ابشركم .. لوسي ولدت ولله الحمد

[فيليكس]

المشاركة الأصلية كتبت بواسطة حلوة وغنوجة

اهنيك على شجاعتك مع قطتك انا قطوتي حامل وبصراحة انا خايفة كثير وما اعرف كيف اتصرف لويحصل اي شئ يستدعي التدخل يعني مثل شق الكيس او قطع الحبل اوحتى سحب المولود وبصراحة ما ادري كيف حتكون الحوسة لما تولد سمعت انه راح يطلع منها دم كثير واولادها يبقوا فترة يوسخوا في مكانهم وما يعرفو ا يروحوا لصندوق الرمل ...ممكن تفيديني حول هذا الموضوع لو سمحتي واكون لك من الشاكرين ..

حياك الله اختي حلوه وغنوجه
وتسلمين على كلامك الطيب
بالنسبة لتساؤلك
باتكلم لك عن تجربتي وانتي قيسي على نفسك
بالنسبة لشق الكيس تراها سهله
اول ماينولد البيبي وشفت امه ماجته خلال 5-10 ثواني كان معي عود اسنان وشقيت الكيس من جهة الراس (المنطقه الفاضيه تحت الحنك)
واحد الولادات شفت رجوله طلعت بالاول .. على طووول تدخلت اول ماطلع (كامل رجوله) وسحبته براحة ايدي (موب باصابعي عشان ماتتكسر رجوله .. طبعا لازم اكون حازم شوي عشان مايزلق بسبب السوائل على جسده)
وقطتي زيها زي بقية القطط .. بعضها يطلع صوت وبعضها بهدوء .. انا كنت اشيك عليها كل ساعه يوم كملت 62 يوم وشفتها قلقانه كثير
وصدفه اكتشفت الولادة لانها كانت بصندوق الرمل .. لانها اول مره تولد حسبت نفسها تتبرز
طبعا انا كنت مشتري قفص كبير عشان تقدر تتحرك ويكون المكان واسع لصندوق الرمل والمويه والاكل
وحطيته تحت الصندوق فرش سميك عشان ماتجيهم البروده وجبت دفايه ريش وخليت الحراره على النص عشان مايحترون كثير ومايبردون كثير
وفي ارضية القفص جبت فرش عادي مايمتص السوائل بسهوله
وفوقه فوطتين
طبعا انا دخلها بالقفص قبل الولادة باسبوع عشان تتعود عليه ويروح الزعل اللي يكون اول 4 ايام
فايدة القفص انك ماتقلقين على العيال انهم يروحون لاماكن غلط .. الشي الثاني تكون دايم عندهم .. الشي الاخير بيشوفون امهم وهي توصخ بصندوق الرمل ويتعودون غصب

واي مساعدة انا حاظر