استفسار

[رعوود]

اختي عاشقة الطيور

اهلين فيك بالقسم ^.^

بالنسبة للتربية القفص تحطيه بالمكان الي يناسبك

دارج \ الصالون ... الخ

لكن يكون بعيد عن مصادر المياه [ الحمام - الله يكرمك - ]

وعن التيارات الهوائية [ المكيفات والشبابك ] ما يكون مباشره امامها

صندوق الفضلات يكون داخل زاوية بالقفص

وحتى لو ما وضعتيه راح تحصلي الارنب من نفسه يخصص زاوية بالقفص لقضاء الحاجه

بالنسبة للرائحة طبيعي له رائحة

لكن مع الاهتمام بنظافته ونظافة القفص

وممكن ايضا تستخدمي المعطرات الخاصه بالنشارة الي تباع بالمحلات هذي ما تكون مضره عالارنب

راح تقلل الروائح وتلطفها

بالنسبة للامراض في كم مرض ممكن ينقلها للانسان

لكن دام انتي راح تهتمي بالنظافة وبصحة الارنب

باذن الله ما راح يصيبكم شي

وايضا ممكن تعطينه اللقاحات الدورية عند البيطري

بالنسبة للتزاوج فالارانب مو مثل القطط تطلب التزاوج وتطلع اصوات

ويفضل انك تاخذين انثى لان الذكور ممكن ترش بول او تعلم الاثاث والقفص بالغدة خاصتها حتى لو مافي اناث

حتى تحدد المنطقة تبعها وتمنع الارانب الاخرى من الدخول لها وتحذرهم

وبالتوفيق