ببغاء ميني مكاو !!!!

[ماكسيموس]

السلام عليكم ورحمة الله وربركاته

اليوم وانا اكلم صديقي بالدوام عن حالة الكاسكو الافريقي شلون كانت سيئه والان تحسنت

ولله الحمد .

قال لي عن ببغاء الميني مكاو !!! استغربت من الاسم لاني الي اعرفه بالعاده المكاو وبس سواء

الاسكارلد او البلو اند جولد او غيره بس الميني مكاو اول مره بحياتي اسمع عنه !!!!! واستغربت

اكثر لمن خلاني اشوف صورة الطير في تلفونه الطير صغير حيييل !!! ماشاءالله -- ويتكلم بعد لاني

شفت له فيديو بتلفونه !!!

انا جدا مستغرب ... المهم انا قلت له ابي اشتري الميني مكاو منك ووافق وقالي ابي ابيعه لك

بمئة وخمسين دينار --- وانا وافقت فورا كون هذا الببغاء عجبني جدا جدا .

اسف طولت عليكم لكن لاني مستانس على الطير وانشاءالله خلال هاليومين راح اشتريه منه .

لكن ما اعرف ولا اي معلومه عن هذا الببغاء لذا اتمنى منكم تساعدوني يعني العمر ؟؟ يعيش باذن الله طبعا من عمر كذا الى عمر كذا ---- يعني متعودين نسمع عن الافريقي مثلا ان يعيش من عمر سنه الى المئة سنه وباذن الله طبعا ..

هل ببغاء الميني مكاو حساس ؟؟ ماهي اطباع هذا الطائر ؟؟ الوصف ؟؟ مارأيكم في هذا الببغاء ؟؟ هل يتعلم الكلام بسرعه ؟؟ مع اني شايفه يتكلم لكن بالفيديو سمعته يقول كلمتين ولا ثلاث كلمات بس مع ان صديقي يقولي ان هذا الطائر يتكلم حاله حال الكاسكو الافريقي !!!
يعني ارجو مساعدتي بكل معلوماتكم عن هذا الببغاء .

والله يعطيك الف الف عافيه