اعاني من مشكله؟؟

[راعي الببغاء]

السلام عليكم

كيف حالكم

السالفه اني اشتريت قبل شهرين ببغاء افريقي وعمره تقريبا سنتين ونص

بس المشكله انه مو راضي يترك الاجعار اذا قربت منه وذا الايام اشوف في انتفاخ

في وجهه وخاصه منطقة العين مادري وش السبب

س/اذا وديته لمروض او شخص يستطيع تروضيه وبعد فتره من التروض وبعد فتره اخذه عندي هل راح يختلف اوراح يرجع مثل ماكان

[Mr. MeMo]

اخوي

انا افضل انك تروضه بنفسك بس تحتاج طوله بال و نفس طوييييييييل:
1- اذا جعر لا تبتعد خلك جنبه ولا طالع فيه الي ان يطفش هو مو انت
2- جوعه لمده اربع ساعات و بعدين حاول انك تعطيه مثلا فول سوداني من يدك

هذا الكلام ما راح ينجح الا اذا كان عندك طوله بال وبياخذ وقت مو من اول مره
و حاول انك تجلس معاه اكبر فتره ممكنه عشان يتعود عليك
دايم تكلم معاه بحنيه و خله يحس انك تحبه

بخصوص المرض انا افضل انك توديه البيطري في اسرع وقت

والله يوفقك

[العابر]

انشاءالله افادك مستر ميمو
واضن انه كبير واجد علشان كذا دايم يصاااارخ

[FAWAZ]

اتمنى لك ولطيرك التوفيق ... وعتمد على نفسك بتدريبه,,,,

وشكرا,,,

[راعي الببغاء]

مشكورين الف شكر لكم


بس من جد انا مو وسيع بال عشان كذا اخاف تصير بشكل سلبي عليه




بس ان شالله بشوف لي حل للترويض


بالنسبة للمرض الحمدلله صار شي بسيط من اختلف الجو وان شالله الان هو في حال طيبه

[alij]

السلام عليكم
يمكن الرد يكون متاخر لاكني توني مشترك واتمنا اني اشارك بالي يفيد الجميع
..................
اذا كان الببغاء يجعر وصعب ترويضه فهناك طريقه سهله واجد
تدرون ان الطيور والحيونات همها الاكل في كل الاحوال مثل ما تفضلو الاخوان جوع الطير وحسسه بالحاجه لك دائما" عطه الاكل بيدك اذا قدرت ، واذا تخاف منه حاول انك تحط الاكل له بس بكميات قليلة وهاذا من الضروري انك تسوي هالشي بنفسك
وبنسبه انه يجعر فهاذا شي طبيعي
تدري الببغاء فضولي حاول انك تسوي اشياء بجنبه وحاول انك ما تطالعه ولا تجي عينك بيعينه لان معضم الطيور تتخاطب بالعيون اعمل اي شي مثل انك تلعب بورق او تعرك اي شي وبتشوف الببغاء يهتم بالحاجات الي تحركها بس لو طالعته بتشوفه يجعر لانه بيخاف من نظرات عيونك
بس لو تفاديت انك تطالعه هو بيركز على الحاجات الي تحركها بيده
يومين بس وبعدها حاول تقرب منه اكثر الين تعطيه هالحاجات يمكن في اول ثلاث مرات بيرفضها بس بعدها بياخذها وبتشوفه يحاول يكتشفها
بعدها بينتضر منك حاجه جديده وبيركز علي التواصل معك وحاول تقرب منه في كل مره
............. من الضروري اخوي انك تخليه بره القفص وانت تعمله هالحاجه
عشان يحس بامان اكثر
اسف طولتها عليكم
ولو ان الي ابي اقوله يحتاج توضيح اكثر بس اعتبروها مشاركه مبدايه
ولو بغيتو التوضيح اكثر اتمنا اشوف منكم رد
تحيات اخوكم

[Mr. MeMo]

اخوي alij

تري الكل يستفيد من الثاني في المنتدي الحلو هذا
خذ راحتك و عطنا المزيد و بكل راحه انا منتظر ردك بسرعه

[راعي الببغاء]

الله يعطيك الف عافيه وماقصرت


ومثل ماقال اخوي الكل يبي يتسفيد

[تاكو]

ميمو كلامك جيد فقط الإنتباه الى فترة التجويع
قد تكون اقل من 4ساعات حسب صحة الطير
وشكرا للجميع على مشاركاتهم الفعالة

[alij]

سلام شباب اتمنا تكونو بخير
انا اضفت مشاركتي لان هوايتي تربيت الببغات من الصغر
وتوني من اسبوعين شاري ببغاء جديده وشر والان تغيرت تغير كلي
ما باقي الا ادربها ترقا على اليد
وبكتب لكم الخطوات اول باول في طريقت التدريب
مع الصور بس ابي اتعلم قبل كيف اضيف الصور وابشرو بالي يرضيكم
وباركولي تو مفرخين عندي جوز جديد
وبخبركم بطريقه سهله عن طريقت التفريخ وبالصور طبعا
انتضروني مع جزيل الشكر