أحتاج مساعدة - عــــــــــــــــــــــــاجل -

[dooodi]

السلام عليكم ورحمة الله وبركاته

أنا زي منتو شايفين أنا عضوة جديدة ودخلت عشان أفيد واستفيد بس أولا

حابة أسأل بعض الأسئلة ....

وإن شاء الله ما تكون كثيرة عليكم ولا تتعبكم

السؤال -1 أنا عندي 4 بساس وعرفت أنواعهم كلهم وحدة تركية و 2 مون فيس بس وحدة مني عارفة نوعها

طيب وصورتها بالضبط زي صورة البسة البنية الغامقة في توقيعي

------------------------------------------------------------------------------------------------------

السؤال- 2 في عندي 3 صغار ووحدة كبيرة طيب والصغار تقريبا عمرهم شهرين ويحبوا يلعبوا ومرة يضحكوا بس بعض الأحيان يخافوا مني أحيانا مو كل مرة ويا ترى هوا لعب هذا الخوف ولا من جد؟؟؟
------------------------------------------------------------------------------------------------------

السؤال- 3 البساس الصغار هما 2 أنثى وواحد ذكر طيب والإناث يحبوا يلعبوا معايا ولما ألعبهم يجوا يمسكوا يدي ويلحسوها وإذا شافتني وحدة قاعدة ألعب الثانية تجي وتتدلع جمبي ... بس الذكر ما يلعب معايا مرة هو ما يخاف بس ما يلعب
-------------------------------------------------------------------------------------------------------

السؤال-4 وحدة من الإناث الصغار أحسها خفيفة ولما نشيلها يعني ما تخربش مع إنها تاكل أكثر وحدة
والثانين لما أشيلهم يبغوا يهربوا وثقاااال مرة مع إنهم ما ياكلوا زي الأولى

------------------------------------------------------------------------------------------------------
وسؤال آخير --- أنا أبغا أعود البساس على الإستحمام والنظافة من الصغر لأن الكبيرة ما تحب تتروش وقلت خلاص أمسحها بمديل والصغار انا أروشهم كل أسبوع لأنهم يطلعوا برة ويوصخوا نفسهم أروشهم كذا أول شي أجيب سطل أو أي شي فيلو موية دافية وبعدين ما أمليه وسط وأدخل البسة الأولى تقعد شوية وبعدين تبغى تروح أجي أحط الشامبو ((مخصص للقطط )) وأروشهم أدلك بشويش عشان ما يتعوروا وبعدين أحطهم في البانيو وأكون حاطة فيه مناشف عشان ما يبردوا وأجيب جك وأحط موية دافية وأرش عليهم في البانيو بالتدريج لكي يذهب الصابون ويقعدوا ساكتين وإذا رحت يقعدوا يمومو وأجي أصب مرة ثانية بشويش وخلاص أنشفهم وأستشورهم واليوم الثاني أمشط شعرهم عشان ما يتساقط
--------------------------------------------------------------------------------------------------------

وأنا أسأل طريقة الترويش صحيحة ولا لاء وأتمنى ما أكون كثرت عليكم .
-------------------------------------------------------------------------------------------------------

بستي حملت وولدت وبساسها إلحين صار عمرهم شهرين وتاريخ 24=4=1428 بيسروا 3 وأنا أبغا أستفسر إذا كبروا بيسيروا زي البساس الروميين إلي يشتروهم ولا لاء لأن أبوهم مو رومي . أتمنى إفادتي
--------------------------------------------------------------------------------------------------------

تحيــــــــــــــــــــــــــــــاتي :: dooodi