إستفسارات كثير الي بيدخل يجيب معه شاي :D الجزء الثاني

[M6r6E3]

السلام عليكم ورحمة الله وبركاته

.

رجعت لكم بعد الجزء الاول واسف انه استفساراتي على اجزاء

رابط الجزء الاول للإفادة يعني هـــــنــــا

هالمرة الأسئلة شوي متعبتني صراحه الاولى اشياء بدائية والحمدلله تخطيتها بمساعدتكم
والحين الاشياء الي مؤرقتني

نبدأ

1- انا من حبي لها كسرت الرخام وسويت لها حديقة صغيرة زرعتها بنفسي بس المشكلة لا تركتها مربوطة تعمل كذا وتقهرني والحل ؟





2- الحين بخصوص تعليمها النباح على الطلب > قلبتها mbc fm المهم اغلب المواضيع الي قريتها ان اخليها مربوطة واوخر اكلها عنها وهي تصرخ بس المشكلة وين !! انها ما تصرخ اذا وخرتوا تسحب علي وتروح تنام والحل ؟



3- الحين اذا خليتها مفلوته بالحوش ما تصرخ نهاااائيا بس اذا ربطتها تقعد احيانا ساكته شوي وبعدها ما تسكت من النباح والحل ؟




4- امر الـ down ما تسويه الا اذا معي تريت ومررته عليها ولتحت وتسحب علي كل شي اوكي sit و لو اناديها تجي وكل شي الا هذا مستعصي علي والحل ؟؟




5- امس كنت عازم رجال كبير عندي البيت ومطوع بعد من دخل من الباب نطت عليه فرحانه ومدري ليش فرحانه الصراحه هي مخبولة ولا تبي تقهرني ؟




6- الشي المهم والي قهرني جدا ً !! اليوم قبل شوي الفجر طلعت احط لها اكل المهم فكيت الليش عنها وقلت بطلع الشارع بشوف تعلمت انها ما تطلع ولا لا المهم انا لابس سروال وفنيلة وحافي بعد الا وتجري وتلف بي الحي كله والله اكثر من 5 كيلو وراها تطالع فيني لا مشيت تجري الين ضحكت عليها وقفت بعيد وناديتها وقلت لها up up وجت ومسكتها المشكلة اخاف تكررها مع احد من البيت هل هلمشكلة لها حل ؟



وفي النهاية اشكركم مره ثانية والى لقاء قريب في الجزء الثالث < فيها ثالث بعد