عندي مشكلة صغيرووونه can you help me?

[انا و سمسم]

اختي فيه مواضيع ياااكثرها بتساعدك بس بحاول اعطيك رؤوس اقلام للحلول

1.انها في بعض الاحيان ماتضع وساعات تعض

هذي اختي بسبب انها ما وثقت فيك لسه او انتي كان مزاجك مختلف في اوقات اللي عضتك
عن الاوقات الثانيه

2.ولما ابي احط لها الماي والاكل على طول تهجم على يدي اجوفها واقول في نفسي هاذي هبله

تهجم على يدك يعني تبي تعضك ولا وش؟؟
اذا كانت تبي تعضك واضح السبب انها ما وثقت فيك لسه وانك ما حسستيها بالامان وحلها الترويض


3.ابي احسسها اني ما ابي اسوي فيها شي بس احط الماي والاكل وبس

نفس الجواب اللي فوق هذي حلها ترويض الببغاء ومع الوقت "بعد الترويض" بتثق فيك وتحبك مووووت


4.في بعض الاحيان تكون طيبة معاي وبعدين يافرحه ماتمت تصير مجنونه وتعضني !

نفس جواب س 1



5.يعني هي مجنونه؟ولا هذي طبيعه جميع الكوكتيل,لان اول مرة ربيت كوكتيل كانت انثى اطيب
منها ماجفت ولا مرة عضتني وتموت علي وانا الهبله وديتها

اختي لا هذي مو طبيعه الكوكاتيل هذي طبيعه الببغاوات اللي مو مترووضه صح
و كمان كل ببغاء له شخصيه مختلفه ما تقدرين تحمكين على الفصيله بالكاامل
يعني ممكن الاولى اللي كانت عندك محد اذاها من البشر ولا صارتلها اي مواقف
فعشان كذا اتروضت بسهووله اما هذي ممكن صادوها بطريقه همجيه او ممكن احد
ضربها او او او
فكل طير يختلف



6.احين احاول ابي تهد اسلوب العض لانها تمت تقريبا سنه او ستنين وللحين بقرة

اختي حل المشكله بمواجهتها يعني

1.اذا عضتك ما تكون لك ردة فعل وهذي صعبه شوي يعني اذا عضتك ما تقولين اححح
اوتش او اي شي ثاني وماااا توخرين يددددك بسرعه اذا وخرتي بتعرف انه العض هو الحل
الوححييد وبتستمر بهذي العاده
2.اذا جت تعضك واجهيها باصبعك واذا عضتك لا توخرين يدك حسسيها انه العض
ماراح يفيدها وطبعا لازم تكون عندك قوووه تحمل لهذي او انك توخرينها بشويش
وترجعين تخلينها تعضك وتوخرين بشويش ليين تمل من العض
3.حاولي دااائما تبطئين حركتك عند الببغاء عشان يقدر يتنبأ وش بتسوين وكذا بيثق
فيك اكثر وبيوقف عن العض
وطبعا كلل هذي الاشياء حاولي تسوينها برا القفص لانه القفص
منطقتها سويها على استاند واذا امكن في غرفه ثاانيه فاضيه مافيها
احد ولا فيها شي يعني ممكن الحمام يصلح
وان شاء الله كلها يومين وبالكثير تتروض

Hope I helped