لمربي الهامستر...ساعدوني ... ساعدوني..من فضلكم.

[حسام النحاس]

السلام عليكم ورحمة الله وبركاته.
بيشرفني اني انضم لمنتداكم الرائع 2zoo
الحقيقة قبل ما أبدأ بالكلام حابب عرف عن حالي: أنا اسمي حسام النحاس من سوريا, طالب بكلية الطب البشري جامعة حلب, سنة تالتة, ومقيم في دمشق

الحقيقة من حوالي 3 أسابيع جبت هامسترين (سيلين وألبرت) مشان ربيهم وكان عمرهم حوالي اسبوعين أو 3 أسابيع وجبت القفص وكلشي جاهز (والحقيقة كل الفضل لمنتداكم الرائع)
1.بس كنت بدي اسأل انو على عمرهم هاد يا ترى ممكن أقدر أعرف الذكر من الأنثى؟
2.هلأ بحلب في برد نوعاً ما وأنا بفترة النهار بكون بالكلية والتدفئة مو شغالة والمسا بكون نايم والتدفئة كمان مو شغالة. فيا ترى الهامستر بيقدر يدفي حاله لحاله؟؟؟؟ وشو لازم حطله بالقفص حتى يكون مثالي؟؟؟؟
3.يا ترى ممكن أطالعهم من القفص وخليهم يلعبوا بالبيت ولا ممكن يضيعوا أو يهربوا أو يوسخوا؟؟؟؟
4. كيف بعرف إذا بقدر أحملهم أو لا مع العلم أنو بيطلعوا وبياكلوا من قلب إيدي بدون ما يخافوا.
5. من يومين لفت نظري أنو عم يرتعبوا كتييير ويتحركوا بخوف وحذر وبأقل صوت بيهربوا أو بيرتعبوا... , وحتى لما بيطلعوا على إيدي لياكلوا بيكونوا عم يرجفوا....فيا ريت تقلولي ليش؟؟؟
6. يا ترى بينزعجوا إذا صرت طالعهم من القفص على علبة أصغر لما بدي سافر أو اطلع برا البيت ولا الأفضل اتركهم بالقفص وما طالعهم؟؟؟؟؟ وقديش ممكن يتحملوا يبقوا لوحدهم إذا حطيتلهم كمية كبيرة من الأكل والماء؟؟؟

وأخيراً شكراً سلفاً لكل مين رح يجاوبني وأنا آسف إذا كانت مشاركتي الأولى هيك بس إن شاء الله الأيام جاية بوعدكم كون عضو مميز بالمنتدى.