للاسباب الغلط, بمعنى ان تبغين ببغاء وذيلا يعيشون لين ٦٠ سنه, ما تسألين في البدايه عن السعر ولا وش احسن ووش اسواء, انتي اسألي نفسك ليه تبينه؟ وعقبها بتعرفي من نفسج وش احسن طير لج ومنساعدج وقتها بس أمانه لا تستعجلين لانه والله حرام تاخذينلك طير ولا يطلع على مذاجج واللي يدفع الثمن هو الطير . قلت رأيي وارجوا لا اكون زعلتج مني بس نصيحه لوجه الله.

بصراحه ابي الطير لي ولاخواني يعني بس تواجدي مو صبح يكون معه ظهر بعددوامي

وابغاه اليف يتكلم ويلعب ويونسنا

فعشان كذا سال كل الاسئله عنه فدورت وشفت مغالاه معنا في سعر الطير

الفرخ يبيعونه 300 ريال كاسكو مال 4 شهور وغيرها

وهذا عرض كاسكو التمنه فقلت اسال الخبرا قبل مااشتريه واندم اشد الندم
يطلع مو على مزاجي ومو اليف ومابيتكلم بعدين

شكرا لك على رايك

بشو تنصحني

[سكر]

أختي في المنتدى الآخر واضح ان السعر هذا مناسب في بلدكم

صحيح غالي لكنه مو بعيد عن أسعار عمان,,,

احنا نرد على موضوعك مقارنة بالأسعار عندنا عشان كذا تلاقينا نقول لك لا تشترينه

لأن السعر في السعودية ما بين 300 ريال إلى 400 ريال سعودي,,,

يعني ما بين 30 ريال عماني إلى 40 ريال عماني,,, وهذا فرق كبير بين أسعارنا وأسعاركم,,,



بغض النظر عن السعر,, إذا ما عندك خبره في التربية ما أنصحك في التمنة (بعض مناطق السعودية نسمية غيني)


وفي كل الأحوال قبل ما تشتري شي اسألي في الأسواق عندكم عشان السعر يوضح لك,,

ومن الحكمة اننا نتسوق قبل ما نشتري,, يعني نروح الأسبوع هذا السوق وناخذ فكرة عن الأسعار,,,

ونجي الأسبوع الثاني نشتري على بينة,,,


تمنياتي لك بالتوفيق,,,

[كاسـ jeddah ـكـو]

بصراحه الطير اقل صنف بالطير الافريقي .. والمبلغ اللي طالب فيه جداً غالي بنظري ..

لاني محصل نفس الانواع وشبه اليف باقل من نص السعر

ولا ودي اخرب عليك البيعه .. بس مجرد نصيحه وبعيد عن السعر الطيـر شكله مغمق شوي ومنقاره وحجمه اصغر من الافريقي النيجيري الجامبو

وبنفس الوقت ممكن تحصلين بهالسعر جامبو افريقي بنفس المواصفات اللي ذكرتيها وممكن اقل

فـ عشان كذا لاتستعجلي قبل الشراء قارني بين هذا وذاك وبتعرفين الفرق

[ألأصيل]

المشاركة الأصلية كتبت بواسطة soso2004837

بصراحه ابي الطير لي ولاخواني يعني بس تواجدي مو صبح يكون معه ظهر بعددوامي

وابغاه اليف يتكلم ويلعب ويونسنا

فعشان كذا سال كل الاسئله عنه فدورت وشفت مغالاه معنا في سعر الطير

الفرخ يبيعونه 300 ريال كاسكو مال 4 شهور وغيرها

وهذا عرض كاسكو التمنه فقلت اسال الخبرا قبل مااشتريه واندم اشد الندم
يطلع مو على مزاجي ومو اليف ومابيتكلم بعدين

شكرا لك على رايك

بشو تنصحني

أختي الفاضله السلام عليكم, وبعد:

اولا: هل عندك خبره في تربية هذي الانواع من الطيور (خلنا نقول لا او قليله)
ثانيا: تسليه لج ولاخوانج (أتوقع انه اخوانج صغار في السن - الله يحفظهم لج)
ثالثا: انتي تتكلمين باي عمله؟ أعتقد بالريال العماني وهذا في نظري سعره الطبيعي في الخليج.

تبعا, انا انصحج اختي تاخذين لج طير اليف ومدرب, مو ضروري مدرب على الكلام هذا سهل ومع الوقت هوه بيتعلم منكم على اي حال, بس توليف الطير وتدريبه يبيله الوقت والصبر وهذيلا عنصرين مش متوفرين لج.

تكلفة الطير الاليف ومدرب ياكل من اليد ويطلع عليها وما يجعر ولا يعض يكون حسب السوق بس ما يتعدى الالفين درهم ويكون عمر الطير بين السنه ونص الى سنتين ونص.

الفرخ الصغير: مع انه انسب شي للتدريب بس يبيله عنايه واعيه وعلم وشغل ووقت يمكن ما يناسب ظروفج الحاليه.
الطير المنتج: يعني مولود بالاقفاص يكون اسهل توالفه على الانسان لكن يكون ضعيف المناعه بعض الشيء عن البري اللي صايدينه بالشبك, بس هذا يعتمد على المصدر اللي انتي بتاخذين منه.
الطير البري او ما يسمى بالبري / الجنقل / الجعيري الخ, فهوه قوي البنيه ومناعته قويه بس يبيله الصبر والوقت والخبره للتعامل معاه.

بالنهايه الامر يعود لج اختي بس مره ثانيه انا انصحج بشي اليف ومدرب ولو كانت شوي التكلفه ازود من الباقيين, السعاده والسرور اللي بيجيبها لكم على مدى السنين الطويله ان شاء الله تعوض خسارتج. لا تاخذين الطيور الكبيره مثل المكاو ولا الصغيره جدا, فالانسب انا في نظري هو الافريقي الرمادي (رأي شخصي).

أعتذر على الاطاله والله يوفقج.

[soso2004837]

شكرا بارك الله فيكم

بس الظاهر ماباخذه واتريث

مابستعجل عشان اخاف يطلع مو على هواي

خاصه مو اليف

ومايتكلم

[soso2004837]

المشاركة الأصلية كتبت بواسطة سكر

أختي في المنتدى الآخر واضح ان السعر هذا مناسب في بلدكم

صحيح غالي لكنه مو بعيد عن أسعار عمان,,,

احنا نرد على موضوعك مقارنة بالأسعار عندنا عشان كذا تلاقينا نقول لك لا تشترينه

لأن السعر في السعودية ما بين 300 ريال إلى 400 ريال سعودي,,,

يعني ما بين 30 ريال عماني إلى 40 ريال عماني,,, وهذا فرق كبير بين أسعارنا وأسعاركم,,,



بغض النظر عن السعر,, إذا ما عندك خبره في التربية ما أنصحك في التمنة (بعض مناطق السعودية نسمية غيني)


وفي كل الأحوال قبل ما تشتري شي اسألي في الأسواق عندكم عشان السعر يوضح لك,,

ومن الحكمة اننا نتسوق قبل ما نشتري,, يعني نروح الأسبوع هذا السوق وناخذ فكرة عن الأسعار,,,

ونجي الأسبوع الثاني نشتري على بينة,,,


تمنياتي لك بالتوفيق,,,

شكرا معكم رخيص وايد
هنا عندنا يغلون الاسعار

من 200 فمافوق للفرخ والمتعلم شوي
بس ماعرف عن الاليف ولا اعرف واجد عن سعر السوق

بس في السنترات غالي جيدا مال حيوانات


شكرا على التوضيح