~*~* كيووووتي مجننتني وش السواة معها ~*~*

[كيوووت]

السلام .. كيفكم

اووول شئ جيبوا شاي وحب لأني بفضفض لكم شوي قبل لا ادخل بالمشكله هههههه
قطوتي كيووووت المشمشيه بالتوقيع عمرها الحين سنة و سبعة شهوور ماشاءالله
وهي اززززعج وحده وقت طلبها للزواج تلح بشكل مو طبيعي وعليها صووت ماشاءالله طبعاً مع الحركات التمسح و التشقلب وكل شئ المووهم ان حالتها تجي كل ثلاث اسابيع يعني حاسبة لها انا ولا عمرها قد تأخرت ماشاءالله كل ثلاث اسابيع وهي مياااو مياااااو متعودييين
المووهم شريت ذكر اخيراً "عمره سنة و اربع شهور" قلت افتك من الازعاج وعشان ابوي قرب ينجن ههههههه
يوم جبت الذكر "قبل شهر" كان المفروض باقي لها كم يوم وتطلب قلت يلا على بال ماتتعود عليه بس مرت الايام وهي لاحس ولا خبر ماطلبت الزواج ابد وطبعاً كارهه الذكر كره مو طبيعي اذا شافته تبخ وتطلع اصوووات واذا قرب تضربه ولا تجلس معاه بنفس المكان قلت يلا اعطيها فرصه بس زودتها الحين مر شهر يعني قربت تكمل شهرين ماطلبت زواج
معقووله كل هذا عشان ماتبي الذكر يجيها ؟ ! حتى شككتني انها حامل من برا وانا ما ادري مع انها ماقد طلعت .. الموهم بعد مافقدت الامل بالحياه خخخخ وقلت بسسس بيجيوني عيال بلدي "مع احترامي للبلدي" هههه بس والله شئ يقهر
اليوووم وبدون سابق انذااار طلبت اووول مره افرح لطلبها للزواااااج خخخ جتني راحه نفسييييه
طووووولت كلااام بس عشان تعيشون معاناتي معها من البدايه
المشكله الحين
كيوووت مووو طااايقه الذكررررر ابد ابد ابد
مين اللي قال دامها طالبه بترضخ حتى لو مو منسجمه مع الذكر
وربي كيوووت صااامده للحين ياجبل مايهزك ريح
تبخ على الذكر من جهة ومن جهة ثانيه تروح للباب تصااارخ وتجي وتتمسح فيني وتتقلب
وبعدين معها وش الحل ؟؟؟
مع العلم قطوتي الثانيه بيانكا ماشاءالله لقحها والحين هي حامل الله يسهل لها يارب
بس وش معنى كيوووت مع انها هي اللي كانت مزعجتني اكثرررر
"مع العلم قد وديتها مره لصديق اخوي عشان عنده ذكر وكانت طالبة للزواج بس رجعها بعد يومين قال ابدددد ولاهي راضيه يقرب منها وضربته كفخته " عمركم شفتوا قطوه بهالعناد ؟ المشكله انها تعاند نفسهاااا يعني تطلب ولا تبي ذكر يقربها

الحين شئ طبيعي ان كيوت ماطلبت زواج لمده شهرين ؟ مع انها كانت كل ثلاث اسابيع بس من يوم جبت الذكر بطلت
والحين دامها طالبه وشلون اخليها تتأقلم مع الذكر وتسمح له يتزوجها ؟
ياليييت المساعده بأقرب وقت لأن اذا مالقيت حل بيكون وحده من الثنتين يا ابيعها او اسوي لها عمليه وكل الخيارين ماااابيهم .. مابي اتخلى عنها ولا ابي احرمها الامووومه .. بس ابوي انزعج وما الوومه والله

هذي صورة الذكر اللي شريته "الضحية" اسمه سايكو

ماشاء الله