اسئله عن درتي =)

[Mischa]

السلام عليكم ورحمة الله وبركاته

درتي صار لها 12 يوم عندي
كانت شرسه ومع الأيام صارت نصف أليفه أقدر امسح على رأسها بدون خوف
وجسمها فيها خوف بسيط لاني بديت امسح على جسمها أمس
ومتى يطلع طوق فاتح حول الرقبه ؟ أحسها صغيره تقريباً عمرها 7 أشهر والاحظ طوق فاتح حول رقبتها

المهم اني كل يوم اطلعها من القفص ولا ادخلها الا وقت النوم
وتجلس فوق القفص م تنزل أبداً ، اذا نزلتها غصب وخبيت القفص تبحث عن أعلى مكان تجلس فيه ولا تترك مكانها لو الجوع يقتلها
وللأسف عودتها على الايباد اذا جلست قريب من القفص ومعي الايباد تنزل من القفص وتجلس بحضني واذا خبيت الايباد رجعت فوق القفص

كيف احسسها بالأمان وأخليها تترك القفص وتكون بنتنا وتجلس معنا

ومن يومين لاحظت ان عيونها فالليل تصير حمراء وأول الصبح يبدأ يخف اللون الأحمر ويرجع بالليل ايش السبب ؟!
وهل عادي احطها بغرفة ظلمه عشان تنام ، ولا تحس بالوحده ؟

آخر سؤال عن خلطة الثوم بالليمون اسويها بالأسبوع مره واقسمها ليومين بالأسبوع مثلاً اسويها يوم الأحد والباقي احطه بالثلاجة ويوم الأربعاء احطها والأسبوع الجاي اسوي جديده ، ولا يوم الأحد اسوي ويوم الأربعاء اسوي جديده ؟!

شكرًا لكم )