ببغاوات

[monybat]

نصيحه خليك على الامازوني
مشاكل الكاسكو كثيره وهذه نصيحتي رغم ان الاخوان ممكن يضيقون مني
ولكي تحسي انك امتلكتي امازوني خليكي على الدرجات الاربع منه

متحدثون جيدون مظهر جميل

[ٌابوعمر]

انصحك وبوقه بلو فرنتد ذكاء + جمال الشكل + قدراه كلاميه جباره + يحب صاحبه بجنون + سعر معقول من 3000 الي 4000 + ماعنده التعقيد ونتف الريش وهل خرابيط + سلبياته بعض الايام يستلج ويصير مزعج بس حبوب مررررررره انصحك فيه وبيقوه

سلبيات الكوكاتو الصراخ الوحشيه مع غير صاحبه تنتيف الريش لو يغيب صاحبه ثلاث ايام بيجي يلقى الطير ناتف نص ريشه
اجابيات الكوكاتو طير حبوب يتعلق بصاحبه مو بس لحد الجنون لحد الموت بهلواني يحب اللعب

المكاو سلبياته مزعج كبيييييييييييييييييييييييير الحجم عضاته قويه واكثر من قويه كمان صراخه حدث ولا حرج ابد بس روح اي محل فيه مكاو واستعد للازعاااااااااااااااااااااااااااااااااااااااج ماتقدر تقعد 10 دقايق انا وراسك منتفخ من كثر الصراخ الي سمتعه وبرضو يتعلق بصاحبه بقوه وينتف ريشه لو يغيب كم يوم

اجابياته مثل الكوكاتو بكل شي


الكاسكو سلبياته الحذر الزايد العناد بترويض ونتف الريش

الاجابيات افضل متحدث على وجه الارض بعد الانسان مرح حبوب مافيه كلام اقوله عنه لانه غني عن التعريف بيت مافيه افريقي مافيه روح حلوه


الامزونيات السلبيات شكلهم ماهو حلو مثل الكوكاتو والمكاو ولاكن افضل من الفريقي البعض مزعج ولاكن لا يصل ولا ربع المكاو والكوكاتو


الاجابيات يتكلم جمل طويله تصل الي 25 كلمه متتاليه {جمله} تتكلم قدام الجميع ولا يهمها اي شي

[without heart]

رجاء لاتظلمون الكوكاتو من اروع الطيور بصراحه الامزونيات ممله كالافريقي نوعا ما والمكاو مبالغ فيه ومزعج
وبنسبه لازعاج الكوكاتو قلت لكم بامكانكم تستخدمو معه نفس الطريقه الي سويتها مع كوكا وان شالله تنجح
واشوف انه اجمل وامتع طائر بصراحه ولك حرية الاختيار اختي .

[without heart]

المشاركة الأصلية كتبت بواسطة روهلات المعالي

السلام عليكم ورحمة الله وبركاته..

نصيحة إذا عقدتي العزم على شراء ببغاء إماالكاسكو أو الأمازون

وابتعدي عن الكوكاتو غلطة عمري شريته البيت والجيرآن تضايقون منه

الي بالبيت وراهم 24 ساعة والجيرآن إزعاج صوته غير أكل الأثاث والأسلاك يمشي ويآكل ولايحس
وإذا تعلق فيك صار مثل ولدك الي خلفتيه والله الآن أكلمك وهو عندي لاصق فيني 24 ساعة وياويل الي يدخل الغرفة يجلس يطارده لما يخرج منها ويرجع مثل الي انتصر في المعركة عيشني بعزلة
وإن ماحد عنده يصيح بأقوى ماعطاه ربي

لكن حرام حبوب ودلوع يعني شيء يوفي عن شيء

الحمدلله ..
أما الكاسكو هداية الله .. وفوق هذا أدب وأخلاق وكلام بوضوح

الأسعار مثل ماذكر راعي الكوكاتو صاحب أول رد ماعدى الأمازون فإن سعره لايبدأ ب1500 إنما 2500إلى مافوق

ومثل ماذكر على حسب الولافة والتحجيل والصحة والمميزات تكون الأسعار

توكلي على الله وخذي لك إما فرخ كاسكو أو أمازون

ماوافق الرأي كل الببغاوات ان تركت وحدها تاكل الاثاث وبعدين كوكا لو تبغي مقطع اصور لك احط الجوال قدامه لو يقرب له اقوله لا يبعد عنه على حسب تدريبك له

وملحة الطير يوم يميزك عن غيرك بصراحه ان محد له الحريه معه غيرك تخيلي لو كل واحد شاله ولعب عليه يصير مثل الدجاجه مافيه اي تميز

ومن ناحية التعلق كل حيوان ذكي وقابل لتدريب بيتعلق بصاحبه وهالشيئ معروف من قبل وماهو جديد

