خبر مؤلم اوى

[monmon]

وحشتونى يا شباب 2zoo
انا عندى قصة ماساوية انا اسف انى هحكيها ليكم
انا كان عندى كلب ( سيزار )وكلبة (لايكا ) من سلالة الروتويلر
الخبر الموسف انهم ماتو
مرضوا مرض شرس جدا
وودتهم للدكتور البيطرى وعمالنا كل الى ممكن يتعمل ولكن للاسف بدون اى فايدة
المرض والقدر كانو اقوى ممنا واشرس
مع العلم ان الدكتور البيطرى الى كان بيعالجهم من اشطر واشهر الدكاترة وعامل دكتوراة فى الجراحة وماجستير فى امراض الدم
اعراض المرض

ارتفاع فى درجة الحرارة حتى 41.5 درجة
نزيف دم مستمر من المعدة عن طريق فتحة الشرج
قىء مستمر بالاخص بعد الشرب مباشرة
قىء دموى من فتحة الفم
قى عصارة المرارة ولونة اخضر ذات رائحة نفازة
الكلب فى حالة ذبد بدون توقف
عدم قدرة الكلب على الاكل تماما لدرجة عند شم رائحة الاكل يتقىء

ومن الموسف ان الادوية لم تحدث اى تقدم فمثلا
دواء القىء(حقن عضل) لم يوقف القىء اطلاقا
دواء خافض الحرارة(حقن عضل) لم يخفض الحرارة الا لمدة ساعة واحدة مع العلم انة يعمل لمدة 12 ساعة
دواءالنزيف ( حقن عضل و وريد) لم يوقف النزيف الا اول 12 ساعة من الحالة ثم تتدهور بسرعة كبيرة مع زيادت النزيف حتى لو كثف الحقن بكمية اكبر
دواء المضاد الحيوى ( حقن عضلى و وريد) ليس لة اى مفعول مع تغير نوع المضاد وتكثيف الجرعة من 250 الى 500 الى 1000 الى 1500 مع عدم حدوث اى تقدم
و للاسف يتقدم المرض بشراسة دون توقف بل بسرعة اكبر كلما مر الوقت
مع العلم انى بعت عينات دم لمعمل تحاليل ولكن للاسف ماتو قبل ظهور النتيجة
الكلب (سيزار) مات فى خلال 36 ساعة
الكلبة(لايكا) ماتت فى خلال 72 ساعة بسب مناعتها كانت اقوى
المشكلة الى مزعلانى ان الناس مش بتقدر قيمة الحيوان وبتهذء بية
مش عارف الانساس مبقاش فى قلبة رحمة تجاة الحيوان لية
سبب المرض ان فى انساس باخد منة الاكل بتاع الكلاب وهى (كبدة مخصصة للاستخدام الادمى ) كانت ملوثة وانا بعت عينات للتاكد من هذا السبب
ومع الاسف علشان احلل عينات الانسجة لمرفة اى معلومة عن هذا المرض حتى لو لصالح الكلاب الاخرى فى المستقبل اضطريت ابعت العينات لمحافة اخرى لتحليلها
انا اسف طويلت عليكم الكلام لكن دة من حزنى على (سيزار) و(لايكا) بجد كانو ذى اولادى وانا كنت ذى ابوهم الى مخلفهمش بجد حبيتهم وهم كمان حبونى اوى اكتر من ناس كتير

الكلب رمز الوفاء المطلق