انا وحظي الردي مع القطاوة

[توتو لايف]

السلام عليكم ورحمة الله وبركاته


اتمنى انكم تفيدوني بموضوعي

اهي اهي حظي زفت مع القطاوة

انا عندي قطو ذكر من خمس شهور وعمره تقريبا ست شهور
مادري وش نوعه
المهم حسيت الشهرين الاخيرةانه هادي وبس نايم خفت عليه قلت يمكن عشان وحيد
قلت اجيب له انثى يتربوا سوا ويتزاجوا مع الوقت
فجيبت له من شهر انثى فرنسية بس للاسف طلعت جربانه وخفت عليه ورجعتها واخذت فلوسي
بعدها صار يصيح وهو اول ابد مايصيح الااذا يبي الحمام الله يعزكم

المهم من اربع ايام حصلت له قطوة شيرازية مون فيس ونفس لونه ابيض

بس المصيبة انه القطوة هيكل عظمي بس شعرها كثيف ومغطي عليها ولاني مالقيت الا هي قلت لاخوي انا ادير بالي عليها ونهتم فيها
بس المشكلة مو راضيه تاكل ولاشيء لحم احمر دجاج ويسكاس زبادي حليب

كل شيء تشم ريحته وتقرب ولاتاكل
فيها خموووول وبس نايمه
وديتها للطبيب اعطاها فيتامين وفاتح شهيه

انا اللي خايفة منه انها تموت ولا تسترد عافيتها

المحل اللي باعها لي كان حاطها في قفص مع ذكر والقفص صغير يعني على كلام اخوي مايمديها تتمشى فيها حتى

شوروووا علي وش اسوي معها