مساعدة في الببغاء الافريقي (مبتدئة) ضروري :(

[Rawan.]

السلام عليكم كيفكم كلكم
انا دا اول موضوع ليا وهوا السبب في اني اشارك بالمنتدى لاني شاركت بمنتدى ومالقيت مساعدة وجمعت الموضوعين هنا
احنا عندنا الببغاء الافريقي الرمادي اخويا اشتراه من صاحبه عشان كان بيسافر للدراسة هوا كبير شوية يعني مهو صغير لسا وقعد عندنا امكن 8 شهور بس جوة القفص مرة حاولنا وخرجناه لكنه مرا زعلان كان وما بقي احد بالبيت ما خاف منه >< انا صراحة ما كنت اهتم بيه عشان ما كنت اعرف عنه كتير لكن بعد ما قرات عنه وعرفت عنه معلومات حبيت انا اهتم بيله :$ خصوصا انه قبل اسبوع تقريبا مرض ووديناه للدكتور البيطري وقلنا دا فيروس بس ما ندري من ايش >< و قعد عنده 4 ايام وبعدين رجع والحمدلله احسن وبعدها حبيت انتبهله وسرت ما احطله صحن بالقفص حق الاكل انا اعطيه من يدي كل ساعتين وياكل ونفسي امسكه بس كل ما دخلت يدي للقفص ارجع اخرجها خايفة مرررررررررا يعضني >< ابا امسكه عشان اقدر اخرجه من القفص وادخله بعدين سمعت انه ممكن احط عسل باصباعي ومح احس بالم العضة كتير بس خايفة هل ممكن العسل يئذيه ؟ ساعدوني يا هواة تربية الببغانات اذا في اي طريقة تانية اعوده عليا اهلي بعد ما مرض ( طبعا هوا الحمدلله دحين مو مريض خلاص) طفشو منه وناويين يبيعوه ونا ماباه يروح :'( ابا اثبتلهم انه ممكن يتكلم ويخرج من القفص عادي ويسير اليف
مستنية ردودكم

السلام عليكم، اخواني واخواتي اعضاء المنتدى اتمنى لو الكل يتفاعل هل من السهل ترويض الببغاء الافريقي وتعويده عليا؟ مع العلم انه مو صغير بالسن (مدري صراحة كم ههههههههههههه) بس مو صغير >< وانا مبتدئة لسا ولا افضل اجيب واحد صغير؟ بس المشكلة اني ماباه يروح يحاول تاني يتعود على ناس جدد وهادي صورة للببغاء اللي عنده الخبرة بتحديد العمر ياريت مايبخل عليا