اشترك في نشرتنا البريدية ليصلك كل جديد

عزيز وغالي · 12-09-2015, 01:16 AM

صور روعه

**ProOoF** · 13-09-2015, 01:45 PM

اقتباس:

المشاركة الأصلية كتبت بواسطة الـــــــرازم

ماشاء الله تبارك الله والفائده

تعم على الجميع

ماقصرت ابوفجر

والجميع بالمشاركات الرائعة

الموضوع مفيد بتواجدكم وأسألتكم وإجابات المحترفين

ويوم عن يوم نتعلم ونستفيد - والمشرف العام رهيب بردوده ماقصر

تحياتي ومتابع للأستفادة

هلا بالغالي و أخوي ابو خليفه

بأذن الله تصل الفائده و المعلومه لكل باحث عنها يارب

نورت يا مستشارنا الغالي

**ProOoF** · 13-09-2015, 01:53 PM

اقتباس:

المشاركة الأصلية كتبت بواسطة الشرقي999

السلام عليكم ورحمة الله وبركاته

سوال او استفسار ياخوي بالنسبه لانتاج الافريقي اي افضل وضعه اقفاص الانتاج بغرفه خاصه ومكييفه او عادي وضع اقفاصهم في سطح مظلل ولا يدخله اي شخص واذا كان لازمالغرفه والتكييف كم درجة وضع المكييف وكيف يتم تتوقيت التايمر وهل من الضروري هالرطوبه وكيف ممكن اوفر هالرطوبه طبعا انا بالشرقيه اتمنى الافاده لاهنت

والسلام عليكم ورحمة الله وبركاته

عليكم السلام ورحمه الله وبركاته

الأفضل بغرفه مكيفه حتى تطمئن عليها من حر الصيف و درجه الحراره مابين 22-27 تعتبر ممتازه

لكن للعلم اذا رغبت مثلا بالسطح و مظلل ف عندكم كذا منتج بالشرقيه متخذ هالنهج ولا بأس فيه

لكن يحتاج متابعه و ترتيب كبير من مختص لاختيار المكان و التجهيز

و طبعا الانتاج بيكون موسمي من الان الى نهايه الشتاء غالباً - وفقك ربي

اقتباس:

المشاركة الأصلية كتبت بواسطة salman-turdi

السلام عليكم اخوي بروف
أنا شريت جوزين
1- كوكاتو تراتيون
2- اكلاكتكس
وشريت قفص دورين مقاس القفص الواحد
96*80*120 سم
واشتريت جهاز قياس الحرارة والرطوبة للغرفة
وركبت عدد 2 اعشاش L
وحطيت القفص في غرفة في السطح يوجد بها مكيف سبيلت
وهذي صور الغرفة والقفص

عليكم السلام ورحمه الله وبركاته

ماشاء الله بالبركه الزوجين يارب و اسأل الله ان يكرمك منها كل خير

القفص لابأس فيه وكل عملك ممتاز لكن بنبهك عن كم نقطه حتى تحطها بالحسبان

راح تكون الاوساخ بشكل كبير ع الاثاث خصوصا من الكوكاتو و البودره الي تفرز منه

و بقيه الامور من تعب بالنظافه .. الخ

باقي امر مهم لابد ابعاد الصندوق عن الشمس المباشره حتى اذا بيض الزوج ماتكون الحراره

شديده عليه يعني لو تبعده نصف متر عن الشباك بيكون ممتاز

هذي ملاحظاتي فقط - ربي يوفقك ويكرمك

الشرقي999 · 14-09-2015, 08:42 AM

يعطيك الف عافيه على سرعة الرد وبيض الله وجهك بس اذا ممكن استفسار اخر لو خليتهم بالغرفه كيف وضع المكييف هل اضعه على درجة معينه وخليه على طول شغال والا اخليه على تايمر التايمر موجود بس اذا كان لابد من التايمر كيف يتم توقيته كل كم يشتغل ويطفي او كم الدرجه اذا على طول شغال مع العلم ان الغرفه يوجد فيها شباك شرقي يعني شمس الصباح تجيها امل ابداء رايك ولك تحياتي

**ProOoF** · 15-09-2015, 08:33 PM

اقتباس:

