سؤال وجواب (في تدريب وترويض الببغاوات والعناية بها)

[no0La]

المشاركة الأصلية كتبت بواسطة غصب عليك

انا عندي سؤال
الصبار والزيتون كيف تعطيهم للطير
وظهر الخثاق هذا من وين احصل عليه
وهل هو مفيد للمكاو
وشكرا

هلا بك ..

الصبار له اكثر من طريقه
وانا افضله يكون طازج من نفس الصباره ..

1- تقطع جزء منها وتاخذ الجلي اللي فيها
ممكن تخلطه مع شوي مويه وعن طريق الرش مثل
طريقة اختنا الغاليه كاسكوكيه وممكن على طول تاخذ
منه شوي وتمسح فيه ع ريش الطير وكأنك تدعكه

2- الزيت ايضا تمسح مسح خفيفه ع ريش الطير
طبعا ماراح يروح بسهوله من الطير الا بعد كذا ترويشه

الخثاق هو ظهر او عظمة الحبار تلقاها بمحلات الطيور
وينفع لكل الطيور


بالتوفيق

[no0La]

المشاركة الأصلية كتبت بواسطة Anooos

السلام عليكم والرحمة

الموضوع حلو جدا ومفيد

وانا عندي سؤال :

انا ناوي اشتري درة هندية

بماذا تنصحوني بالذكر او الانثى ولماذا ؟؟

هل لو شريته عمرة سنه فأكثر ممكن يتدرب ويتروض زين ؟؟

كيف اعرف الدرة السليم من الدرة الغير سليم ؟؟

البرد جاي كيف احميه من البرد ؟؟

واذا في سؤال اكيد ما بتقصروا انشالله

وشكرا

وعليكم السلآم ..

هلآ بك أإخوي ..

* مافي فرق بين الذكر والانثى الا باإشياء بسيطه بالشكل
وانت واختيارك بالنوع ..

* سنه وأإكثر يتدرب ويتروض بس لابد تعرف ان الدره طائر عنيد ومزاجي
خصوصا اذا السن فوق السنه بس مافي شي مستحيل لازم تصبر عليه كثير
وتتحمله والتكرار لابد منه بأإختصار الدره تحتاج وقت اطول شوي ..

* يبان ع الطير من حركته ونشاطه ونظافة ريشه
وخلي البائع قدامك يشيله ويقلبه يمين ويسار وتتأكد برفع الجناحين
وناظر فضلاته بالقفص شلون صايره يعني دقق بكل شي ..

* الدره ماشاء الله تبارك الله عليها تتأقلم بسرعه ع اي جو واي اكل
وانت مع فصل الشتاء حاول يكون جو المكان معتدل لا بارد ولا حار
وهذا الكلام ينطبق على كل الطيور ..


وأإي سؤال أإخر أختك بالخدمه

موفق أخوي

[no0La]

المشاركة الأصلية كتبت بواسطة fahd_90

شكرا اخت نولا يعطيك العافيه..

فيه مشكله أخرى وهي تنظيف القفص وتحميم الطائر كيف اسويها

في هذي الفتره بدون اخراج الطائر من القفص؟ كمان الطير حركته صارت كثيره داخل

القفص وموتره بعض الشي تُرى مالسبب؟ واشكرك مره ثانيه اتعبتك معي

العفو اإخوي ..

وهلابك بأإي وقت ..

* تنظيف القفص لابد يكون بصفه مستمره خصوصا
اذا كان الطير من الطيور اللي تنزل كثير تحت بالقفص لابد يكون فيه
مسافه بين الشبك تحت والفضلات كـ حمايه له من اي بكتريا او فطريات .. الخ ..
وعادي بالاسابيع الاولى اللي اتفقنا عليها تنظف القفص ومشربية الماء وعلبة الاكل
خلي الطير داخل القفص واسحب الشبك اللي تحت ونظفه ..

* بالنسبه لتحميم الطير لاتستعجل عليه بالايام الاولى
خله بالاول يرتاح ويتأقلم وبعدين راح تحممه اما يومين بالاسبوع او 3 حسب
حالة الجو ووضع الطير ..

* طبيعي تكثر حركته المكان جديد ويبي يخرج وانت خله مثل
ماقلنا الاسابيع الاولى بس نظف الشبك وغير له الاكل والمويه

الغرض من كل هذا ,,
- يتعرف ع المكان والمربي ..
- يبدا يتأقلم ويحس بالامان والاستقرار ..


أإي سؤال انا بالخدمه

موفق

[no0La]

المشاركة الأصلية كتبت بواسطة $ كاسكو وبس$

السلام عليكم

كيفك أ.سكر؟؟؟



انا اشتريت ببغاء الدرة امس وابغاك تقولي ايش اسويلها لان هي خايفة مرة مني وابغاك تقولي كيف اخليها تولف علي


وشكرآآآ.

وعليكم السلآم

هلا بك أإخوي ,,

بالنيابه عن اخوي سكر بجاوبك ..

امس شريته ولازم تصبر عليها تتعود ع المكان وتتعود ع المربي الجديد
اخوي لازم تعرف ان الدره من الطيور العينده والمزاجيه ايضا يعني لازم تحسسها
بالامان ويكون بالك وسيع خليه فتره اسبوع او اسبوعين من بعدها ابدا معها
اللعب والتدريبات اللي تبيها ..

