عـــما قـريـب بإذن الله ^___^

[Sugar]

السلام عليكم و رحمة الله و بركاته ،،


انا و اختي الكبيرة اتفقنا اننا نروح بكره بإذن الله نشتري قطوه ، مع ان امي مو موافقه ، لكن سألناها ليش ما تبغا قطوه ؟؟ ، قالت ما ابغا توسخ المواعين ( الأواني ) حقت المطبخ و لا ابغاها تناقز ( تقفز ) على الكنبات ، لكن انا و أختي وعدناها ان امي ما تشوف القطوه قدامها ابدا ، بحيث انو يوم في غرفتي و يوم في غرفة أختي ، و احيانا نطلعها عشان تلعب في الحوش ( الفناء الخارجي ) و لا تحت في قبو المنزل عشان هناك فيه غرفتين كبار ، وحده لأخواني التوأم ، و وحده ما احتاجوها أهلي فقلت انا باخذها ، و راح انزل معاها عشان تغير جو ، طبعا قالت امي ترا اذا دخلت المطبخ بضربها ..! ، قلنا لها لا تخافين ما راح تشوفينها


بس هل راح يأثر عليها انها يوم عندي و يوم عند اختي و نغير جو احيانا معاها تحت ولا برا في الحوش؟؟

و إيش احسن نوع من القطط تنصحوني فيه؟؟ ، ابغا قطوة تحب تلعب و مملوحه مررره ، و تكون بنت طبعا ^_^

بس ترا انا عندي هامستر و بادجي ، يصلح اربيهم مع بعض؟؟

مع العلم ان البادجي ناويه ابيعه ، لأني ما نجحت في تربيته و تدريبه ،،


( ملاحظة : ترا مو أكيد 100% اني اجيبها لكن 85% ان شاء الله ، أدعولي الله يعافيكم)