ومن ناحية الصراخ يمكن طير عن طير يفرق اول ماجبت كوكا سمعت صرخته القويه كانت اول يوم بصراحه ترجف القلب لكن بعدها ماسمعتها يزعق زعيق عادي وليس مزعج بحيث ان اخوياي بالغرفه الي بجانبي وعادي ويوم اطلع واشغل المكيف مع زعيقه يصبح ضعيف وليس ملفت واذا قلت له لاتصرخ يسكت هالشي يرجع لطبيعة الطير وتدريبه انتي اربع سنوات تاركته فالها وماعلمتيه اوامر وصار مايخاف منك يعني يمون ويدري انك ماتعاقبيه انا من اول اسبوع وريته نجوم الليل والحين ماشالله وش زينه

[ٌابوعمر]

^^
اخوي شكلك ماجربت الامزونيات وحتى الكوكاتو بنزهق منه شهر شهرين ثلاثه وبتطلع روحك انت توك جديد على الكوكاتو بس شوي وبتحس انه قلق

[without heart]

المشاركة الأصلية كتبت بواسطة ٌابوعمر

^^
اخوي شكلك ماجربت الامزونيات وحتى الكوكاتو بنزهق منه شهر شهرين ثلاثه وبتطلع روحك انت توك جديد على الكوكاتو بس شوي وبتحس انه قلق

حبيب قلبي قلبي ابو عمر اقتنيت الامزوني ممل جدا واجد الافريقي املح منه بكثير
وكان عندي كوكاتو قالا قبل 6 او سبع شهور وكانت مزعجه جدا اكثر من القريتر مع العلم ان صوت القريتر اقوى بكثير لكن ولله الحمد انه يستجيب لي في كلمة لا اذا بدأ بتخريب امر ما وكلمة لاتصرخ اذا بدأ الزعيق وهذي اهم امرين

[ٌابوعمر]

وش كان عندك اي نوع من الامزونيات ؟ والكوكاتو جالا عن تجربه اكثر من طير اهدا حتى من الامزونيات هادي جدا وكلامه حلو تحس بنت صغيره بوسط قفص

[روهلات المعالي]

المشاركة الأصلية كتبت بواسطة without heart

ماوافق الرأي كل الببغاوات ان تركت وحدها تاكل الاثاث وبعدين كوكا لو تبغي مقطع اصور لك احط الجوال قدامه لو يقرب له اقوله لا يبعد عنه على حسب تدريبك له

وملحة الطير يوم يميزك عن غيرك بصراحه ان محد له الحريه معه غيرك تخيلي لو كل واحد شاله ولعب عليه يصير مثل الدجاجه مافيه اي تميز

ومن ناحية التعلق كل حيوان ذكي وقابل لتدريب بيتعلق بصاحبه وهالشيئ معروف من قبل وماهو جديد

ومن ناحية الصراخ يمكن طير عن طير يفرق اول ماجبت كوكا سمعت صرخته القويه كانت اول يوم بصراحه ترجف القلب لكن بعدها ماسمعتها يزعق زعيق عادي وليس مزعج بحيث ان اخوياي بالغرفه الي بجانبي وعادي ويوم اطلع واشغل المكيف مع زعيقه يصبح ضعيف وليس ملفت واذا قلت له لاتصرخ يسكت هالشي يرجع لطبيعة الطير وتدريبه انتي اربع سنوات تاركته فالها وماعلمتيه اوامر وصار مايخاف منك يعني يمون ويدري انك ماتعاقبيه انا من اول اسبوع وريته نجوم الليل والحين ماشالله وش زينه

ومن قال لك إني لما اقول له لاأو إسكت ماينفذ

المشكلة مو بهذي يعني لازم 24 ساعة أقول بس لا .. في كل شيء

لما أكون معه أنهاه ويسمع لكن وش الدبره لما يكون مع أخواني وخواتي وأساسًا ماأقدر أخليه كذا برى القفص إلا إن كنت موجودة

مو مثل الكاسكو مايخرب ومؤدب والله ثم والله ماعمره خرب أثاث أولعب بشيء إلا إن عطيته بنفسه

مو مثل الكوكاتو أي شيء أمامه يلعن أبو خيره إن قلنا كنب طلع الحشوة إلي فيها إن قلنا طاولات كسر خشبها حتى الفرشات واللحاف وخلافه

قليل من العدل .. وليس لإنك تحب هذه النوعية أصبح بدون سلبيات .. لا والله يوجد سلبيات ودمار


بالنسبة لصاحبة الموضوع نصيحة لوجه الله

خليك مع الكاسكو .. والأمازون

اقلها مافيه جنان مثل الكوكاتو

[ٌابوعمر]

^^

كلامك عين العقل

[without heart]

احترم وجهة نظركم لكن ماني ملزم فيها ^^^ والجالا بصراحه ماشفت اهبل منها بس تصرخ وترقص والامزوني اورنج وينق غبي والدبل يلو هيد مبالغ بسعره ولو كان عبقري