حابه اعرف عمر الدره ؟

[no0La]

المشاركة الأصلية كتبت بواسطة بوجواد

عندي استفسار اللحض طيري اسمعه صوته صفيره ع خرخشة تجيه منه مادري عنده مشكلة بالجهاز التنفسي

ممكن يكون الوضع عادي تقليد اعمى منه
وممكن يكون فيه شي لاسمح الله

والافضل من كل الفرضيات يشوفه بيطري
وتتأكد من سلامته

وان شاء الله مافيه الا العافيه

[وحـداني]

السلام عليكم

كيفكم ياحلوين

شو اخباركم
انا عندي استفسار بخصوص الببغاء
اشتريت واحد عمره 7 شهور قبل يومين تقريبا افريقي سوبر جامبو
شبه اليــف نادر مايعض
بس يجعر يلا الله يصبرني عليه الى ما يهدى
الموهيم
كاني سمعته كذا مره يعطس
مدري حاسس انه مزكم
كيـف اعالجه او اتاكد انه اخد برد
وثاني سوال
امس حطيته في المجلس وخليت باب القفص مفتووح ابغاه يطلع
بس ما طلع طول اليوم
الموهيم
صحيت من النوم اليوم الصباح لقيته طلع فرحت والله

وجالس يصفر ويلعب المهم
ابغاه ينزل يدخل القفص مافي امـل
مو راضي يدخل مره جبت عصايه وطلعته عليها وجيت ادخله القفص
مايرضى يدخل مرررررررره على العموم جبت منشففه ولفيته فيها ودخلته بالقوه وعظني عظه دوووووووخني
تصدقون حسيت انه كرهني
انتو تتوقعو انو كرهني ؟؟؟؟ او اسلوبي غلط
وشكرا على الموضوع الاكثر من رائع

[no0La]

المشاركة الأصلية كتبت بواسطة وحـداني

السلام عليكم

كيفكم ياحلوين

شو اخباركم
انا عندي استفسار بخصوص الببغاء
اشتريت واحد عمره 7 شهور قبل يومين تقريبا افريقي سوبر جامبو
شبه اليــف نادر مايعض
بس يجعر يلا الله يصبرني عليه الى ما يهدى
الموهيم
كاني سمعته كذا مره يعطس
مدري حاسس انه مزكم
كيـف اعالجه او اتاكد انه اخد برد
وثاني سوال
امس حطيته في المجلس وخليت باب القفص مفتووح ابغاه يطلع
بس ما طلع طول اليوم
الموهيم
صحيت من النوم اليوم الصباح لقيته طلع فرحت والله

وجالس يصفر ويلعب المهم
ابغاه ينزل يدخل القفص مافي امـل
مو راضي يدخل مره جبت عصايه وطلعته عليها وجيت ادخله القفص
مايرضى يدخل مرررررررره على العموم جبت منشففه ولفيته فيها ودخلته بالقوه وعظني عظه دوووووووخني
تصدقون حسيت انه كرهني
انتو تتوقعو انو كرهني ؟؟؟؟ او اسلوبي غلط
وشكرا على الموضوع الاكثر من رائع

وعليكم السلآم ..

هلأ بك أإخوي وحداأإني ,,

أإول شي أإخوي طالما جديد وله يومين يحتاج وقت اكثر اقلها اسبوعين
يكون بالقفص بس تغير له المويه والاكل الغرض من الاسبوعين يتعرف ع المكان والمربي
ويحس بالامان والاستقرار بعدها تبدا تطلعه من القفص وتلعبه .. الخ


بالنسبه للعطسه اتوقع انها عاديه وتصير اذا حك ريشه تدخل
اشياء صغيره نتيجة حكه داخل الانف ويعطس

تشك فيه لاسمح الله اذا تكرر العطس بأإستمرار

طبعا أإخوي طريقتك غلط بالمنشفه لانه باقي ماتعود عليك
واحتمال ياخذ موقف منك انتظر مثل ماقلت لك اسبوعين

بعدها افتح له القفص من فوق ودخوله من فوق راح يكون اسهل لك
وابعد عن المنشفه مؤقتا واستخدم العصى بخروجه ودخوله للقفص
او حتى وقت ماتحطه ع الاستاند

موفق

[al-m7taar]

بسم الله الرحمن الرحيم
السلام عليكم ورحمة الله وبركاتة
عندي طير أمازون ينتف ريشه

[$ كاسكو وبس$]

المشاركة الأصلية كتبت بواسطة no0La

وعليكم السلآم

هلا بك أإخوي ,,

بالنيابه عن اخوي سكر بجاوبك ..

امس شريته ولازم تصبر عليها تتعود ع المكان وتتعود ع المربي الجديد
اخوي لازم تعرف ان الدره من الطيور العينده والمزاجيه ايضا يعني لازم تحسسها
بالامان ويكون بالك وسيع خليه فتره اسبوع او اسبوعين من بعدها ابدا معها
اللعب والتدريبات اللي تبيها ..

حابه اعرف عمر الدره ؟

عمره 6-7 شهور

[no0La]

المشاركة الأصلية كتبت بواسطة al-m7taar

بسم الله الرحمن الرحيم
السلام عليكم ورحمة الله وبركاتة
عندي طير أمازون ينتف ريشه

وعليكم السلآم

هلا بك أإخوي ..

حاول تلهيه وحط له العاب كثيره بالقفص او ع الاستاند
واذا مانفعت حط له طوق ع الرقبه يمنعه من نتف الريش