حركاااات التماسيح عند الاشاره

[قطوة شقية]

@النوع الاول.......
هو اللي يشتغل وقته ويرتب سيارته ويفتح دروج السياره ويقطع في الفواتير ويرميها في الشارع وفجأه ماتدري الا وهو ناقز في المرتبه الي ورى ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف .

@النوع الثاني....
وهو اكثر واحد يفرح اذا وقف عن الاشاره عشان يستعرض ويرقص هو وخوياه ويرقصون السياره معاهم..

@النوع الثالث...
وهو عكس الي قبله وهو اللي يشغل شريط اغاني حزيييينه
وانواع القلق والحزن والتفكير وطبعا الاغنيه من كثر ماهي حزيينه وقديمة ويكون وجهه مورم ومحمر من كثر الصياح وكثر الحزن

@النوع الرابع...
مايسمع اغاني وماتسمع غير الهواشه وتلعينه على عياله اللي مالين عليه السياره وماتدري الي وهو ساحب العقال (اذا كان بنطلون جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويصفق العيال بكرتون المناديل اللي ماليه السياره والفضل يعود لمحطة البنزين لو تمر من عندهم عطوك كرتون مناديل هديه.

@النوع الخامس....
وهو اللي تحس انة ماعندة وقت ابد ودايم انيق ولابس نظاره وخاتم ويتفرج الجريده ومسوي زحمة في الشارع واللي جمبه طفشان ومشتغل مسجات بالجوال

@النوع السادس....
وهو اللي شفته ميت من الجوع وتشك انة جالس في مطعم مو في سياره الرجال ماسك الهمبرجر بيد والبيبسي والبطاطس بيد والشاورما في حضنه والفطاير جمبه والبيتزا في المرتبه اللي ورى

@النوع السابع...والاخير...
وهو اللي سيارته زحمه مو ناس لامخلي ثوب ولا شماغ ولا بدله ولاجزمه الله يكرمكم الا ومركبها معاه عشان يكون تبديل الملابس اسرع عند الاشاره (استغلال لوقته الذهبي)حتى البطانيه جايبها وماخذها معاه تعرفون الشباااب مشغووولين طوووووووووول
اتمنى من كل شاب يمر على موضوعي يقول هو من أي نوع واذا ماكنت من ولانوع ياليت تكتب
وسلاااااااااااااااااامتكم

ان شاء الله
بردت حرتكم يالبنات