طيري ( أليف ) ارئكم

[د. إحتـراف]

وعليكم السلام اهلين فيك بين اخوانك وساعه مباركه لما ارد عليك في موضوعك

اسال الله ان يوفقني في اجابتك اجابه وافيه ومفيده وصحيحه
بسم الله نبدأ :

1- لما يشوف المرايا يتسنتر عندها 24 ساعه و إذ ابعدته عن المرايا يقعد يصارخ .

شي طبيعي جدا واذا تبغا يتكلم اكثر خله عندها, اخي العزيز فيه طيور تجيهم حاله نفسيه يكون مثل الاطرم ونحطه عند مرايه ويرجع يتكلم لانه يحسب انه في طير ثاني معه وهو يشوف نفسه

2- يحب تقطيع الأسلاك و الله خايف تشفطه الكهرباء و يروح علي

انتبه لا يروح عليك في سلك 220

شي طبيعي وغير مستغرب لان ببغاء الكوكاتو يحب اللعب في كل الاحوال واذا كان يحب اللعب في الاسلاك ليش ماتحط له اسلاك تربطها له في القفص او في المكان اللي يجلس فيه كذا احسن

3- ما يحب القفص و ما يتحمل الجلوس فيه دقبقه وحد .. ما يدخل إلا اخر الليل وقت النوم فقط

شي طبيعي لانه ماتعود على القفص لاكن اذا طيرك يتكلم ما اشوف انه يحتاج لقفص خلاص خله على استاند , واذا تبغاه يتكلم اكثر خله في القفص واذا نطقها بشكل سيلم طلعه من القفص

4- عادة الحك .. يجي عند اي احد و يرخي له راسه كأنه يقول حكلي راسي

ايضا شي طبيعي انه يسوي الحركه هذي الببغاوات عموماً تحب انه يكون عندهم احد يحك روسهم
تعال شوي طيري صدام هبل فيني كل مايشوفني يقولي { راسي راسي } يعني حك لي راسي
لا تخاف هذا شي طبيعي

5- الخوف من الخدامه .. مايطيقها خير شر و كل ما يشوفها يصرخ و يطلع اصوات توحي إنه مفزوع منها.. ما ادري يمكن هي تأذيه في غيابي .. راقبتها كثير لكن ما تسوي له شي حالها حال نفسها و مسكينه

والله ماتدري يمكن انه يخاف منها لموقف صار منها يعني شي بالغلط صار منها مثلا كانت تمشي وبغت تطيح عليه او يمكن انها هوبت عليه بشي وصار يخاف منها لاكن انت اذا شفته يسوي كذا يعني اذا انفزع منها تاخذه في حضنك وتمسح على راسه وانت تقول بصوت وهادي { ليش تخاف }
اهو يفهم عليك وبيعرف مع الوقت انه مافي شي يستحق الخوف
وفي الاخير انبهك من القط انتبه لا ياكله او يسوي فيه شي ابعده عنه بقدر المستطاع

اسال الله ان اكون قد وفقت في اجابتك اجابه وافيه
اسال الله لك التوفيق

تقبل مروري