الجرو بتاعى بيعمل بى بى فى اى حته الحقونى

[احمد1980]

انا مشكلتى كبيرة أوى والله العظيم
انا جبت جرو روت فيلر 60 يوم نتايه ذكيه ولعبيه تعرفنى بقالها فى البيت عندى اسبوع
بس اللى هيجننى انى مش عارف اتحكم فى التوسيخ بتاعها
انا قرأت مواضيع كتير جدا عن الموضوع ده فى منتداكم الموقر وحاولت اطبقها بس بتفشل
انا جربت كل شيئ إلا الضرب بليت جرنال من بولها ووضعته فى الحمام (المكان اللى عاوزها تعمل فيه)عشان تبقى تعمل عليه
فشلت هذه التجربه طبعا

نظمت الاكل بمواعيد ثابته قدر المستطاع وبعد كل وجبه اخدها وندخل الحمام ونقعد جوه اكثر من ساعة ولاحياة لمن تنادى إلا انى بعد الساعة دى لو سبتها وخرجت دقيقه واحدة بس ارجع الاقيها عملت فى اى حتة وبهدلت الدنيا والمصيبه انها ساعات كتير بتدوس فى التوسيخ بتعها ودى طبعا كارثه مش هقدر اوصفهالكم انا كمان فكرت انى احبسها فى الحمام بعد كل وجبه وعملت كدة فعلا بقيت اقعد معاها بعد الاكل لمدة 30 دقيقة ولما متعملش اسبها واخرج من الحمام واقفل الباب تقعد تعمل صوت عواء وبس هى دقيقه وادخل عليها القيها عملت فى نص الحمام
المصيبه بقى هى انها مش بتردى تعمل حمام ادامى خاااااااااااااااااااااااااااالص ومش بتعمل الا من وراية وبتاخد بالها لما بكون براقبها
انا بصارح هتجنن ومراتى مبقتش مستحملانى ولا مستحملاها فى البيت
ارجو الافادة
ارجو الاهتمام بالموضوع