كيف تتفادى هجوم الكلاب الغريبة

[Icy]

موضوع حلو للنقاش, نستفيد من تجاربكم.

الكلاب هجومها وعضها يختلف من كلب لكلب وظروف الهجوم تختلف ومكان الهجوم بعد, اذا بمنطقته او منطقه محايده بعيده عن منطقته. والف حاله وحاله. ومو اي جلب يهجم مني والطريج.

في كلاب تعض من الخوف والتردد والدفاع, وفي دفاع قوي وحاط براسه انه يهجم ويقطع الي جدامه, ونقدر ندرج الكلب الي انامر انه يهجم (هجوم بالامر) مع حاله العض الجريء.

ويبيله تعرف من تصرفات الكلب وتعبيرات جسمه ما الذي يلزم فعله. فطرة الانسان على التصرف تنفع لكن يحتاج ان تفكر شنو الانسب.


في كلاب تييلك تنابح, بس ترفع ايدك او تضل واقف, توقف وتطق حواش وتبتعد وتضل تنابح (مثل كلاب الشوارع).
مثلا اذا كان كلب هجومه متردد وغير واثق, يجب ان لا تهرب او تركض, او تتكور وتغطي اذنك, ويفهم انك خاضع له ويتجرئ انه يهجم.
و الكلب المدرب على الهجوم او الكلب الواثق دون اي تردد انه يعض, حاله اخرى. بعض الكلاب المدربه لا تعض الا على السليف (اذا تدربت على ذلك) وبعضها تعض باي مكان ولو مافي اي لبس حمايه.
_________
انزين اذا حصل وركض ناحيتك ناوي يهجم بدون تردد.
ونفرض ماعندك عصا ولا الي قالوه الاخوان, لا تركض (لن ينفع لان الكلب اسرع منك) ولا تعطيه ظهرك احتمال انه يقفز يعضك من الظهر ويسقطك ارضا ولا مجال لان تستجمع قواك وتقف وتدافع ,ولا تسكر عيونك, اول شي تشهد (ههههه ) صج صج , طالعه وشوف اتجاهه واحتمال انه يتراجع باي وقت او السرعه والقوه الي ياي فيها, الى اخر لحظه حاول تتفاداه او تقلل الصدمه. لنقل انه فطريا راح تعطيه ذراعك, اذا عضك, لا تحاول تسحب ايدك وتمزق اللحم وتزيد من قوه عضته. ادفع ايدك لداخل فمه وبسرعه حاول تكون فوق ظهره تمسك فكه اذا عرفت كيف تضع شفايفه العلويه داخل فمه وتضغط بقوه. ( تؤلمه كانه يعض نفسه فيقلل من قوه العض), لو قدرت تقعد فوقه اقعد. المهم ان ما يختل توازنك وتسقط ويقدر بخفه حركته ان يسيطر عليك من فوق.


هذه طرق نظريه والله يعلم شنو احساسك وتصرفك راح يكون, الشوت او الظرب يمكن ينفع لكن لا تنسى انه يمكن يختل توازنك او تخلي الجلب يعصب اكثر ويتحمس يدافع اكثر ويرجع يهجم. قرر اذا قوتك تكفي انك تسيطر عليه. ساعات احنا جلابتنا مانقدر عليها اذا كانت ضخمه ومن بنيه عضليه قويه, شلون اذا كلب غريب ,هني مالك الا الحيله, تنزل له بطريقه رضوخ وتقبل. وتتمنى انه ما يهجم. وصرخ يمكن احد يسمعك