اشترك في نشرتنا البريدية ليصلك كل جديد

مجنونته ~ · 24-09-2010, 02:26 AM

.
.
.

صباح الورد صبايا / شباب ..

أتمنى أنكم تكونوا بخير وعآفيه ..

أنا عضوة جديدة هنا ، وتوقعوا وجودي في اي وقت لأنه صار عندي كروان ..

أول شي حابه اقول لكم القصة من البداية عشان تفهمون معي وش أقصد ، لأنه كثير قال لي بيعيه أو تصرفي فيه بس لا تخلينه عندك وانتي بهالحالة وأولهم أمي

في رمضان اللي فات كان ميلادي وجابت لي اختي هديه كروان كـ تعويض عن طير الحب اللي اسمها "فيروز" ووتوفت الله يرحمها ع يد البسة الشرسه ..

المهم ..

انا إنسانه أحب الطيور كثيييررر ، لكني أخاف

أهتم فيهم وبنظافتهم وأسوي لهم ألعاب لكن أخاف كثير يقرب من يدي وحتى ماادخل يدي بالقفص كثير ..

قبل اسبوع صار ياكل من يدي الحمدلله وهذا اول انجاز عملته

وصرت افتح القفص وادخل يدي وياكل منها وحاسه نفسي سوبر هيرو وانا اعملها

أمي قصت جناحاته لكن لسه ماطلعته برا القفص لأن أمي تقول اذا طلعته انتي بتدخلينه ماعلي منك انت وياه

لما اقرب منه ما يعضني بعكس باقي اهلي يكون عنيف شوي ، لكنه يحاول أحياناً .. وهذا اللي يخوفني مع اني جربت عضته وماتعور مره ..

بس والله اخاف مره مره

ثاني شي : هو مايغرد إلا لما أحط له صوت طيور مثله ، يعني مايغرد من نفسه !!

ثالث شي : يحب الحب الشمسي مووت ، تتوقعون عادي لو اشيله عنه ، لأني ابيه ياكل فواكة وخضروات ..

ثالث شي : أبغاه يتفاعل معي ويلعب ، كيف ؟

الله يخليكم ساعدوني لأن أهلي يقولون تصرفي معاه اذا انتي خوافه وماتقدرين تسوين له شي

أنا ادري ان المشكلة مش في الكروان المشكله فيني انا ، حتى لما قلت لأهلي اني بكتب مشكلتي قالوا لي تبينهم يدخلون يديهم بدالك في القفص مثلا ؟؟!

لكني حبيته كثير ، وحتى هو أحسه يحبني ويتفاعل معي احيانا

وشكراً لكم ..