استفسار في الكاسكو

[صقر الكاسكو]

انا شاري ببغاء كاسكو من شهرين وعمره سنه ونص وانا مطلعه من القفص ابي اروضه طلع ولا دخل لوسمحتم تعلموني وشلون ارجعه للقفص

[ام ماجد]

خليه على راحته بعدين شيله بالفوطه ودخله وقول لك كلمه (ادخل) علشان يربطها بالدخول
اكيد بيجعر بس لما يعرف انك كل يوم بتطلعه وبتدخله
كل يوم عن يوم يخف الجعير ثم الهروب ثم يدخل من نفسه ^^

[صقر الكاسكو]

بس انا اخاف اشيله فهمتي

[ام ماجد]

لا اخوي عادي مايقدر يعضك لما تحط الفوطه وتمسكه من وره من فوق جناحاته طبعا يعني بعيد عن وجهه مايقدر يعض
تكلم معاه شاطر حبيبي وبيسكت

والا خليه لين يظلم الوقت ويخاف ويرجع القفص وبعد علشان يآكل لا تطلع الاكل له وبيرجع للاكل

بس هذي الطريقه متعبه لأنه اذا تعلم وتعود على المكان ماراح يرجع بيقعد على القفص برا

[صقر الكاسكو]

بس اخاف يموووت من الجووووع .

[ام ماجد]

لا مايموت حط القفص عنده بنفس المكان وخليه يشوفك وانت تحط الاكل بالقفص
بيرجع غصب

[ام ماجد]

والا حط لعبه له داخل مشبك ملابس والا اكل مفضل بيشوفه ويدخل ان شاء الله

[الكاكي]

فك الجهه العلويه للقفص وخذها وقربه له راح يطلع عليها وشيلها وجيبها عند القفص وميلها الى الداخل راح يتمسك ويطلع على القفص وجيب الغطا الي فكيته وحطه من فوقه بهدوء راح يدخل القفص وركبها بالقفص

[محروح السنين]

الاخوان ماقصرو

وخذ طريقتي اسهل حاول تنزل الطير من القفص خليه يمشي على الارض وجيب القفص عنده وجه فتحة الباب له وهو بيدخل

[وليد كاسكو]

كما ذكر لك الاخ كاكي هذه افضل طريقه اما المسك في المنشفه راح يخاف الطير وراح يجعر وعندما تريد ان تروضه راح يخاف منك بالتوفيق