كيف تجهز/ين بيت الولادة لقطتك .؟بالصور+حصري

[عاشقة قطوتها]

السلام عليكم ورحمة الله وبركاته

رمضان كريم وتقبل الله صيامكم وطاعتكم اجمعين ..

انا زي ماتعرفون قطتي على وشك الولاده ..

عشان كذا لازم اجهز لها بيتها ..

بس قلت ليش ما افيدكم معاي وخصوصا افيد المبتدئين في تربية القطط الحوامل والي على وشك الولاده ...

خليكم معاي ..

اول شيء تحتاجون اكيد للاساس الي هو البيت ..

قفص كبير او سلة ملابس قديمه او كرتون مويا كبير ..اهم شيء مكان ااامن ودافئ ..

لاكن الاهم من هذا كله راحة القطه داخل المكان هذا يعني لازم يكون مريح لهاا ولجسمها بعد الولاده والتعب ..

انا استخدمت القفص الي تتوارثه الاجيال كل قططي ولدوا فيه قفص لارانب كنا مربينهم زمان

الممهم نبدأ نشتغل :::

نجيب قطن ممكن نشتريه جاهز وممكن ناخذه من جوة مخده قديمه عندنا ومانستخدمها ..



ناخذ القطن ونشكله ونجمعه مع بعض بحيث يصير ثقيل شوي ويغطي المساحه الي نبيها من القفص وكمان تتغطى الفراغات الي تحت الي ممكن تكون مو مريحه للقطه وظهرها ..::




لاحظوا اني ماحطيت القطن الين الاخير وخليت مساحه لاكن بعدين بقولكم ليش ..

بعدين نجيب اي قماش مانبيه ويفضل يكون قماش قطني عشان مايحر بسرعه ويسبب للقطه الحر والفطريات زي الحرير والصوف ..



شايفين المساحه الي تركتهاا ؟؟بقولكم ليش هاذي عشان ينحط فيها صحن المويا والاكل للام بحيث انه ماينكب ومايقدرون الكيتنز يوصلون لعنده لانهم يدورون المكان المريح والدافئ والقريب من امهم ..



بعدين نقدر نجيب مخده مريحه ونحطهاا في نص المساحه الي تركناها للمويه والاكل عشان القطه الام تقدر تمد رجولها بس ماتوصل للخشب الي ممكن يجرحها لو فيه تشققات ..



صوره بعد الانتهااء من العمل ..



وهاذي صوره من الجاانب لداااخل القفص اقصد عش الولاده ..واضح انه جدا مرريح وامن ..



وبكذا نكون خلصنا من تجهيز عش الولادة لقطتنا الحبيبه ..

وزي ماقلت لكم مو شرط قفص ..لو كرتون عادي ..

بس سوو نفس الطريقه صدقوني راح ترتاح القطه بالولاده والنوم والكيتنز الحلوين ..

طريقه سهله وغير مكلفه بتاتا كلها اغراض من البيت ..

وفي النهايه ..اتمنى ان الموضوع حاز على رضاكم +اعتذر عن حجم الصور الكبيره الي ممكن تبطى التصفح ..

وترى العمل من مجهوودي الخاااااااااااااااص ..

لاتنسون الردود ربي يسعدكم ..

والدعاء لقطتي بالولادة السليمه ..

وشكرا ..