اشترك في نشرتنا البريدية ليصلك كل جديد

مجنون عويشق · 13-02-2009, 04:10 PM

السلام عليكم

ماشاء الله تبارك الرحمن

طير جميل ونظيف

وجامبـــو بعد

وعمره تقريبا سنتين يزيد شهرين او يقل

وان شاء الله انه بيتكلم بس عطه وقت

تحيه طيبه

أحمدووو · 13-02-2009, 06:06 PM

إخواني ... آنا أول مرة أشتري يلو ناب

فما عندي ذاك الخبرة بالطير هذا

يا ريت الاخوان ينورونا عنه و عن تربيته و تعليمه الكلام

و من هالأمور

انا قريت المواضيع المثبتة ، بس ابي خبرتكم شباب

موفقين

مجنون عويشق · 13-02-2009, 07:02 PM

السلام عليكم

اهم خطوه واول خطوه ...الافة الطير ...وهذي خالصين منها لان طيرك اليف ..

ثاني خطوه ...تعوده على صاحبه الجديد ...ولاتنسى انه كبير ..يعني يحتج فتره يتعود عليك ((اقصد بأنه يعرف أنك انت صاحبه )) وهذا يحتاج الى شهر ...

وخلال الفتهر ردد عليه الكلام

تحيه طيبه

أحمدووو · 13-02-2009, 07:08 PM

هذي صورة ثانية يمكن أوضح شوي من الأولى

جـ AraB ـدة · 13-02-2009, 09:40 PM

ماشاء الله تبارك الرحمن طير حلو وحجمة احلاء وسعرة مناسب وعمره مو كبير يعني شباب يبان من الريش الاصفر إلي من وراء الرقبة .... وتحياتي للجميع

أحمدووو · 13-02-2009, 10:31 PM

الله يسمع منك

واحد من الشباب الله يهديه خارج المنتدى شاف صورته و قال لي هذا عمره أكبر من 5 سنوات ، و كبير

و ما يتعلم بهالعمر إذا ماكان يتكلم لي الحين

الصراحة حبطني الله يسامحه

ابوعبدالله · 14-02-2009, 12:12 AM

الله يبارك لك في الطير اخوي .

بالنسبه للعمر اخوي اظن انه من 3 - 5 سنوات

و 550 دينار كم تساوي سعودي .اذا كانت 7500 تقريبا كنت تقدر تاخذ فرخ ولو زودت شوي

احسن وانا حطيت صور طيري اليلوناب وراح تشوف انه ما فيه صفار ابد وعمره يمكن سنه او اكثر بشوي.

Baab · 14-02-2009, 03:15 AM

اخوس احمد مبروك على الطير وايد حلو ماشا الله وعمره اعتقد من 4 سنين ل 6 سنوات من خلال العين بس على فكره تقدر تحسب عمر اليلو ناب التقريبي بالون الاحمر الي بجناحه كل ريشه حمره بسنه وبالنسبه للكلام لاتحاتي اليلوناب والدبل يلوناب انا اربيهم من 10 سنوات تقريباً مالهم عمر معين للتعليم لأن ذاكرته وايد قويه وعنده قوه تخزين كبيره 1 غيغيا

والله يهنيك فيه بس حط بالك عليه ترى وايد حساس ودايماً وقت التعليم ابتسم ابويها وانتا تعلمه لأن وايد حساس جداً واقطع عنه الحبوب وخله يتعود على الفواكه والخضار والعيش الابيض المطبوخ وايد زين حقه وبالنسبه للأكل العادي خله بس وقت التعليم مثل السبال والحب الشمسي والله اعلم

Baab · 14-02-2009, 03:21 AM

وبالنسبه للسعر اخوي أحمد بالنسبه للكويت بلاش سعره وايد زين الحين الفروخ اليلو ناب مواقل من 800 دينار كويتي ولاتحاتي التعليم والعمر لان الامزون وايد فطين وذكي بس اهم شي خله يتعود عليك بالبدايه والعب معاه ماأوصيك بالقفص العود كبدايه الي فيه العاب يبيعونه بسوق الحمام الي بشويخ وفيه العاب داخله

خل يستانس وخله على طول هدد بالبيت وخلق مراقب تحركات يعني تجابله مثل ماتجابل عيالك وبزياده

clair de lune · 14-02-2009, 08:48 AM

تبارك الله

الله يخليك لك ماشالله