اصنع جحر صغير ومريح للوبر، الهامستر أو الشانشيلا

[ديناصورة]

السلام عليكم ورحمة الله وبركاته، حبيت اليوم أوريكم عملية صنع جحر صغير للقوارض، سواء كان وبر أو هامستر أو شانشيلا أو يربوع ... إلخ من عايلة القوارض الحلوين، وأنا سويته حق خنازير الغيني الي عندي واستانسو عليه وصارو كله ينامون داخله (( يتهاوشون عليه هههه ))، تعالو نبدي وبسم الله :

* الأدوات:
1- جوارب .
2- علبة فارغة متوسطة الحجم .
3- شريط لاصق .
4- قطعة قماش قصيرة .
5- كماشة .
6- فتاحة علب .
7- مقص (( نسيت أحط صورة المقص )) .

أول شي تاخذون العلبة وتزيلون منها القاعدة باستخدام الكماشة وفتاحة العلب مثل المبين بالصورة (( يستحسن طلب مساعدة من شخص قوي ... قعدت 100 سنة على ما شلتها ههههه )) :


بعد ما شلنا قاعدة العلبة يمكن تحصل معاكم إن العلبة تنقسم لنصفين من شدة السحب والضغط عليها، بتطلع جذي :


طبعا لا تخافون تقدرون ترجعونها مثل ما كانت، كل ما عليكم إن تستخدمون الشريط الاصق وتلفونه على العلبة وبتطلع بهالشكل :



والحين نشوف مكان القاعدة، نلاقيه مملوء بالتعرجات الحادة وهذا طبعا رح يأذي القارض ويمكن يجرحه :


نقدر نعالج هالمشكلة باستخدام قطعة قماش (( انا استعملت قطعة فوطة قديمة )) ونحطها على التعوجات الحادة للعلبة ونلصقهم ببعض باستخدام الشريط اللاصق :






ناخذ الحين الجوارب ونقص أطرافها (( الجوربين مو بس واحد )) :




والحين نلبس أحد الجوربين العلبة من الداخل جذي مثل الصورة :


ونلبس الثاني من الخارج ونقص الخيوط الزائدة منه بالمقص علشان ما تضايق القارض، وبجذي ننتهي من صنع الجحر الصغير وهذي هي النتيجة النهائية :






وهذي صورتين لوبري "لوسي" و "يوكاري" مستانسين داخله ههههههه فديتهم، الثالث حضرته قعد يبلع ما يبي يجربه




طبعا تقدرون تغيرون حجم العلبة بإنكم تختارون أكبر أو أصغر على حسب القارض الي عندكم، تصلح للأرانب بعد، وانشالله نال الموضوع اعجابكم وباذن الله تستمع قوارضكم فيه .