واناااا ألحقووووووني بعد ...

[حمامة الوفاء]

سلام عليكم

شلونكم يا جماعة الخير...

الله يسلمكم السالفه وما فيها اني اشتريت اسماك جديده لحوضي والاسماك هي:

2 اوسكار وسط
2 دسكاس وسط
2 سكليد صغار نوعا ما
سكليد اصغر بعد

وخليتهم في الكيس اللي عطاني اياه اللي يبيع في المحل وعطيت زوجي يوديهم البيت ويخليهم في الحوض على ما ارجع انا البيت ، المشكله اني رجعت البيت متأخره يعني اكثر من 5 ساعات والظاهر زوجي خلاهم اكثر من ساعتين في الكيس بدون ما يفتحه ... طبعا رجعت البيت الا زوجي يضحك علي ويقول لي عظم الله اجرك ماتو السكليد الاثنين، شي يعور القلب بصراحه ..

هذي سالفه وانتهت ..

قمت رحت المحل مره ثانيه وقلت للهندي يعطيني غيرهم وبالغصب بالغصب عطاني 2 سكليد اكبر وقال لي انهم ما يموتون يتحملون اكثر يعني ...وعطاني وحده صغيره وياهم بعد. المهم جبتهم البيت وحطيتهم بالكيس مالهم بالحوض لمدة 10 دقايق وهديتهم بالحوض إلا شفت ان وحده منهم مو طبيعيه ( فمها اعوج على صوب ) وفيها نفس العفن الابيض على زعانفها .. قمت رجعتها في نفس الوقت وجبت غيرها وخليتها عشر دقايق بعد بكيسها بالحوض وبعدين هديتها ...

كلشي تمام بس يوم ثاني قعدت من الصبح إلا زوجي يضحك ويقول لي عظم الله اجرك صرت اكره ضحكته خخخخخ قلت له خخخخ

انزين شنوووووووووووووووووو صار





السكليد الاثنثن الكبار الجدد ماااااااااااااااااتوااا .

يعني شنو هالحظ اللي علي ...

يا ناس ممكن احد يقول لي شنو السبب ،، يمكن لأن الحوض وسخ علماً بأن حوضي جديد بس مع بداية شهر رمضان جبته ... وكان يوجد في الحوض (زباله، مولي صغيره ) فقط . الحراره 34 درجة والاضاءه اخليها لهم من اقعد من الصبح ليما انام ...

اي اسئله انا حاضره بس ساعدوني شسوي؟؟؟