مبتدئ .. عنددي بعض الأسئلة // مااستغني عن خبرتكم وتوجيهاتكم

[وليد اسعد]

اول شي مبروك يتربا بعزك واسبوع توه الطير جديد وحاول لا تلمسه او تحاول تلمسه لنه بيعتبره تعدي بياخذ موقف منك

اجوبه


* الاسبوع هذا كل يوم تقريبا أطلعه لمدة ساعة أو اكثر

واضح انه عندك حوش وهاذا شي يساعدك في الترويض طلعه اذا عندك ستاند يكون احسن طلعه واجلس جنبه وتجاهل ولا كانه موجود جنبك كل اسبوع قرب المسافه الين ما تلحم فيه

* في البداية اذا طلعته وبغيت ارجعه للقفص مجرد مااجيب القفص عنده يدخل علطول .. هاليومين مايرضى يدخل القفص

هذي التصرفات يعني الطير تاقلم على المكان

* يجعر اذا احد قرب منه .. حتى وانا اغير الماي والاكل يجعععر وبقوووة بس كأنه صار اهدى هالفترة وانا اغير له الماي والاكل
حاول ترفع عن الارض لو متر على الاقل علشان اذا مر من جنبه احد ما يشوفه فوق يعني يشوفه متساوي معه علشان لا يخاف واحول تخليه في الصاله او مكان يمرون امنه اهل البيت كثير اهم شي ما يكون في مكان يجيه هوا بارد او حار

* في البداية لما كنت اطلعه احاول اقرب ايدي منه مايرضى ويجعر ويحاول يعض . الحين صرت امسح على منقاره بس مايخليني اوصل لراسه

اخوي نصيحه لا تستعمل القفاز لنه بعض الطيور تخاف منها بسبت الون وعضها تكون تعذبت يعني مثل يلي تذكره بي الماضي

* فكرت اوديه لواحد يروضه لي .. شرايكم ؟

يفضل انه يتروض على يدك لنه بهاذي الحال يكون تعود عليك وتعتبر انت احسن واحد عنده لو وديته عند واحد بتعود عليه بهاذي الحال ما ستفاديت شي

* عمر السنة ونص .. وش وضعه ؟

بهاذا العمر الطير يتعلم بس يطول وانت وشطارتك بيجي واحد من الشعب يقلك ما تعلم بذا العمر
كلها ترجع لي ذكاء الطير و ذكاء المدرب

* عادي لو خليته برا القفص فترة طويلة ؟ // يعني على مافهمت انه لو تعود وتعلم على انه يطلع كثير بعدين مايرضى يدخل القفص , او يسكت داخل القفص ويكون كلامه بس برا ؟

يلي اعرفه انه عادي بس لا تكون فترا طويله مره يعني 5 ساعات وفوق

* اذا ابي اروشه اروح له من وراه يجي يقابلني مايخليني اكون وراه عشان ارش عليه .. وانا احاول اتجنب اني ارش على راسه .. عادي لو رشيت على راسه ؟

اخوي الترويش حاول تبعد عنه هل فتره لنه الطير جيديد
انا عن نفسي اروش طيري بي الحوش
بس لازم تختار جو حلو ومافي هوا انا اروش الطير على شكل مطر يعني رش عااالي وم بعيد

* اذا بجوعه .. كم الحد الاقصى للتجويع .. ؟ // يعني افضل مده أجوعه فيها كم ؟

ابنسبه لي التجويع البعض يترك الطير فتره طويله وهاذي الشي يضعف من نشاط الطير

الفتره الحلوه لي التجويع من ساعه الى 3 ساعات كحد اقصاا


* اذا جوعته .. لازم اعطيه حب ولا عادي اعطيه فواكه مثلا او فول سوداني ؟

افضل حب لنه في البدايه ما بتجاوب معك ياخذها ويرميها بس شي عادي يمكن تقعد اسبوع على هل الوضعيه

* بالنسبة للنوم .. لما يجي الليل اعزله بغرفه عشان ينام ؟ ولا عادي اخليه مكانه .. وهل اغطي القفص او لا ؟

اخوي خله بكانه ولا تحركه يفضل انك تغطيه

* ودي اغير له القفص .. هل هذي الفترة مناسبة لتغيير القفص , يعني ماصار له الا اسبوع عندي , او انتظر لغاية مايتروض ويتدرب علي بعدين اغير له القفص ؟

اخوي نصيحه لا تغير الفقص لنه طيرك جديد ويعتبر القفص القديم بيته الامن اذا غيرته الطير توتر

متى المفروض اطلعه أشمسه ؟ وكم مدة التشميس المناسبة ؟

اذا في الشتى من الظهر الى العصر لنه يكون الجو دافي
اما الصيف اخر ساعتين من اللعصر نه يكون الجو برد شوي

تحياتي و اسف على الاطاله واي استفسار انا جاهز