قطتي ولدت .. اسئلة مهمة جدا

[h_fares el nour]

السلام عليكم

عندي قطة (( بلدي ))

ولدت من اقل من شهر ونصف

ولدت قطتين حاليا بيرضوا وبياكلوا

عندي اسئلة

1- من يومين والدي بدون قصد داس قطة برجله وامها ضربتها وكانت هتموتها الا اننا خلصناهم من بعض وبالليل انا لمستها لمس خفيف برجلي بدون قصد (( نفس القطة الصغيرة )) وحصل نفس الشيء مرة اخرى وضربتها جدا لكن بيرجعوا كويسين تاني بعد ما نفصلهم عن بعض .. ومن ساعتها بعد الحادثتين والقطة الام غريبة وتصرفاتها احيانا غريبة وباحسها كتير خايفة .. ليه؟؟؟

2- في البيت عندي مصرين ان القطتين الصغيرين يمشوا من البيت .. ممكن امشيهم ولا لازم يبطلوا رضاعة الاول؟؟؟ لانهم حاليا بيرضعوا وبياكلوا

3- لو مشيت القطتين الصغيرين من البيت هيزعلوا ولا ايه هيكون احساسهم لاني باحبهم جدا؟؟؟ وايه هيكون احساس القطة الام؟؟؟

4- القطة الام من زمان شرسة وبتلعب كتير جدااا وبتخاف جدا من اي حد من خارج الاسرة وبتستخبى لما بتسمع صوت الباب او صوت خارج البيت .. ليه وانا اعمل ايه علشان احسنها؟؟؟


منتظر الردود