أسعار مستلزمات الكلاب وأفضل نوع لحراسة الخيول

[Need not to know]

السلام عليكم ^^

أنا دحين أبغا أشتري كلب عشان الحراسة في إسطبل، وبابا مهو مقتنع كتير بالشغلة، فأبغا أعرف كل الفلوس بالزبط اللي حندفعها فيلو عشان أقنعو، أنا دحين عرفت إنو ممكن أشتري كلب مهو بيور بخمسمية أو ستمية ريال، لكن بقي أغراضو وأكلو وحاجاتو كلها قد إيش يجي سعرها؟ والأشياء اللي حنشتريها بشكل دوري زي الأكل من متى لمتى حأشتريها؟

وكمان إيش الأفضل أشتري جرو ولا كلب؟ وإيش الأرخص طبعا؟ وكمان إيش أفضل نوع لحراسة الإسطبلات والخيول، أنا قلت إمكن الجرمن شيبرد لأنو شغلتو راعي أصلا، صح؟

وبس، في أمان الله ^^

[zErOkA]

هلا
اول شي الكلاب من بلد لابلد تختلف في الاسعار وحسب النوع

وبتقدر تشتري كلب كبير مدرب بس بكون غالي طبعا متسطتيع ان تشتري جرو ودربه انت اخوي
وانا بنصحك في الجرمين ممتازة في الحراسه اذا كنت مبتدا في تربية الكلاب ونعم انه الراعي الماني
او الروت وايلر وهي كلاب ممتازة في الحراسه
والخيار يعود لك مشكوررررررررر

[*waleed*]

افضل كلب يكون راعي كويس كلاب " الكولى "

[Need not to know]

المشاركة الأصلية كتبت بواسطة R.R.R.R

هلا
اول شي الكلاب من بلد لابلد تختلف في الاسعار وحسب النوع

وبتقدر تشتري كلب كبير مدرب بس بكون غالي طبعا متسطتيع ان تشتري جرو ودربه انت اخوي
وانا بنصحك في الجرمين ممتازة في الحراسه اذا كنت مبتدا في تربية الكلاب ونعم انه الراعي الماني
او الروت وايلر وهي كلاب ممتازة في الحراسه
والخيار يعود لك مشكوررررررررر

طيب هل في مصدر ممكن أعرف منو الأسعار في السعودية؟ لأنو ما أعرف أماكن تبيع كلاب عشان أشوف السعر عندها، وما أبغا أحد يغشني في البيع لأني ما أعرف الأسعار.

إزن إن شاء الله حاشتري جرو، قيدو أنا نفسي أدرب كلاب، وأحب الجراء أكتر من الكبار.

الروت وايلر باين شكلو إنو جيد، لكن الجيرمن شكلو ألطف، وإحنا في الإسطبل بيجو أطفال كتير وناس فلازم يكون شكل الكلب لطيف عشان ما يخافوا منو

المشاركة الأصلية كتبت بواسطة *waleed*

افضل كلب يكون راعي كويس كلاب " الكولى "

شفت صور الكولي وشكلو تمام، إن شاء الله أقرا عنو أكتر عشان أقارن بينو وبين الجيرمن.

شكرا R.R.R.R، شكرا وليد ^^

--

الأسئلة اللي بقيت:

1. أغراضو وأكلو وحاجاتو كلها قد إيش يجي سعرها؟
2. والأشياء اللي حنشتريها بشكل دوري زي الأكل من متى لمتى حأشتريها؟
3. هل في مصدر ممكن أعرف منو الأسعار في السعودية؟

وإن شاء الله إزا بابا وافق حتجيكم أسئلة أكتر

في أمان الله ^^

[Need not to know]

توي قريت عن الكولي

الكلب الاسكتلندي كلب الغنم ومحبة وتقدير كبير للحيوانات الاليفة ؛ الشعر الطويل متنوعة هي أكثر شيوعا من الشعر القصير متنوعة.بصراحة كنت اتصفح بعض المجلات والمواقع ووجدت ان كلاب الكولي تحب المشي وخصوصا مع صاحبها والكولي فصيلة اجتماعي ويحب المسؤولية كمانه من الكلاب التي يسهل تدريبها.

كلب اجتماعي وشغلتو أصلا إنو يحرس الغنم وتدريبو سهل، طبعا أنا الكلب اللي أبغا لازم يكون إجتماعي لأنو زي ما قلتلكم الإسطبل الناس رايحين جيين فيلو، وفيلو أطفال وزي كدا، كمان شكلو مقبول ودي نقطة يتعادل فيها مع الجيرمن لأنو كلهم أشكالهم حلوة ومقبولة.

هل معنى دا الكلام إنو فحالتي حيفيدني الكولي أكتر من الجيرمن؟

[الـــــــرازم]

المشاركة الأصلية كتبت بواسطة Need not to know

الأسئلة اللي بقيت:

1. أغراضو وأكلو وحاجاتو كلها قد إيش يجي سعرها؟
2. والأشياء اللي حنشتريها بشكل دوري زي الأكل من متى لمتى حأشتريها؟
3. هل في مصدر ممكن أعرف منو الأسعار في السعودية؟

وإن شاء الله إزا بابا وافق حتجيكم أسئلة أكتر

في أمان الله ^^

(1) الأغراض تختلف اسعارها من محل الى محل وعلى حسب النوع

(2) والأشياء راح تشتريها لمن تخلص عنك

(3) والمصدر والاسعار تختلف من مكان الى مكان

(4) واذا وافق باباك نحن نتظر اسئلتك

(5) تحياتي والشباب عطوك كل المعلومات

[عمار عريف]

بدك كلب ما ينبح كتير عشان الخيول ما تروح تجفل

بدك كلب لطيف جدا على بيئته ولكن شرس على اللصوص فالخيل فعلا تنسرق

ارشح الروتوايلر

[samir*s]

احسن كلب في العالم هوا البتبول