الانثى تقهر

[جورجي]

وعليكم السلام ورحمة الله وبركاته
اختي صوغة الانثى اللي عندك مزاجية
اقصد مرات بتلاقيها طيبة مع الذكر وتحك راس الذكر وترتب ريشه .. ومرات اخرى تلاحقه تضربه وماتخليه بحاله
عند انثى نفس حالة اللي عندك .. لكنها هي والذكر اليفين اللي عندي مرات تكون طيبة وحنونة مع الذكر لدرجة انها ترجع الطعام وتحاول تغره ومرات تكون شرسه وياه وتلاحقه وتعضه وتنتف ريشه وماتخليه يقرب من علبة الاكل او وهو واقف على المجثم تلاحقه علشان تعضه
وعرفت انها كانت تنتج واعطيتها العش وانتجت لي 4 بيضات لكن بما انه اول انتاج لها طلع بيضات 3 غير مخصبات والرابعة مخصبة ولكن مات الفرخ داخل البيضة للاسف
انت ذكرتي انها اكتمل اللون البرتقالي بالرأس .. يعني الان عمرها 7 اشهر ونصف او 8 ..صح ؟؟
ركبي العش بالقفص واعطيهم سعف النخيل فربما تتحمس للانتاج وتهدأ عن ازعاج الذكر
ربما يكون حل مؤقت لكِ مثلي .. لاني بالصيف الماضي رفعت العش عنها 3 اشهر كاملة فترة راحة وصارت شرسة مرره وتعضني بقوة <<< كانت زعلانة وتبغا عشها علشان الانتاج
وبعدها بالشتاء رجعت العش لها والانثى فرحت وهدأت وبدأت ببناء العش والتجهيز للبيض