كيف اكسب ثقة كرواني

[امنية جاد]

السلام عليكم ورحمة اللة وبركاتة
انا عضوة جديدة معكم وطبعا احب ابدي اعجابي الشديد بالمنتدي
والروح الجميلة الي بين الاعضاء
ونفسي حد يفيدني في قصتي مع (بوجي) ودة اسم طائر الكوكتيل بتاعي
وقصتة عجيبة
انا عمري ما فكرت يبقي عندي طيور لكن من سنة ونصف تقريبا فية ناس وجدوا بوجي بيموت علي الرصيف الي قدام المكان الي بابا بيلف يراقب علي سير العمل فية وكان في حال يرثي لها لان الناس دي خدتة وحطتة في قفص صغير ومليان نمل ومكانش حد بينضف القفص ومكانش بياكل غير لب دوار الشمس ولان اصلا في الاماكن دي ممنوع يبقي فية طيور لان دي اماكن تابعة للحكومة بابا صادر بوجي من المكان الي ممنوع يتواجد فية وجابة الاستراحة تبعة الخاصة بالعمل وانا حبيتة اوي بس من كتر القسوة الي شافها يرتجف لما اي حد ييجي جنبة ,, المهم اني اخدتة وجبنلة قفص مناسب ونضيف وجبتلة اكل متنوع وبقيت اخلي بالي منة بس لغاية دلوقتي لسة بيترعش لما اجي اقرب منة ولما الباب يتفتح يخاف يقرب منة ويروح اخر القفص زي ما يكون خايف يخرج تاني وحتي النتاية الي جبتهالة من سنة كدة علمها تخاف زية وهي اصلا كانت مروضة لما جت , هو علي طول ساكت ومبيعملش حاجة ولا بيغرد بس بيحب النتاية جدا ,,
اعمل اية وازاي اخليهم يبقوا اصحابي وميخافوش مني؟؟؟؟

[moad17]

السلام عليكم
الكروان ستستمر مــع هـ هذه الحاله لاشهر
المطلوب منك ان تضع لهما البياضه
وتغير الاكل يوميا
وتتركهم في مكان هدى
وانشالله يهدى ويطمان لاكن سيستمر الخوف طويلا

[حروف قطيفية]

متخفيش ربنا يهدي سرهم وهو بوجي ده شكله محتاج حنيه اوي يعني ابئي أقعدي جنبه وحكيلوا حكايات واعملي له حركات وتصفيرات وبيتدي يتعلق بيك بس شكله عندي وخواف ربنا يعينك عليه

[امنية جاد]

المشاركة الأصلية كتبت بواسطة moad17

السلام عليكم
الكروان ستستمر مــع هـ هذه الحاله لاشهر
المطلوب منك ان تضع لهما البياضه
وتغير الاكل يوميا
وتتركهم في مكان هدى
وانشالله يهدى ويطمان لاكن سيستمر الخوف طويلا

بارك اللة فيك اخي الكريم
بس انا فعلا حاطة بياضة
لكن مشكلتي في ان الطيور بتبقي مرعوبة بمجرد حتي رؤيتي من بعيد وتبدا تدخل في الركن البعيد عن باب القفص ويترعشوا جامد ومش عارفة ازاي اوصلهم اني مش هاذيهم
وحاولت كتير جدا اسيبلهم باب القفص مفتوح مش راضيين يخرجوا ابدا

وشكرا جزيلا اخي لمروركم الكريم

[امنية جاد]

المشاركة الأصلية كتبت بواسطة حروف قطيفية

متخفيش ربنا يهدي سرهم وهو بوجي ده شكله محتاج حنيه اوي يعني ابئي أقعدي جنبه وحكيلوا حكايات واعملي له حركات وتصفيرات وبيتدي يتعلق بيك بس شكله عندي وخواف ربنا يعينك عليه

شكرا جزيلا لمرورك اختي حروف قطيفية
وانتي معاكي حق فعلا هو بوجي فعلا شاف قسوة كتير ومرض كمان بس الحمد للة قعدتة اسبوع عند حد محترف كان بيراعية لغاية لما خف والنتاية حنونة لاقسي حد وبتراعية وبتنضفة ودة السر في انها الحاجة الوحيدة الي متعلق بيها