المشاركة الأصلية كتبت بواسطة الشرقي999

يعطيك الف عافيه على سرعة الرد وبيض الله وجهك بس اذا ممكن استفسار اخر لو خليتهم بالغرفه كيف وضع المكييف هل اضعه على درجة معينه وخليه على طول شغال والا اخليه على تايمر التايمر موجود بس اذا كان لابد من التايمر كيف يتم توقيته كل كم يشتغل ويطفي او كم الدرجه اذا على طول شغال مع العلم ان الغرفه يوجد فيها شباك شرقي يعني شمس الصباح تجيها امل ابداء رايك ولك تحياتي

وضعيه الشباك طيبه
وضع التكييف مثل ماتحب اذا ع طول او بتايمر { من الساعه و قطعها المرفقه يشتغل ويطفي لوحده }
لكن افضل المكيف يريح كل فتره مثل يريح ساعه الصبح بدري و المساء نفس الشي هالفترتين الحراره تكون بسيطه
لضبط الحراره اشتري مقياس درجه الحراره و حطه بالغرفه و تقدر توزن وقتها الاهم النسبه المذكوره سابقاً
لكن الاهم تنظيف الفلتر بشكل دوري. خصوصاً للأفريقي حتى لاتجهد المكيف
و الباقي بتوفيق الله عز وجل - العفو ياخوي وبالخدمه ربي يوفقك

photographer · 16-09-2015, 10:28 AM

بطاقة تعريفية حتى لايختلط عليك موضوع الزوجين :
الزوج الاول " اللي تم الاعتداء على ذكره من قبل وارفقت صور نزيفه من قبل الذكر بالزوج الثاني وتم علاجه وابعاد الاقفاص وانتقالهم الى اقفاص اخرى ومايشوفوا بعض "
الزوج الثاني " اللي هم متوالفين مع بعض واللي غالبا ما اكتب عنهم تحديثات "

لقيت بقع الدم هذي باعلى او وسط قفص الزوج الأول بشكل مفاجئ ولا لقيته باماكن اخرى لا بالقفص ولا اثار على الطيور .. وكمان يوم من الايام وضعت اكل للزوجين ووجدت الزوج الثاني في اليوم التالي قد انهى صحنه بالكامل والزوج الاول كلا الطيرين بالبياضه وخفت صراحه لانه صحنهم مليان وما انلمس منه شي وزاد خوفي البقعه اللي بالقفص . ولكن حاولت افتح البياضه وازعجهم شوي حتى اتاكد انهم سليمين وخرجوا من البياضة بشكل طبيعي ورجعوا لصراخهم والغريب ان البياضه فاضية بدون بيض مو عارفه ليش حابسين نفسهم وباليوم الثالث لقيت صحنهم فاضي والى اليوم الحمدلله مستمرين بالاكل طبيعي زي قبل ..
وهذا الزوج له حركات غريبه من قبل فبعض الاحيان القاه يرمي صحنه قبل ينهيه بالكامل يعني ياكل ويرميه فالبداية توقعت هذا طبعه او يلعب او ما اعرف ايش بعدها حللت امكن لوجود السوس اللي ذكرت مشكلته سابقا كان ينزعج منهم ؟؟ الان لاقدر الله لو صادف واكلهم ممكن ياذوه ؟؟؟
والان الحمدلله نسبيا الاكل نظيف وانظف من اول بكثير بس مازال يتجول بالغرفة السوس رغم حرصي الزايد في النظافة والحمدلله قل العدد بس مازال موجود واخاف انه سبب حبستهم وحالتهم الغريبه ؟؟

ننتقل للزوج الثاني اكتشفت ان ماعنده الا السوالف والهذره والتحسن الوحيد اللي صار انه بالسابق كان واحد فقط اللي متعوود علي والثاني يهرب ويصرخ الان صرت امر من جمبهم بسلام بدون صريخ طالما مافتحت قفصهم ولا اغيرر لهم اكلهم .. بس احس اني قاعده امر بمراحل توليف للطيور مو انتاج ماعندهم اي شي الا يحكوا روس بعض وياكلوا بعض وكل ماطفشوا قعدوا يتشقلبوا ويصفروا وبداو ينطقوا كمان

الان كيف اتعامل مع حالة الزوج الاول الغريبة وكيف اعرف نهاية الزوج الثااني حاولت فيهم بكل الادوية والاكل المختلف احس ان عندي شي غلط بس للحين ما اكتشفته