عصفورتي باضت لأول مره بيض غير مخصب .. افيدوني

[basmagomaa]

بسم الله الرحمن الرحيم
السلام عليكم اخواني واخواتي
كنت اشتريت ذكر وانثى سن 5 شهور من شهرين تقريبا وللأسف مات الذكر
وبسبب عدم وجود اماكن كافيه وضعت الانثى مع ذكر تاني اكبر منها بشهرين ( مع العلم ان اخته في نفس العش باضت يوم 4 ديسمبر وفقست الحمد لله )
المشكله ان الذكر من بعد ما طلع ريشه رجع وقع تاني وبيطلع بصعوبه ومالوش ريش في جناحاته ولا ذيله ومعظم الرأس لكن بينط ويتحرك من مكان لمكان عن طريق منقاره
المهم العصفوره فجأه باضت يوم 4 يناير ووضعت حتى الان 3 بيضات
فحصتهم بالكشاف لأني شاكه في مقدره الذكر على التخصيب وفعلا لقيتهم مش مخصبين ووقعت مني واحده اتشرخت وفعلا لقيتها مش مخصبه
دلوقتي انا حشتري لها ذكر شغال بإذن الله لما اسافر كمان يومين لكن عايزه اعرف هل الصح اني اضعه معاها الان بدلا من الذكر الموجود ولا استنى لما تكتشف ان البيض بدون جنين وتتركه؟ ولا اتخلص من البيض واتركها مع الذكر الجديد فتره ولا اعمل ايه بالظبط؟ انا محتاره لأنها هي والذكر مولفين مع بعض وكان نفسي اني مفصلهمش عن بعض لكن صعبان عليا تبيض وترقد بدون فايده
وهو تعبت معاه مش عارفه له علاج
سؤالي الثاني بعد اذنكم
عصفورتي الام الاصليه كنت عزلتها عن الذكر لأنها بتتخانق معاه وقت الفقس وبتتسبب في موت الفراخ
حاليا هي في فتره راحه والذكر بتاعها مع انثى اخرى باضت لأول مره وهو بيساعدها في التأكيل ومولفين جدا مع بعض ومطلعين الوان حلوه ماشاء الله
المشكله انهم حيتجننوا على بعض وبيفضلوا شايفين بعض ويغردوا وعايزين يروحوا لبعض وانا عايزه اجيبلها ذكر شغال مختلف لأنهم مش بيطلعوا غير ازرق واخضر عاديين جربتهم 4 اعشاش طلعوا 5 ازرق عادي و3 اخضر عادي غير اللي ماتوا
هي خضرا تشبه للعاديه لكن جناحتها مش كلها اسود فيها قليل والذكر كان ابيض فيه لبني ورصاصي بسيط واسفه اني معرفش في تصنيفهم
ياترى اجيبلها ذكر لونه ايه يمكن يطلعوا الوان حلوه جديده؟ وللا ادخل لها الذكر لحد ما تبيض وترقد وبعدين ارجعه لوليفته الموجود معاها الان؟ (لاحظوا انه بيأكل معاها وهي اصلا رجلها معووجه وبيساعدها)
اشكركم مقدما

[kapos]

الذكر اللي بدون ريش امسحي جسمه بالبيتادين ( مكان الفاضي الذي لا يوجد به ريش ) و خلي بالك من عينه ...
و اعزلي الانثي اللي معاه و ارمي البيض وخليها لوحدها و اشتريلها ذكر جديد

بالنسبه للزوج الثاني طالما الذكر بيساعد الانثي الجديده اللي معاه و بيطلعوا ألوان كويسه سيبيهم مع بعض ...
و الانثي ( زوجته الاولي ) اشتريلها ذكر جديد ، و ياريت صور اكتر عشان نقدر نصنف الطيور + ابداء الرأي بالمناسب لها من حيث الانتاج

[basmagomaa]

بسم الله الرحمن الرحيم
الذكر عملت معاه كده كتييييييييير وبيطلع ريشه بصعوبه وبحطلهم كلهم على فترات القليل من الفيتامينات ويومين في الاسبوع جرجير او خس او خيار دول اللي مقبلين عليهم واكلهم عباره عن كيلو بلكم وكيلو دنيبه ونص كيلو فلارس وعظم المحار موجود معاهم دايما

ان شاء الله كمان يومين اشتريلها الذكر لما اسافر ولما ارجع اعمل زي ماقلت والانثى الام كمان حشتريلها واحد والصور النهارده ان شاء الله تكون موجوده
اشكرك شكرا جزيلا اخي الكريم على اهتمامك

[basmagomaa]

بسم الله الرحمن الرحيم

الصور

الاولى صوره الام الاصليه
https://www.pinterest.com/pin/453104412490592816/

الثانيه صوره الذكر الاصلي ( الانثى اللي معاه حاليا استرالي عادي ازرق وهي اصلا ابنته لكن انتجت بدون مشاكل الحمد لله )

https://www.pinterest.com/pin/453104412490592835/
الثالثه صوره الذكر اللي وقع ريشه .. هو استرالي عادي زي باقي اخواته ( عمره 8 شهور تقريبا )

https://www.pinterest.com/pin/453104412490592851/
ياريت تفيدوني بتصنيفهم