تحذير

[سلوان]

أنا أشتريت قطة من أحد الأشخاص عن طريق الإنترنت و أرسل لي أكثر من صورة لها و أتفقنا على السعر و طريقة الاستلام و اتفقنا أحول له جزء من المبلغ و وافق و قبل ما أستلم القطة رجع و قال لازم أخذ المبلغ كامل لأني ماعندي سيولة المهم أنا وثقت فيه و حولت له كامل المبلغ .

و لما وصلتني القطة كانت جاية بالشحن و انصدمت لما شفتها طلعت مو نفس اللي في الصورة و أصغر بكثير منها هو قال عمرها شهرين و نصف و اللي استلمتها ما يزيد عمرها عن شهر و نصف و فوق كدا لقيت شعرها طايح في أجزاء من جسمها و بنيتها ضعيفها و غير مدربة على قضاء الحاجة لدرجة إنها ما تعرف تحفر .

حاولت أكلم البائع أكثر من مرة و أرسلت له رسائل فورية على الماسنجر و هو موجود و جالس ينزل مواضيع قطط للبيع في عدة منتديات و مع كدا ما يرد.

الآن القطة لها عندي أسبوع و صحتها كل مالها في النازل و ديتها اليوم للبيطري قال فيها إلتهاب رئوي و جرب و ضعف عام و أعطاها جرعة في الفم و إبرة و مرهم للجرب و الله يستر .

أنا حبيت أحذركم من أمثال هذا البائع اللي ما يخاف الله و عن قريب راح أنزل الصور اللي أرسلها لي و صورة القطة اللي عندي و انتوا احكموا .